Mateo 3:12 - Chayahuita (Shahui)

¹² Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ, pënquë ahuiquitërëꞌ. Inasoꞌ co onporontaꞌ tacopiarinhuëꞌ, tënin Coansha.

Mateo 3:12 ပူးပေါင်းရင်းမြစ်များ

Salmos 1:4

Co noyahuëꞌ nipisopitasoꞌ, co onporo napoapihuëꞌ. Arosë shaꞌhuëtë ihuani quiquiconin. Ina pochin nicatonaꞌ, co manta chiniapihuëꞌ.

Isaías 1:31

Chiníquënoꞌsanquëma nipomarahuëꞌ, shinpitë yanimë pochin nisaramaꞌ. Co noyahuëꞌ ninamasopitasoꞌ, pën noꞌhuitërinso pochin nisarin. Huëchinpitohuachina, naporo chachin huëyapoma huachi. Co incari tëranta atacopitaponhuëꞌ,’ tënahuë,” tënin.

Isaías 41:16

Trico pintiarëso pochin nitohuatamaꞌ, panca ihuani quiquirinso pochin yaꞌipi inimiconëmapita ataꞌhuantapomaꞌ. Canpitaso napoaponahuëꞌ, Sinioro yonquiatoma capa cancantaramaꞌ. Naporahuatomaꞌ: ‘Ma noyacha Sinioro imarai paya,’ tosaramaꞌ. Caso noyasáchin ninahuë niꞌton, Israiro chinotërinco.

Jeremías 15:7

Pintiatohuatëra, naponinso ihuani quiquirin. Inapochachin canpitantaꞌ, yaꞌipi ninanonëma quëran ocoiaranquëmaꞌ. Yaꞌhuëramaso noꞌpaꞌ tanahuantárin acoarahuë. Co noyahuëꞌ ninamasoꞌ co yaaꞌporamahuë niꞌton, napotaranquëmaꞌ.

Jeremías 7:20

Napoaton iso noꞌpaꞌ, paꞌpi noꞌhuito anaꞌintarahuë. Piyapiroꞌsaꞌ, maꞌsharoꞌsaꞌ, nararoꞌsaꞌ, sharoꞌsaꞌ, inapita quëran huarëꞌ ataꞌhuantarahuë. Panca pënsoꞌ, co tacopitochináchinhuëꞌ tënëntërin. Ina pochin noꞌhuitërahuësoꞌ nisarin,” itërinco.

Amós 9:9

Trico toꞌnorahuachinara pintiapi. Canpitanta israiroꞌsanquëmaꞌ, inapotatë pochin nitiinëmasoꞌ camaitarahuë. Inapotohuachinënquëmaꞌ, napoonamasopitaso co chiniaramahuëꞌ.

Malaquías 4:1

Naquëranchin Sinioro shaꞌhuitaantarinpoaꞌ: “Caso Sinioroco yaꞌipi nanitapato shaꞌhuitaranquëmaꞌ: ‘Niꞌcoꞌ. Co huaꞌquiya quëranhuëꞌ, anaꞌintaꞌhuaso tahuëri naniarin. Ina tahuëri nanihuachin, ornoquë pën huënaratërinso pochin nisarin. Nocantopisopita, co noyahuëꞌ nipisopita, yaꞌipi inapita anaꞌintarahuë. Panca pënquë shinpitë aꞌnaroáchin huëyarinso pochin co noyahuëꞌ nipisopita anaꞌintarahuë.

Mateo 13:30

Tananpitocoꞌ cato chachin aꞌshiinaꞌ. Nani macacasoꞌ nanihuachin, sacatoroꞌsaꞌ shaꞌhuitarahuë. Pacatëroꞌton masahuatomaꞌ, tonpocoꞌ pënquë ahuiquitacaso marëꞌ. Ina quëran tricosachin masahuatomaꞌ, pëinëhuëquë acotoco huachi, itarahuë,’ tënin patron,” itërin Quisosori.

Mateo 13:41

Anquëniroꞌsaꞌ aꞌpahuato, yaꞌipi co noyahuëꞌ nipisopita ayontonapi huachi. Anishacancantonaꞌpiroꞌsantaꞌ masapi.

Mateo 13:42

Inapita masahuatonaꞌ, pënquë tëꞌyatapi. Inaquë chiníquën parisitatonaꞌ, naꞌnëráponaꞌ.

Mateo 13:43

Yosë natëpisopitaso nipirinhuëꞌ, nóya niꞌsarin. Piꞌi aꞌpininso pochin Yosë huaꞌanëntërinquë yaꞌnoapi. Huëratëhuanpatamaꞌ, noya natanatomaco, yonquicoꞌ,” itërin Quisosori.

Lucas 3:16

Ina natanahuaton, Coanshari itërin: —Aporintëranquëma mini nipirinhuëꞌ, co casoꞌ Cristocohuëꞌ. Ca piquëran inasoꞌ huëꞌsarin. Inaso chini chiníquën nanantërin. Casoꞌ co piꞌpisha tërantaꞌ ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ, pënquë chiníquën anaꞌintarinquëmaꞌ.

Lucas 3:17

Cayarinsoꞌ manëso pochin nisarin. Arosë mapatëra, toꞌnorarëꞌ. Ina quëran pintiarahuatëꞌ, pëiquë acorëꞌ. Shaꞌhuëtënso nipirinhuëꞌ pënquë ahuiquitërëꞌ. Inapochachin anaꞌintohuachinquëmaꞌ, co onporontaꞌ pën tacopiarinhuëꞌ, tënin Coansha.

Juan 15:2

Aꞌna sëꞌpaquën co nitohuachinahuëꞌ, nishitëtërin. Aꞌnaquënso nipirinhuëꞌ piꞌpian nitërin. Ina sëꞌparaꞌhuainpita piꞌpian niꞌquitërin naꞌcon naꞌcon nitacaso marëꞌ. Co niꞌquitohuatërahuëꞌ, co noya nitërinhuëꞌ.