Mateo 27:54 - Chayahuita (Shahui)

⁵⁴ Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Mateo 27:54 ပူးပေါင်းရင်းမြစ်များ

Mateo 26:63

Quisososo nipirinhuëꞌ co mantaꞌ tëninhuëꞌ, taꞌtárin. Ina quëran corto huaꞌani itantarin: —“Yosë niꞌsárinco co nonpinahuëꞌ,” taꞌton, noꞌtëquën shaꞌhuitocoi. ¿Quëmasoꞌ Cristo, Yosë huiꞌninquën chachin ti? itërin.

Mateo 27:36

Nani masahuatonaꞌ, inaquë huënsëapi nicacaiso marëꞌ.

Mateo 27:40

—¿Nani maꞌsha nanitaparan ti? Iꞌhua naporan: “Yosë chinotopiso pëiꞌ ataꞌhuantohuato, cara tahuëri quëran anoyatantarahuë,” tënan. Inta nipachin chaꞌëquëꞌ. Yosë huiꞌninquën chachin nipatan, corosë quëran nohuararahuaton chaꞌëquëꞌ, itoonpi.

Mateo 27:43

“Yosë huiꞌninco chachin niꞌton, catahuarinco,” topirinhuëꞌ. Yacatahuahuachin, apiramiáchin nichaꞌëin, nitopi.

Mateo 27:51

Naporoꞌ Yosë chinotopiso pëiquë tanontën nëꞌmëtëꞌ patonpisoꞌ noshatërin. Inaora noshataton, catotë huarëꞌ ninin. Inapa quëran noꞌpaquë huarëꞌ noshatomarin. Naporahuaton, panca ocohua paꞌnin. Naꞌpiroꞌsaꞌ inaora nopaatërin.

Mateo 4:3

Naporoꞌ sopairi huëcapairin. —Tëhuënchachin Yosë huiꞌninquën nipatan, iso naꞌpiroꞌsa quëran cosharoꞌ atarantëquëꞌ, itopirinhuëꞌ,

Mateo 8:5

Ina quëran Capinaomoquë paantarin. Canconpachina, aꞌna Noma capitani huëcapairahuaton:

Marcos 15:39

Onporahuatonsona Quisoso chimininsoꞌ capitani niꞌsahuaton: —Tëhuënchachin iso quëmapi Yosë huiꞌnin, tënin.

Lucas 22:70

—Napoahuarëꞌ ¿quëmasoꞌ Yosë huiꞌninquën ti? itopi. —Ca mini inaco, itërin.

Juan 19:7

—Iráca pënëntërinsoꞌ co natërinhuëꞌ niꞌton, chimiꞌin. Topinan piyapi niponahuëꞌ, “Yosë huiꞌninco,” toconin, itopi.

Hechos 10:1

Sisariaquë aꞌna quëmapi yaꞌhuërin. Cornirio itopisoꞌ. Inasoꞌ capitan. “Itariaroꞌsaꞌ” itopiso sontaro huënton camairin.

Hechos 2:37

Piyapiꞌsaꞌ natanahuatonaꞌ, naꞌcon sëtopi. —Co noyahuëꞌ ninai. ¿Maꞌtaꞌ iyaroꞌsaꞌ, onpoꞌiisoꞌ? itopi caꞌtanoꞌsaꞌ.

Hechos 21:32

Natantahuaton, sontaroꞌsaꞌ, capitanoꞌsaꞌ, inapita amatahuaton, quëparin. Taꞌarahuatonaꞌ, piyapiꞌsaꞌ niyontonpiquë paꞌsapi. Sontaroꞌsaꞌ yaꞌcaritërahuachinara, cotioroꞌsari quënanahuatonaꞌ, co huachi Paono ahuëpihuëꞌ.

Hechos 23:17

Shaꞌhuitohuachina, aꞌna capitan amatërin. —Iso huiꞌnapi huaꞌanënquë quëpaquëꞌ nanan shaꞌhuichin, itërin.

Hechos 23:23

Ina quëran catoꞌ capitanoꞌsaꞌ amatërin. —Apira maꞌsha tapacoꞌ Sisariaquë pacacamaso marëꞌ. Cato pasa sontaroꞌsaꞌ shaꞌhuitonquëꞌ paꞌinaꞌ. Cahuarioquë paꞌnaꞌpiroꞌsantaꞌ canchisë shonca quëpaquëꞌ. Nansahuanoꞌsaꞌ cato pasa quëpaquëꞌ. Yaꞌipi tapatëquëꞌ yayonotashirahuasoꞌ pacacamaquëmaꞌ.

Hechos 27:1

Ina quëran Pisto yaaꞌparincoi. Aꞌnapita apiroꞌsantaꞌ yaaꞌparin. Noma copirno Itaria parti yaꞌhuërin niꞌton, Noma sontaroꞌsaꞌ capitan Orio itopisoꞌ nontërin inatohuaꞌ quëpacaiso marëꞌ. “Paono, apiroꞌsaꞌ, inapita quëpacoꞌ,” itohuachina, “Noyahuaꞌ. Quëpaꞌi nipachin,” tënin.

Hechos 27:43

Capitanso nipirinhuëꞌ nohuantërin Paono chaꞌëcasoꞌ. Napoaton “Ama tëpacosohuëꞌ. Yaꞌipinpoaꞌ paꞌahuaꞌ. Nitoyonpatamaꞌ, canpitaꞌton niitatomaꞌ, yonsaiquë pacoꞌ.

Romanos 1:4

Yosë pochachin niꞌton, noyasáchin ninin. Chiminpirinhuëꞌ, Yosëri ananpitaantarin. “Inasoꞌ tëhuënchachin Yosë huiꞌnin. Chini chiníquën nanantarin,” tënëhuaꞌ. Ananpitaantarin niꞌton, nitotërëhuaꞌ. Quisocristo chachin huaꞌanëntërinpoaꞌ niꞌton, “Sinioro” itërëhuaꞌ.

Apocalipsis 11:13

Naporo chachin panca ocohua paꞌsarin. Paꞌpachina, notohuaroꞌ pëiroꞌsaꞌ ohuatarin. Canchisë huaranca piyapiꞌsaꞌ chiminapi huachi. Aꞌnapitasoꞌ paꞌpi tëꞌhuatapi. “Yosë nohuanton, naporin. ¡Maꞌpitacha nanitaparin paya!” tosapi.