Mateo 27:2 - Chayahuita (Shahui)

² Ina quëran noyá tonporahuatonaꞌ, Pirato yaꞌhuërinquë quëpapi. Inasoꞌ huaꞌan, Noma copirnori acorinsoꞌ.

Mateo 27:2 ပူးပေါင်းရင်းမြစ်များ

Génesis 22:9

Yosëri shaꞌhuitërinquë canconpachinara, Apraanso aꞌnara artaro ninin. Tënirahuaton, ina aipi ihuë acorin. Ina quëran huiꞌnin tonporahuaton, ihuë aipi acorin.

Mateo 20:19

Ina tosahuatonaꞌ, nisha piyapiroꞌsaꞌ shaꞌhuitapi aparisitinacoso marëꞌ. Tëhuarahuatonaco, chiníquën huihuiarinaco. Huihuitonaco, pëꞌshaarinaco. Ina quëran corosëquë apatanantarinaco chiminaꞌhuaso marëꞌ. Chiminaporahuëꞌ, cara tahuëri quëran nanpiantarahuë huachi, itaantarin.

Mateo 28:14

Huaꞌanëmaꞌ natantaton ina marëꞌ noꞌhuihuachinquëmaꞌ, quiyari anoyatarai ama anaꞌintinquëmaso marëhuëꞌ, itopi.

Lucas 13:1

Naporoꞌ aꞌnaquën huëꞌsahuatonaꞌ, Quisoso shaꞌhuitiipi: “Caririaroꞌsaꞌ Yosë pëinënquë chinotatonaꞌ, maꞌsha tëparapirinahuëꞌ, Piratori sontaroꞌsaꞌ aꞌparin tëpacaiso marëꞌ. Inaquë chachin tëpapi,” itiipi.

Lucas 20:20

Napoaton aꞌnaquën quëmapiꞌsaꞌ amatahuatonaꞌ, itaponaꞌ: “Nonpintatomaꞌ, Quisosoquë pacoꞌ. Yaimaramaso pochin nicatomaꞌ, ina nontocoꞌ atëhuëcaso marëꞌ. Ina quëran shaꞌhuirapihuatamaꞌ, huaꞌani sontaroꞌsaꞌ aꞌpaarin ina macacaso marëꞌ,” itopi.

Lucas 23:1

Ina quëran pipirahuatonaꞌ, Piratoquë Quisoso quëpapi.

Lucas 23:12

Nani huaꞌquiꞌ Pirato Irotisërëꞌ ninoꞌhuipirinahuëꞌ, naporo quëran huarëꞌ co huachi niinimicotopihuëꞌ, noya ninontantapi.

Lucas 3:1

Naporo tahuëriꞌsaꞌ Tipirio itopisoꞌ, Noma copirno yaꞌconin. Nani shonca aꞌnatërápo piꞌipi huaꞌanëntarin. Ponsio Piratontaꞌ Cotia parti huaꞌanëntarin. Irotisësoꞌ, Cariria parti huaꞌanëntarin. Iin Pinipi itopisontaꞌ, Itoria parti, Traconiti parti, inapita parti huaꞌanëntarin. Nisaniasësoꞌ nipirinhuëꞌ, Apirinia parti huaꞌanëntarin.

Juan 18:12

Ina quëran sontaroꞌsaꞌ, capitan, cotio ponisiaroꞌsaꞌ, inapita huëꞌsahuatonaꞌ, Quisoso mapi. Masahuatonaꞌ, tanpaquën noyá tonporahuatonaꞌ,

Juan 18:24

Ina natanahuaton, huaꞌani aꞌparin Caihuasë nontacaso marëꞌ. Tonpopinan quëpapi.

Juan 18:28

Tashíramiachin nisahuasoꞌ, Caihuasë pëinën quëran quëparahuatonaꞌ, Noma huaꞌan pëinënquë quëpapi. Cotioroꞌsaso nipirinhuëꞌ co inaquë yaꞌconpihuëꞌ. “Nisha piyapiꞌsaꞌ pëinënquë yaꞌconpatëhuaꞌ, oshahuanarihuaꞌ. Ina quëran co nanitarihuahuëꞌ Pascoa cosharoꞌ capacasoꞌ,” topi.

Hechos 12:6

Tashiraya pochin huaꞌani anaꞌintacasoꞌ nisahuasoꞌ, Pitro huëꞌësárin. Catoꞌ sontaroꞌsari ahuancoanapipi. Catoꞌ catinaquë tonpopi. Ahuënan quëran aꞌna sontarori nitonpotanpatërin. Inchinan quëran aꞌnarintaꞌ nitonpotanpatërin. Inapotahuatonaꞌ, yaꞌipi huëꞌësapi. Yaꞌcoanaquë catoꞌ sontaroꞌsa chachin tashinan pëiꞌ aꞌpairápirinahuëꞌ.

Hechos 21:33

Capitan huaꞌani canconahuaton, Paono maconin. “Catoꞌ catinaquë tonpotanpatëquëꞌ,” itohuachina, aꞌna sontarori nitonpotanpatërin. Aꞌna tanpain quëraontaꞌ aꞌna sontarori inapotërin. Inapotohuachinara, capitansoꞌ piyapiꞌsaꞌ natanin: “¿Maꞌnintaꞌ iso quëmapi? ¿Maꞌtaꞌ onporinsoꞌ?” tënin.

Hechos 22:25

Inaquë quëparahuatonaꞌ, tonpopi huihuicaiso marëꞌ. Tonpopirinahuëꞌ, capitan inaquë huaniarin niꞌton, Paonori itapon: —Casoꞌ Noma piyapico nipirahuëꞌ, yahuihuiramaco. Co napotamacoso yaꞌhuërinhuëꞌ. Co coisë nitotopirinhuëꞌ, ¿yahuihuiramaco ti? itërin Paonori.

Hechos 22:29

Ina natanahuatonaꞌ, co huachi huihuipihuëꞌ. Capitan huaꞌaontaꞌ paꞌyanaton, tëꞌhuarin. Noma piyapi nipirinhuëꞌ, catinaquë tonporinso marëꞌ copirno tëꞌhuatërin.

Hechos 24:27

Catoꞌ piꞌipi nanihuachina, nisha huaꞌan yaꞌcoantarin, Porsio Pisto itopisoꞌ. Huirisësoꞌ pipirin huachi. Pipiponahuëꞌ, co Paono ocoirinhuëꞌ. “Cotioroꞌsaꞌ noꞌhuihuachinaco,” taꞌton, co ocoirinhuëꞌ.

Hechos 28:20

Napoaton amatëranquëmaꞌ. Yanohuitëranquëmaꞌ. Huëcoꞌ ninontahuaꞌ. Yaꞌipi israiroꞌsanpoaꞌ ninarëhuaso marëꞌ catinaquë tonpoimiratërinaco, itërin.

Hechos 3:13

Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.

Hechos 9:2

“Quirica ninshitoco piyapi macaꞌhuaso marëꞌ. Tamascoquë quëparahuato, niyontonpiso pëiꞌ huaꞌanoꞌsaꞌ quëtarahuë. Inaquë nasha nanan imapisopita quënanpato, masarahuë. Quëmapiꞌsaꞌ tonporahuato, isëquë chachin quësarahuë. Sanapiꞌsaquë huarëꞌ masarahuë,” tënin Saono. Napohuachina, quirica ninshitahuaton, quëtërin.

1 Timoteo 6:13

Yosë chachin ananpirinpoaꞌ. Inasoꞌ niꞌsarinpoaꞌ. Quisocristontaꞌ niꞌsarinpoaꞌ. Iráca inantaꞌ chiníquën cancantaton, Ponsio Pirato noꞌtën nanan shaꞌhuitërin.

2 Timoteo 2:9

Ina aꞌchinahuëso marëꞌ parisitërahuë. Noꞌhuitonaco, tashinan pëiquë poꞌmorinaco. Apinaꞌpi pochin nicatonaco, catinatërinaco. Inapotopirinacohuëꞌ, Yosë nanamënsoꞌ co nanitopihuëꞌ inapotacaisoꞌ. Nisha nisha parti aꞌchinapi niꞌton, nahuinin.

Hebreos 13:3

Ama tashinan pëiquë poꞌmopisopita naniantocosohuëꞌ. Catahuacoꞌ. Canpitantaꞌ tashinan pëiquë yaꞌhuëaramaso pochachin yonquicoꞌ. Aꞌnaquëontaꞌ imapiso marëꞌ chiníquën aparisitohuachinaꞌ, noya yonquicoꞌ. Canpitantaꞌ inapita ninatanpiso pochin cancantatomaꞌ, nosorocoꞌ.

Jueces 15:12

Napotohuachina: —Quiyaso macatëinquën huiristinoꞌsaquë yocaꞌhuainquënso marëꞌ huëꞌnai, itopi. —Yoscoarëꞌ taꞌtoma nipachin, ama canpita chachin tëpamacoso marëhuëꞌ shaꞌhuitoco, itërin Sansoni.