Mateo 27:29 - Chayahuita (Shahui)

²⁹ Yancotëntaꞌ nahuan quëran nicatonaꞌ, ayancotopi. Ina quëran tëhuacaiso marë napotopi: —Maꞌtana huaranën maquë huachi, itatonaꞌ, piquiranan asëꞌquëëpi. Naporahuatonaꞌ ina notënanquë isonpi: —Huaꞌqui tahuëri nanpiton cotioroꞌsaꞌ huaꞌanëntëquëꞌ, itopi.

Mateo 27:29 ပူးပေါင်းရင်းမြစ်များ

Salmos 69:7

Imaranquënso marëꞌ naꞌaro maꞌsha onpotërinaco. Inapotatonaco atapaninaco.

Isaías 49:7

Siniorosoꞌ nichaꞌëtonaꞌpi. Siniorosoꞌ noyasáchin ninin niꞌton, Israirori chinotërin. Ina chachin piyapinën nontaton: “Quëmasoꞌ nisha piyapiꞌsa nocamiatarinquën. Nisha nisha piyapiꞌsa noꞌhuiarinquën. Noꞌhuitërayaroꞌsa huaꞌanëntatënquën asacatarinquën. Inapotopirinënquënhuëꞌ, copirnoroꞌsaꞌ, huaꞌanoꞌsa inapita niꞌsarinënquën. Noya nicatënënquën huaniponaꞌ. Huanipi quëran moshapënën. Caso Sinioroco. Noyasáchin ninahuë niꞌton, Israiro chinotërinco. Carinquën huayonanquën. Napoaton shaꞌhuitëranquënsopita ananiarahuë,” itërin.

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Jeremías 20:7

Sinioro, quëma piyapinën nicaꞌhuaso marëꞌ noyasha nontatonco përaranco. Napotohuatancora carinquënso natëranquën. Quëmasoꞌ chini chiníquën nanantëran niꞌton, canaranco. Quëma nanamën shaꞌhuirahuëso marëꞌ nani tahuëri tëhuarinaco.

Mateo 20:19

Ina tosahuatonaꞌ, nisha piyapiroꞌsaꞌ shaꞌhuitapi aparisitinacoso marëꞌ. Tëhuarahuatonaco, chiníquën huihuiarinaco. Huihuitonaco, pëꞌshaarinaco. Ina quëran corosëquë apatanantarinaco chiminaꞌhuaso marëꞌ. Chiminaporahuëꞌ, cara tahuëri quëran nanpiantarahuë huachi, itaantarin.

Mateo 26:49

Ina quëran yaꞌyoranquirahuaton: —Tashita Maistro, itiirahuaton, apinorin.

Mateo 27:37

Onporinso marësona tëparapisontaꞌ ninshitopi. isosoꞌ quisoso, cotioroꞌsaꞌ copirno taꞌcasoꞌ, ninshitopi. Inapotahuatonaꞌ, corosëquë chachin motën pëtëcha achinpitopi.

Marcos 15:17

Nani niyontonpachinara, quëhuanën miachin huaꞌan aꞌmorinso pochin aꞌmotopi tëhuacaiso marëꞌ. Yancotëntaꞌ nahuan quëran nicatonaꞌ, ayancotopi:

Marcos 15:18

—¡Huaꞌqui tahuëri nicaton cotioroꞌsaꞌ huaꞌanëntëquëꞌ! itoonpi.