Mateo 27:18 - Chayahuita (Shahui)

¹⁸ “Cotio huaꞌanoꞌsari co quëꞌyatonahuëꞌ, Quisoso mapi,” taꞌton, Piratori napotërin.

Mateo 27:18 ပူးပေါင်းရင်းမြစ်များ

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

Proverbios 27:4

Piyapi noꞌhuitohuachinasoꞌ, co tënorotochináchinhuëꞌ cancantërin. Paꞌpi huënocatohuachinantaꞌ, maꞌsha ataꞌhuantochináchin niconin. Noyapatatona noꞌhuitohuachinasoꞌ napoaponahuëꞌ, aquë aquëtë co ahuantacasohuëꞌ nisarin.

Mateo 27:17

Piyapiꞌsaꞌ huëꞌpachinara, Piratori itërin: —Ipora Pascoaquëntaꞌ aꞌnaraꞌ apinaꞌpi ocoiantaꞌi, topirahuëꞌ. ¿Insotaꞌ nohuantëramaꞌ ocoicaꞌhuasoꞌ? Catoꞌ yaꞌhuapi. Aꞌnasoꞌ Parapasë. Aꞌnantaꞌ Quisoso, Cristo itopisoꞌ. ¿Insochachintaꞌ nohuantëramaꞌ ocoicaꞌhuasoꞌ? Canpita huayoncoꞌ, itërin.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.

Marcos 15:10

Corto huaꞌanoꞌsari apiratonaꞌ, Quisoso nani mapi. Ina nitotaton, Piratori naponontërin.

Hechos 13:45

Cotioroꞌsaso nipirinhuëꞌ notohuaroꞌ piyapi niꞌsahuatonaꞌ, noꞌhuitonaꞌ, apiratopi. “Isopitasoꞌ nisha piyapiꞌsaꞌ niꞌton, co canpoa pochin iráca pënëntërinsoꞌ natëpihuëꞌ,” taꞌtonaꞌ, noꞌhuitopi. “Paono co noꞌtëquën aꞌchininhuëꞌ. Inasoꞌ nonpintëꞌ,” itopi.

Hechos 5:17

Napohuachina, corto huaꞌan chini chiníquën nanantërinsoꞌ noꞌhuitërin huachi. “Naꞌcon naꞌcon piyapiꞌsaꞌ Quisoso imasapi,” taꞌton, apiratërin. Satosioroꞌsantaꞌ noꞌhuitopi.

Hechos 7:9

Aꞌnaraꞌ Cosi itopi. Iinpitari apiratatonaꞌ, noꞌhuipi. Iina chachin nipirinhuëꞌ, co quëꞌyapihuëꞌ. Napoaton nisharoꞌsaꞌ yaꞌnohuachinara, paꞌanpi asacatacaiso marëꞌ. Nisha piyapiꞌsari Iquipitoꞌpaꞌ quëpapi. Yosëriso nipirinhuëꞌ catahuarin.

Santiago 4:5

Yosë quiricanën quëran shaꞌhuitërinpoaꞌ. “Ispirito Santo ayaꞌcoancantërinpoaꞌ. Yaꞌcoancantohuachinpoaꞌ, apirarinpoaꞌ Yosëíchin paꞌyatacaso marëꞌ,” tënin. Co topinan quëran naporinhuëꞌ.