Mateo 3:4 - Chayahuita (Shahui)

⁴ Coanshasoꞌ co noyápiachin aꞌmorinhuëꞌ. Ponira pochin aꞌmorin, camiyo anporo quëran nipisoꞌ. Shaꞌhuëtë quëran nitonporin. Sëquërë pochin nininsoꞌ macaton, caꞌnin. Ninoiꞌ quënanpachina, irorin.

Mateo 3:4 ပူးပေါင်းရင်းမြစ်များ

Malaquías 4:5

Niꞌcoꞌ. Anaꞌintaꞌhuaso tahuëri nanihuachin, paꞌpi huëhuëpiro nisarin. Coꞌhuara ina tahuëri naniátërasohuëꞌ, Iniasë pënëntonaꞌpi aꞌpataranquëmaꞌ.

Mateo 11:18

Coansha Paotistasoꞌ pënëntapon, co aquëtëꞌ cosharoꞌ yonquirinhuëꞌ. Co noya coshatërinhuëꞌ. Co piꞌpian tërantaꞌ huino oꞌorinhuëꞌ. Napopirinhuëꞌ: ‘Inasoꞌ Sopairi ahuaꞌyantërin niꞌton naporin,’ tënamaꞌ.

Mateo 11:8

Co inaso maꞌhuanoꞌsaꞌ pochin noyápiachin aꞌmorinhuëꞌ. Noyápiachin aꞌmopisopitasoꞌ, copirnoroꞌsaꞌ pëinënaquë yaꞌhuëpi. Coanshaso nipirinhuëꞌ, co nani maꞌsha yaꞌhuëtërinhuëꞌ.

Marcos 1:6

Co inasoꞌ noyápiachin aꞌmorinhuëꞌ. Ponira pochin camiyo anporo quëran nipisoꞌ aꞌmorin. Shaꞌhuëtë quëran nitonporin. Sëquërë pochin nininsoꞌ macaton, inaya tërantaꞌ caꞌnin. Ninoiꞌ quënanpachina, irorin. Piyapiꞌsaꞌ pënënpachina, itapon:

Lucas 1:17

Iráca Iniasë pënëntërinso pochin nóya pënëntarin. Ina pochin chiníquën nanantarin inantaꞌ. Sinioro yaoꞌmahuachin, pënëntapon. Pënëntohuachin, quëmapiꞌsaꞌ huiꞌninpitarëꞌ noya ninontantaponaꞌ. Iporasoꞌ aꞌnaquën co Yosë natëpirinahuëꞌ. Ina natanahuatonaꞌ, noꞌtëquën yonquiaponaꞌ. Inari aꞌchintohuachin, Sinioro nohuantapona huachi, itërin anquëniri.

Deuteronomio 32:13

Motopiroꞌsa parti quëninpoaꞌ. Catahuarinpoa niꞌton, inimicoroꞌsa minsërëhuaꞌ. Nisha nisha nitërinsopita aꞌcarinpoaꞌ. Natëtëquë ninoiꞌ yaꞌhuërinso oꞌshitërinpoaꞌ. Naꞌpiro nininquë oripo nararoꞌsa huanirin. Ina quëran toma ocoiaton quëtërinpoaꞌ.

Apocalipsis 11:3

Naporo tahuëriꞌsaꞌ catoꞌ quëmapi aꞌpararahuë pënëntacaiso marëꞌ. Yaaꞌpahuato, chiníquën nanan quëtarahuë noꞌtëquën shaꞌhuicaiso marëꞌ. Piyapiꞌsaꞌ naꞌcon oshahuanpi niꞌton, catoꞌ quëmapi sëtapi. Sëtatonaꞌ saꞌcatën nininsoꞌ aꞌmosapi piyapiꞌsaꞌ oshanënaꞌ ayonquicaiso marëꞌ. Cara piꞌipi miria pënëntapi, itërinco Yosë.