Mateo 27:3 - Chayahuita (Shahui)

³ Cotasësoꞌ nani shaꞌhuirapiponahuëꞌ, Quisoso tonpopinan quëpahuachinara, niꞌsárin. Ina niꞌsahuaton, yonquirin huachi. “Maꞌtana tëpacaiso marëꞌ quëparapi. ¿Onpoatocha shaꞌhuirapirahuë paya?” taꞌton, sëtërin. Corto huaꞌanoꞌsaꞌ yaꞌhuëpiquë paantarahuaton, cara shonca coriqui prata quëran nininsoꞌ quëtopisoꞌ yayoꞌcoantapirinhuëꞌ.

Mateo 27:3 ပူးပေါင်းရင်းမြစ်များ

Juan 13:2

Inaroꞌcoi coshatarai. Sopai huaꞌani nani Cotasë ayonquirin Quisoso shaꞌhuirapicaso marëꞌ. Simon Iscarioti huiꞌnin inasoꞌ.

Juan 13:27

Ina maꞌpahuachina, sopairi yaꞌcoancantërin huachi. Naporoꞌ Quisosori itapon: —Maꞌsona yaninansoꞌ manóton niquëꞌ, itërin.

Juan 18:3

Corto huaꞌanoꞌsaꞌ, parisioroꞌsaꞌ, inapita nani shaꞌhuitonin. Natanahuatonaꞌ, sontaroꞌsaꞌ, ponisiaroꞌsaꞌ, inapita aꞌpapi Quisoso macacaiso marëꞌ. Nansa, sahuëni, inapita quëpapi. Tashiꞌ niꞌton, nanparin, yonarin, inapitantaꞌ quëpapi. Cotasëri quëchitërahuaton, aꞌnotërin.

Hechos 1:18

Shaꞌhuirapirinso marëꞌ coriqui quëtopi. Ina coriquinënquë noꞌpaꞌ paꞌanpi. Cotasësoꞌ nitëparahuaton, noꞌpaquë anotaton, yaꞌpoirin. Chiꞌchirinamën pipirin.

2 Corintios 7:10

Oshanënpoa marëꞌ sëtatëhuaꞌ, Yosë nontohuatëhuaꞌ, catahuarinpoaꞌ co noyahuëꞌ yonquirëhuasopita naniantacaso marëꞌ. Ina pochin sëtacasoꞌ noya, tënahuë. Ina quëran anoyacancantarinpoaꞌ. Co imapisopitasohuëꞌ nipirinhuëꞌ topinan quëran sëtopi. Co oshanënaꞌ naniantohuachinahuëꞌ, chiminpachinaꞌ, Yosëri anaꞌintarin.