Mateo 3:11 - Chayahuita (Shahui)

¹¹ Co noyahuëꞌ yonquiramasopita naniantohuatamaꞌ, iꞌquë aporintaranquëmaꞌ. Ca piquëranso nipirinhuëꞌ aꞌna quëmapi huëꞌsarin. Inasoꞌ chini chiníquën nanantërin. Casoꞌ co piꞌpian tërantaꞌ ina pochin chiníquën nanantërahuëꞌ. Co maquëyancohuëꞌ niꞌto, co sapatën quëpacaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ pënquë chiníquën anaꞌintarinquëmaꞌ.

Mateo 3:11 ပူးပေါင်းရင်းမြစ်များ

Isaías 44:3

Ca nohuanton inotëroquë naꞌcon iꞌ yaꞌhuëapon. Yaniroquëntaꞌ, iꞌshanaroꞌsa yaꞌhuëapon. Canpita quëran pipipisopitanta ispiritonëhuë ayaꞌcoancantarahuë. Inapotahuato naꞌcon catahuaarahuë.

Marcos 1:4

Ninorinso chachin Coansha huëꞌnin pënëntacaso marëꞌ. Inotëroꞌ parti yaꞌhuaton, piyapiꞌsaꞌ pënënárin. “Co noyahuëꞌ yonquiramasopita naniantatomaꞌ, Yosë chachin tahuërëtantacoꞌ oshanëmaꞌ inquichinquëmaꞌ. Ina quëran aporihuancoꞌ,” itarin. Napotahuaton, naꞌa piyapiꞌsaꞌ aporintarin.

Lucas 1:17

Iráca Iniasë pënëntërinso pochin nóya pënëntarin. Ina pochin chiníquën nanantarin inantaꞌ. Sinioro yaoꞌmahuachin, pënëntapon. Pënëntohuachin, quëmapiꞌsaꞌ huiꞌninpitarëꞌ noya ninontantaponaꞌ. Iporasoꞌ aꞌnaquën co Yosë natëpirinahuëꞌ. Ina natanahuatonaꞌ, noꞌtëquën yonquiaponaꞌ. Inari aꞌchintohuachin, Sinioro nohuantapona huachi, itërin anquëniri.

Lucas 3:16

Ina natanahuaton, Coanshari itërin: —Aporintëranquëma mini nipirinhuëꞌ, co casoꞌ Cristocohuëꞌ. Ca piquëran inasoꞌ huëꞌsarin. Inaso chini chiníquën nanantërin. Casoꞌ co piꞌpisha tërantaꞌ ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ. Inasoꞌ huëꞌpachin, aꞌnaquëmaꞌ Ispirito Santo ayaꞌcoancantarinquëmaꞌ. Aꞌnaquëmaso nipirinhuëꞌ, pënquë chiníquën anaꞌintarinquëmaꞌ.

Lucas 3:3

Napoaton yaꞌipi Cortaniiꞌ parti paꞌtaton, pënëntárin. —Co noyahuëꞌ yonquiramasopita naniantatomaꞌ, Yosë tahuërëtantacoꞌ oshanëmaꞌ inquichinquëmaꞌ. Ina quëran aporintaranquëmaꞌ, itëraꞌpiarin.

Juan 1:15

Coansharintaꞌ niꞌnin. Niꞌpachina, piyapiꞌsaꞌ shaꞌhuitërin: “Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin huachi,” itërin.

Juan 1:30

Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin.

Hechos 1:5

Coanshasoꞌ iꞌquë aporintërinquëmaꞌ. Iporaso nipirinhuëꞌ Ispirito Santo ayaꞌcoancantaranquëmaꞌ catahuainquëmaso marëꞌ. Co huaꞌqui quëranhuëꞌ yaꞌcoancantarinquëmaꞌ, itërin caꞌtanoꞌsanënpita.

Hechos 19:4

—Coanshaso pënëntërin co noyahuëꞌ yonquipisopita naniantacaiso marëꞌ. Ina quëran aporintërin. Nipirinhuëꞌ, co inasáchin shaꞌhuirinhuëꞌ. “Ca piquëran aꞌna quëmapi huëꞌsarin, Yosëri aꞌpaimarinsoꞌ. Ina imacoꞌ,” itërin antaꞌ. Napoaton Quisoso imacoꞌ, itërin Paonori.

Hechos 8:36

Nani aꞌchintohuachina, ira paꞌtapona pochin iiꞌ quënanconpi. —Niꞌquëꞌ iyasha. Iiꞌ yaꞌhuërin. Cantaꞌ aporintoco, topirahuëꞌ, itërin huaꞌani. [

Hechos 8:38

“Noyahuaꞌ,” itohuachina, toronaꞌhua asanorin. Nohuararahuatonaꞌ, cato chachin iꞌquë paꞌmapi. Inaquë aporintërin.

1 Corintios 12:13

Ispirito Santo chachin Quisocristo huëntonënquë ayaꞌconinpoaꞌ. Cotioroꞌsahuë nipon, nisha piyapiꞌsahuë nipon, napopináchin Yosë niꞌninpoaꞌ. Aꞌnaquëmaꞌ canpitaora marëꞌ sacatëramaꞌ. Aꞌnaquëmaꞌ nani tahuëri patronëmaꞌ asacatërinënquëmaꞌ. Nisha nishanpoaꞌ nipirihuahuëꞌ, Ispirito Santo catahuarinpoaꞌ. Quisocristo imarëhuaꞌ niꞌton, huëntonënquë ayaꞌconinpoaꞌ. Aporintohuachinënpoara, aꞌna huëntoínchin ninëhuaꞌ. Yaꞌipi imarëhuasopita Ispirito Santo yaꞌcoancantërinpoaꞌ.

Efesios 3:8

Casoꞌ aꞌnapita imapisopita quëran naꞌcon naꞌcon co noyahuëꞌ nipirahuëꞌ, anoyacancantërinco. Ina quëran nosoroatonco, acorinco nisha piyapiꞌsaꞌ shaꞌhuitaꞌhuaso marëꞌ. Quisocristo nanamënsoꞌ noyápiachin. Ma inacha niꞌton, nosoromiatërinpoa paya, tënahuë yonquiato.

Tito 3:5

Co canpoara noya ninëhuaso marëꞌ nichaꞌërinpoahuëꞌ. Inaora nohuanton, Yosë nosoroatonpoaꞌ, nichaꞌërinpoaꞌ. Amatërëso pochin yaꞌipi oshanënpoaꞌ inquitërinpoaꞌ. Oshanënpoaꞌ inquitatonpoaꞌ, anasitaantarëso pochin nasha cancan quëtërinpoaꞌ. Ispirito Santo nohuanton, ina pochin cancantërëhuaꞌ.

1 Pedro 5:5

Huiꞌnapiꞌsanquëmantaꞌ ansianoꞌsaꞌ natëcoꞌ. Yaꞌipinquëmaꞌ noya yonquiatomaꞌ, nicatahuacoꞌ. Quiricanën quëran itërinpoaꞌ: “Caora noya nisarahuë, taꞌtomaꞌ, nocantohuatamaꞌ, Yosë co noya niꞌsarinquëmahuëꞌ. Nipirinhuëꞌ, ‘Caora co nanitërahuëꞌ noya nicaꞌhuasoꞌ. Catahuaco,’ topatamaꞌ, inaora nohuanton, Yosë nóya catahuarinquëmaꞌ,” tënin.