Mateo 28:7 - Chayahuita (Shahui)

⁷ Manóton paatomaꞌ, caꞌtanoꞌsanënpita shaꞌhuitoncoꞌ: “Nani nanpiantarin. Inaꞌton Caririaquë paꞌsarin. Inatohuaꞌ quënancoantaramaꞌ,” itoncoꞌ. Nani shaꞌhuitëranquëmaꞌ, itërin anquëniri.

Mateo 28:7 ပူးပေါင်းရင်းမြစ်များ

Isaías 44:8

Ama tëꞌhuacosohuëꞌ, chiníquën cancantocoꞌ. Coꞌta cari iráca quëran huarëꞌ maꞌsona onpoamasoꞌ nani shaꞌhuitëranquëmaꞌ. Canpitaso nani natanamaco. Casáchin Yosëco. Co aꞌna yosë ca pochin paꞌpoyatonaꞌpi yaꞌhuërinhuëꞌ,” tënin.

Isaías 45:21

Huëco paꞌahua coisëquë. Noꞌtëquën yonquihuatamaꞌ, aꞌpaniaramaco: ¿Inta caniaritërin quëran maꞌpitaso onpocasoꞌ nani shaꞌhuirin? ¿Inta iráca quëran huarëꞌ inapita shaꞌhuirin? Ca mini Sinioroco niꞌto, inapita nani shaꞌhuirahuë. Co aꞌna Yosë ca pochin yaꞌhuërinhuëꞌ. Casáchin noꞌtëquën yonquirahuë. Casáchin nanitërahuë minsëtato nichaꞌëtaꞌhuasoꞌ.

Mateo 24:25

Nani shaꞌhuitëranquëmaꞌ ama naporo tahuëri nonpintinënquëmaso marëhuëꞌ.

Mateo 26:32

Chiminaporahuëꞌ, Yosë ananpitaantarinco. Ananpitaantahuachinco, caꞌton Caririaꞌpaꞌ paꞌsarahuë. Inatohuaꞌ niquënantarihuaꞌ, itërin.

Mateo 28:10

—Ama huachi paꞌyancosohuëꞌ. Paatomaꞌ, iyahuëpita shaꞌhuitoncoꞌ Caririaꞌpaꞌ paꞌinaꞌ. Inatohuaꞌ quënancoantarinaco, itahuaton, paꞌnin huachi.

Mateo 28:8

Natanahuatonaꞌ, aꞌnaroáchin naꞌpi nanin quëran pipipi. Paꞌpi paꞌyanpirinahuëꞌ. Nóya cancantatonaꞌ taꞌapi caꞌtanoꞌsanënpita shaꞌhuitacaiso marëꞌ.

Marcos 14:28

Chiminaporahuëꞌ, Yosë ananpitaantarinco. Ananpitaantahuachinco, caꞌton Caririaꞌpaꞌ paꞌsarahuë. Inatohuaꞌ niquënantarihuaꞌ, itërin.

Marcos 16:10

Nani niꞌpachina, paꞌnin imapisopita shaꞌhuitacaso marëꞌ. Inapitasoꞌ sëtatonaꞌ, naꞌnëapi.

Marcos 16:13

Nani nohuitahuatonaꞌ, caꞌtanoꞌsanënpita shaꞌhuitoantapirinahuëꞌ, co inapita tërantaꞌ natëpihuëꞌ.

Lucas 24:34

—Tëhuënchachin Sinioro nanpiantarin. Iya Simon nani yaꞌnotërin, itopi.

Juan 14:29

Coꞌhuara pantayatërapohuëꞌ, shaꞌhuitaranquëmaꞌ. Inápaquë pantahuato, yonquiaramaꞌ. “Tëhuënchachin ninoton, shaꞌhuitërinpoaꞌ,” taꞌtomaꞌ, noya noya natëaramaco. Ina marëꞌ shaꞌhuitaranquëmaꞌ.

Juan 16:4

Napoaton iyaroꞌsaꞌ, ama paꞌyancosohuëꞌ. Nani shaꞌhuitëranquëmaꞌ. Aꞌna tahuëri aparisitohuachinënquëmaꞌ, ina yonquiaramaꞌ. ‘Tëhuënchachin noꞌtëquën ninoton, shaꞌhuitërinpoaꞌ,’ tosaramaꞌ. Yaꞌnan imapomaꞌ, co ina pochin shaꞌhuitëranquëmahuëꞌ. Canpitaroꞌco yaꞌhuato, catahuaranquëmaꞌ.

1 Corintios 15:4

“Chiminpachina, paꞌpitopi huachi. Paꞌpitopirinahuëꞌ, cara tahuëri quëran nanpiantarin,” itëranquëmaꞌ. Quiricanënquë ninorinso chachin nanpiantarin:

1 Corintios 15:6

Ina quëran naꞌa imapisopita niyontonasoiꞌ, yaꞌnotaantarin. Aꞌnatërápo pasa naꞌcon niꞌpi. Ipora huantaꞌ nanpirapi. Caraíchin nani chiminpi.