Mateo 28:5 - Chayahuita (Shahui)

⁵ Ina quëran sanapiꞌsantaꞌ canquihuachinara, anquëniri itërin: —Ama paꞌyancosohuëꞌ. Quisoso corosëquë patanantopisoꞌ yonisaramasoꞌ, nitotërahuë.

Mateo 28:5 ပူးပေါင်းရင်းမြစ်များ

Isaías 35:4

Tëꞌhuanaꞌpiroꞌsanta shaꞌhuitatomaꞌ: “¡Chiníquën cancantocoꞌ! ¡Ama paꞌyancosohuëꞌ! Sinioro oꞌmararin nichaꞌëinquëmaso marëꞌ. Inimiconëmapitasoꞌ, noꞌtëquën iꞌhuërëtarin,” itocoꞌ.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 41:14

Canpitaso israiroꞌsanquëmaꞌ, co naꞌashanquëmahuëꞌ. Chaꞌcho co chinirinsohuë pochin nipiramahuëꞌ, carima chachin catahuaranquëmaꞌ. Caso Yosëco noyasáchin ninahuë niꞌton, chinotëramaco. Carinquëma nichaꞌësaranquëmaꞌ.

Mateo 14:27

aꞌnaroáchin Quisosori nontërin. —¡Coꞌta ca huëꞌsarahuë. Ama paꞌyancosohuëꞌ! Chiníquën cancantocoꞌ, itërin.

Mateo 28:10

—Ama huachi paꞌyancosohuëꞌ. Paatomaꞌ, iyahuëpita shaꞌhuitoncoꞌ Caririaꞌpaꞌ paꞌinaꞌ. Inatohuaꞌ quënancoantarinaco, itahuaton, paꞌnin huachi.

Mateo 28:4

Ina niꞌsahuatonaꞌ, sontaroꞌsaꞌ paꞌyanpi. Paꞌpi tëꞌhuatopi. Ropa ropátahuatonaꞌ, chimipi pochin noꞌpaquë anotopi.

Marcos 16:6

Paꞌyanasoiꞌ, inari itërin: —Ama paꞌyancosohuëꞌ. Quisoso Nasaritoquë yaꞌhuërinsoꞌ yonisapiramahuëꞌ, co huachi isëquë yaꞌhuërinhuëꞌ. Corosëquë chiminaponahuëꞌ, nani nanpiantarin. Huëcoꞌ poꞌmopiquë niꞌquiricoꞌ. Capa huachi.

Lucas 1:30

—Ama Maria, paꞌyanquësohuëꞌ. Yosë noya niꞌninquën.

Lucas 24:5

Sanapiꞌsaꞌ paꞌyanpi. Tëꞌhuatatonaꞌ, monshoapirinahuëꞌ, catoyaꞌpiri itaponaꞌ: —¿Onpoatomataꞌ chimipi poꞌmopiquë Quisoso yoniramaꞌ? Inasoꞌ nanpiárin.

Hechos 2:24

Yosëri ananpitaantarin. Chimirin quëran nichaꞌërin. Co chimirini minsërinhuëꞌ.

Hebreos 1:14

Inapitasoꞌ inpriatonënpita pochin niꞌton, Yosëri camairin. Aꞌpaimarin imarëhuasopita catahuainpoaso marëꞌ. Yosë chachin nichaꞌësarinpoaꞌ. Nani ina nitotëramaꞌ.