Mateo 27:24 - Chayahuita (Shahui)

²⁴ Napotohuachinara, nisha yonquirin huachi. “Piyapiꞌsaꞌ co yanatërinacohuëꞌ. Chiníquën noꞌhuitatonaꞌ, yaahuërinaco,” taꞌton, co huachi yonquirinhuëꞌ Quisoso ocoicasoꞌ. Napoaton iꞌsha masahuaton, piyapiꞌsaꞌ niꞌtërantapaquë huiꞌsërin. —Iso quëmapisoꞌ noya. Co mantaꞌ onporinhuëꞌ, tënahuë. Co ca nohuanto, tëpaapihuëꞌ. Co ina marëꞌ anaꞌintincosoꞌ yaꞌhuërinhuëꞌ. Canpita yonquiramasoꞌ, itahuaton, huiꞌsërin.

Mateo 27:24 ပူးပေါင်းရင်းမြစ်များ

Jeremías 2:27

Nara nipirinhuëꞌ, ‘quëmaso tatahuëinquën,’ itëramaꞌ. Naꞌpinta nipirinhuëꞌ, ‘quëmasoꞌ mamahuëinquën,’ itëramaꞌ. Inapoatoma caso co huachi tahuërëtëramacohuëꞌ. Napoapomarahuëꞌ maꞌsha onpohuatamara: ‘¡Nichaꞌëcoi Sinioro!’ itaantaramaco.

Jeremías 2:35

Inapoapomarahuëꞌ: ‘Co manta tëhuëraihuëꞌ. Co maꞌmarë tëranta Yosë noꞌhuiincoiso yaꞌhuërinhuëꞌ,’ toconamaꞌ. Noyapaꞌ. ‘Co manta oshahuanaihuëꞌ,’ tënamaso marëꞌ coisëquë niquëpapiso pochin nitaranquëmaꞌ.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Mateo 27:23

—¿Maꞌmarëtaꞌ tëpaꞌi? ¿Maꞌtaꞌ onporin? itopirinhuëꞌ, aquëtë chachin chiníquën itantapi: —¡Corosëquë patanantëquëꞌ chimiꞌin! itaantapi.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Mateo 27:9

Iráca Irimiasë ninoton, Yosë quiricanënquë ninshitërin. “Cara shonca coriqui prata quëran nininsoꞌ quëtapi. Ina nápoꞌ cotioroꞌsaꞌ nohuantopi niꞌton, quëtapi. Ina coriqui chachin maantarahuatonaꞌ,

Juan 13:9

—Napoahuarëꞌ, ama Sinioro nantëhuërachin paꞌmotocosohuëꞌ. Imirahuë, motohuë, inapitantaꞌ yaꞌipi paꞌmotoco, itërin.

Juan 19:4

Ina quëran Pirato pipiantarahuaton, piyapiꞌsaꞌ nontantarin. —Iso quëmapi aꞌnotantaranquëmaꞌ, niꞌcoꞌ. Co mantaꞌ onporinhuëꞌ, tënahuë, itërin.

Hechos 3:14

Quisososoꞌ noyasáchin ninin. Co piꞌpisha tërantaꞌ oshahuanpirinhuëꞌ, co nohuantëramahuëꞌ. ‘¿Intaꞌ ocoichinquëmaꞌ?’ itohuachinquëmara, tëpatonaꞌpi huayonamaꞌ.

2 Corintios 5:21

Iráca Quisocristo co mantaꞌ oshahuanaponahuëꞌ, Yosë nohuanton, yaꞌhuërëtërinpoaꞌ. Oshahuan pochin nicaton, Yosëri chiníquën anaꞌintërin. Canpoa marëꞌ chiminin niꞌton, co huachi oshahuan pochin niꞌninpoahuëꞌ. Quisocristo imapatëhuaꞌ, Yosë nóya niꞌsarinpoaꞌ.

1 Pedro 3:18

Quisocristontaꞌ nóya niponahuëꞌ, oshahuanëhuaso marëꞌ parisitërin. Oshanënpoaꞌ inquitinpoaso marëꞌ chiminin. Aꞌnaromarëáchin chiminin. Noya niponahuëꞌ, oshahuanoꞌsa marëꞌ chiminin. Canpoantaꞌ Yosë nohuitacaso marëꞌ chiminin. Piyapi niꞌton tëhuënchachin tëpapi. Chiminaponahuëꞌ, nanpiantarin niꞌton, noya noya yaꞌhuantarin.