Mateo 28:15 - Chayahuita (Shahui)

¹⁵ —Noyahuaꞌ. Napoꞌi nipachin, tosahuatonaꞌ, coriqui maꞌpatopi. Paꞌsahuatonaꞌ, piyapiꞌsaꞌ nonpintopi. Cotio huaꞌanoꞌsari shaꞌhuitopiso chachin nonpinpi. Ipora huantaꞌ naꞌa cotioroꞌsaꞌ ina nonpin nanan natëpi.

Mateo 28:15 ပူးပေါင်းရင်းမြစ်များ

Mateo 26:15

—Poꞌoana quëran Quisoso aꞌnotohuatënquëmaꞌ, ¿onpo coriquitaꞌ quëtaramaco? itërin. —Cara shonca coriqui prata quëran nininsoꞌ quëchinquën, itopi. Itohuachinara: —Noyahuaꞌ. Quëtoco nipachin aꞌnochinquëmaꞌ, topachina, quëtopi.

Mateo 27:8

Napoaton ipora huantaꞌ ina poꞌorosoꞌ: “Huënaiꞌ Noꞌpaꞌ,” itopi.

Mateo 9:31

pipirahuatonaꞌ, naꞌa piyapiꞌsaꞌ shaꞌhuitëraꞌpiapi. —Quisoso anoyarayatërincoi. Noya huachi quënantërai, itëraꞌpiapi. Yaꞌipi parti quëran natantopi.

Marcos 1:45

Napotopirinhuëꞌ, papon pochin yaꞌipi piyapi shaꞌhuitëraꞌpiarin. “Quisoso anoyatërinco,” itëraꞌpiarin. Yaꞌipi naporinsoꞌ nahuinin. Napoaton piyapiꞌsaꞌ niꞌtërantapaquë co huachi Quisoso iratërinhuëꞌ. Co huachi nanitërinhuëꞌ aꞌninquëchin ninanoroꞌsaquë pacacasoꞌ. Co piyapiꞌsaꞌ yaꞌhuërinquëhuëꞌ yaꞌhuërárin. Ina niponahuëꞌ, yaꞌipi parti quëran huëꞌpi nicaponaꞌ.

1 Timoteo 6:10

Coriquiráchin paꞌyatohuatëra, nisha nisha yonquirëꞌ. Co noyahuëꞌ ninëꞌ. Nonpinëꞌ, ihuatërëꞌ, noꞌhuitërëꞌ, ina pochin yonquirëꞌ. Aꞌnaquën coriquiráchin yonquiatonaꞌ, Yosë aꞌpopi. Ina quëran cancanëna quëran co huachi noya cancantopihuëꞌ. Sëtatonaꞌ, chiníquën parisitapi.