Mateo 26:9 - Chayahuita (Shahui)

⁹ Paꞌanin naporini, naꞌcon coriqui canaton saꞌahuaroꞌsaꞌ quëtacasoꞌ yaꞌhuëchitonhuëꞌ, nitopi.

Mateo 26:9 ပူးပေါင်းရင်းမြစ်များ

2 Reyes 5:20

Irisio piyapinënso yonquirin: “Huaꞌanëhuësoꞌ, Namano co manta maꞌpaponahuëꞌ aꞌparin. Yoscoarëꞌ cari imasarahuë. Tapona maꞌsha tëranta maꞌparahuë,” tënin.

Mateo 26:10

Quisosori natanahuaton, itërin: —¿Maꞌmarëtaꞌ iso sanapi noꞌhuiramaꞌ? Tananpitocoꞌ. Naꞌcon nosoroatonco, inapotërinco.

Mateo 26:8

Ina nicatona caꞌtanoꞌsanënpitasoꞌ, noꞌhuitopi. Noꞌhuitatona ninontopi. —¿Onpoatontaꞌ iso huaꞌsaiꞌ paꞌton nipirinhuëꞌ chiniarin?

Marcos 14:5

Paꞌanin naporini, cara pasa tahuëri marëꞌ pahuërëtopiso pochin coriqui canaitonhuëꞌ. Saꞌahuaroꞌsaꞌ quëtacasoꞌ yaꞌhuëchitonhuëꞌ, nitopi. Ina pochin yonquiatonaꞌ, sanapi noꞌhuipi.

2 Pedro 2:15

Noꞌtën nanan aꞌporahuatonaꞌ, Yosë iranën quëran pëshonpi. Paramo pochin cancantopi. Pioro huiꞌnin inasoꞌ. Iráca pënëntopirinhuëꞌ, coriqui naꞌcon naꞌcon nohuantërin. “Nonpinacasoꞌ co noyahuëꞌ nipirinhuëꞌ, inapoato, naꞌcon canarahuë,” taꞌton, co noyahuëꞌ ninin.

1 Samuel 15:21

Sontaronëhuëpitaso nipirinhuëꞌ, ohuicaroꞌsaꞌ, ohuacaroꞌsaꞌ, inapita noya noya nininsoꞌ mapi. Inapitanta ataꞌhuantacaso nipirinhuëꞌ, mapi. Tëpatona Quiricaroquë Sinioro chinotacaiso marëꞌ mapi. Inasoꞌ Yosë quëmari chinotëransoꞌ, itërin.

1 Samuel 15:9

Napoaponahuëꞌ, Saonoso sontaronënpitarë chachin, Acaco co yatëpapihuëꞌ. Pëꞌtahuaroꞌsa noya noya nipisopitanta co tëpapihuëꞌ. Ohuicaroꞌsaꞌ, tororoꞌsaꞌ, toroaꞌhuaroꞌsa amoshin nipisopita, carniroroꞌsaꞌ, inapitanta co tëpapihuëꞌ. Naporahuaton maꞌsha paꞌton nipisopitanta co ataꞌhuantopihuëꞌ. Naponin nipisopitaráchin ataꞌhuantopi.