Mateo 27:19 - Chayahuita (Shahui)

¹⁹ Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Mateo 27:19 ပူးပေါင်းရင်းမြစ်များ

Génesis 31:11

Naporo chachin Yosë anquëninën përarinco: “¡Cacopo!” itërinco. Itohuachincora: “Isëquë nisarahuë,” itërahuë.

Génesis 31:29

Nohuantërahuë naporini, maꞌshátërahuë yaꞌipinquëma anaꞌinchitënquëmahuëꞌ. Napoaponahuëꞌ, achin tashi chachin Yosë nontërinco. Inasoꞌ tataparionta chinotërin. Huëꞌëhuëquë yaꞌnotatonco nontërinco: “Natanquë Napano shaꞌhuichinquën. Niꞌquëna Cacopo noꞌhuiton maꞌsha onpototan. Tananpitëquë paꞌin,” itërinco.

Isaías 53:11

Paꞌpi parisitërinso piquëran: “Tëhuënchachin yaꞌipi nanirahuë huachi,” tosarin. Ina nitotaton noya cancantarin. Sinioro piyapinënsoꞌ, noꞌtëquënáchin ninin. Inapoaton naꞌa piyapiꞌsa nichaꞌësarin. Co noyahuëꞌ nipiso marëꞌ parisitaton inapotarin.

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 1:20

Huëꞌësoꞌ, Yosë anquëninëni yaꞌnotimarin nontacaso marëꞌ. —Tashita Cosi. Carinquën nohuitëranquën. Quëmasoꞌ Tapicoꞌ shinquën. Piꞌpian shaꞌhuitaponquën oꞌmarahuë. Maria noya maquëꞌ. Co quëmapiri sëꞌhuarinhuëꞌ. Ispirito Santo nohuanton, inaora cayorin. Napoaton noya maquëꞌ.

Mateo 2:19

Naporoꞌ Cosisoꞌ Iquipitoquë yacapatarin. Irotisë chiminpachina, Yosë anquëninëni yaꞌnotantarin. Huaꞌnarinso pochin Cosiri quënanin.

Mateo 2:22

Canconahuaton, nanan natantërin. “Irotisë huiꞌnin yaꞌhuërëꞌ huaꞌanëntantarin. Ariquirao itopisoari paꞌpin yaꞌhuërëtërin,” topi, natantërin. Ina tëꞌhuataton, co nohuantërinhuëꞌ inatohuaꞌ yaꞌhuëcasoꞌ. Naporahuaton, huaꞌnantarin. —Ama copirno yaꞌhuërinquë chachin panantaquësohuëꞌ, itërin anquëniri. Ina natanahuaton, Cariria parti paꞌnin yaꞌhuëcaso marëꞌ.

Mateo 27:18

“Cotio huaꞌanoꞌsari co quëꞌyatonahuëꞌ, Quisoso mapi,” taꞌton, Piratori napotërin.

Mateo 27:24

Napotohuachinara, nisha yonquirin huachi. “Piyapiꞌsaꞌ co yanatërinacohuëꞌ. Chiníquën noꞌhuitatonaꞌ, yaahuërinaco,” taꞌton, co huachi yonquirinhuëꞌ Quisoso ocoicasoꞌ. Napoaton iꞌsha masahuaton, piyapiꞌsaꞌ niꞌtërantapaquë huiꞌsërin. —Iso quëmapisoꞌ noya. Co mantaꞌ onporinhuëꞌ, tënahuë. Co ca nohuanto, tëpaapihuëꞌ. Co ina marëꞌ anaꞌintincosoꞌ yaꞌhuërinhuëꞌ. Canpita yonquiramasoꞌ, itahuaton, huiꞌsërin.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

Lucas 23:41

Canposoꞌ co noyahuëꞌ ninëꞌ. Napoaton noꞌtëquën coisë anaꞌintarinpoꞌ. Iso quëmapiso nipirinhuëꞌ nóya. Co mantaꞌ onporinhuëꞌ, itërin.

Lucas 23:47

Capitansoꞌ ina niꞌsahuaton, Yosë chinotërin: —Tëhuënchachin iso quëmapi co mantaꞌ onporinhuëꞌ, tënin.

Juan 19:13

Ina natanahuaton, “Coꞌchi nanitërahuëꞌ Quisoso ocoicaꞌhuaso paya,” taꞌton, aipiran quëpantarin. Quëpantarahuaton, anaꞌintacasoꞌ shiranënquë huënsërin. “Shancori iꞌiratëꞌ,” itopiquë yaꞌhuërin. Cotio nananquësoꞌ, Capata, itopi.

Hechos 12:21

—Shaꞌhuitëquëꞌ huëntaꞌinaꞌ nonchi, itërin. Niyontonpachinara, noyápiachin nitaparin. Huaꞌanëntacasoꞌ shiranënquë huënsërahuaton, piyapiꞌsaꞌ nontarin.

Hechos 18:12

Ina quëran Cariono Acaya parti huaꞌanëntohuachina, cotioroꞌsari Paono noꞌhuitonaꞌ, niyontonpi. Ina masahuatonaꞌ, huaꞌanoꞌsataquë quëpapi anaꞌintacaiso marëꞌ.

Hechos 18:16

Itahuaton, aꞌparin.

Hechos 18:17

Naꞌa piyapiꞌsari niꞌsapi. Niꞌsahuatonaꞌ, cotio niyontonpiso pëiꞌ huaꞌan mapi, Sostinisë itopisoꞌ. Masahuatonaꞌ, inaquë chachin ahuëpi. Carionori nicaponahuëꞌ, co mantaꞌ tëninhuëꞌ. Co ina yonquirinhuëꞌ.

Hechos 25:10

—Co nohuantërahuëꞌ. Quëmasoꞌ Noma copirno acorinquën niꞌton, nontaranquën. Shaꞌhuirapirinacosoꞌ isëquë anoyatacasoꞌ yaꞌhuërin. Co mantaꞌ cotioroꞌsaꞌ onpotërahuësohuëꞌ, nitotëran.

Hechos 25:17

Napoaton isëquë huëꞌpachinara, co huaꞌquirahuëꞌ. Tahuëririnquë coisë shiranënquë huënsërahuato, Paono amatërahuë.

Hechos 25:6

Inaquë shonca tahuëri pochin iꞌhuatantarahuaton, Sisariaquë paantarin. Tahuëririnquë coisë shiranënquë huënsërahuaton, Paono amatërin.

1 Pedro 2:22

Inasoꞌ nóya ninin. Co mantaꞌ onporinhuëꞌ. Co piꞌpian tërantaꞌ nonpininhuëꞌ.

1 Juan 2:1

Quisocristo imaramaꞌ niꞌton, huiꞌnahuëpita pochin niꞌnanquëmaꞌ. Ninshitaranquëmaꞌ noyasáchin nicacamaso marëꞌ. Nipirinhuëꞌ, co noyahuëꞌ nipatëhuaꞌ, Quisocristo catahuarinpoaꞌ. Oshahuanëhuaꞌ niꞌton, anaꞌintinpoasoꞌ yaꞌhuëpirinhuëꞌ. Canpoa marëꞌ Yosë nontaton, nanan anoyatarinpoaꞌ. Inasoꞌ noꞌtëquënáchin yonquirin.