Mateo 26:67 - Chayahuita (Shahui)

⁶⁷ Ina quëran ipirayatahuatonaꞌ, ahuëpi. Aꞌnaquënintaꞌ tonporayatahuatonaꞌ, chiníquën panpirayapi.

Mateo 26:67 ပူးပေါင်းရင်းမြစ်များ

1 Reyes 22:24

Naporoꞌ Sitiquiasëri, Miquiasë panpirayarin. Napotahuaton: —“Sinioro ispiritonëni Sitiquiasë anitotacaso tananpitërin. ¡Ina tananpitaton, ca yaꞌhuërë anitotërinco huachi,” topatan, ninonpintaran! itërin.

Isaías 50:6

Yahuihuihuachinacora, co pinëhuë apirarahuëꞌ. Shinoratënta yahuaꞌtohuachinacora co apirarahuëꞌ. Noꞌhuitonaco ipirayatohuachinacora, co niquë tahuërërahuëꞌ.

Isaías 52:14

Yaꞌpirin, nonën, inapita nishinahuën nitopi niꞌton, co huachi piyapi pochin yaꞌnoarinhuëꞌ. Napoaton notohuaroꞌ piyapiꞌsa paꞌyanaponaꞌ.

Isaías 53:3

Piyapiꞌsari nocanatona aꞌpoaponaꞌ. Co noyahuëꞌ nicatona chiníquën aparisitapi. Aꞌpopi niꞌton, paꞌpi sëtaton parisitapon. Canpoarinta co niꞌchináchinhuëꞌ cancantatëhuaꞌ, nocanëhuaꞌ. Co piꞌpian tëranta noya yonquirapirëhuahuëꞌ.

Jeremías 20:2

Ina natanaton camaitërin: “Irimiasë huihuirahuatomaꞌ, nontëroꞌsaquë nantëquën acatëntocoꞌ,” tënin. Napohuachina inapotërinaco. Ina nontëroꞌsasoꞌ, “inapa Mincamin yaꞌcoana” itopiquë yaꞌhuërin. Ina yaꞌcoanasoꞌ, Yosë chinotacaso pëi pirayan yaꞌhuërin.

Miqueas 5:1

Naquëranchin Sinioro taantarin: “Iporaso napoaponahuëꞌ, Quirosarinquë yaꞌhuëramasopita, inimiconëma chinitamaso yonquicoꞌ. Inapitaso huëꞌsahuatonaꞌ, ninanonëma tancapitopi. Inapitari Israiro copirno chiníquën anaꞌintaponaꞌ,” tënin.

Mateo 26:68

—¿Intaꞌ ahuërinquën? Quëmasoꞌ Cristonquën nipatan, ninoton noꞌtëquën shaꞌhuitocoi, itopi.

Mateo 27:30

Ina quëran iraiquë ipitopi. Piquiranantaꞌ matantarahuatonaꞌ, ahuëmotopi.

Mateo 5:39

Napopirinahuëꞌ, carimaꞌ shaꞌhuichinquëmaꞌ. Co canpita capinisoꞌ niiꞌhuërëtacasoꞌ yaꞌhuërinhuëꞌ, tënahuë. Maꞌsha onpotohuachinënquëmaꞌ, ama noꞌhuicosohuëꞌ. Panpirayahuachinënquëmaꞌ, ama mantaꞌ iꞌhuërëtocosohuëꞌ. Naquëranchin panpiantahuachinquëmaꞌ, co naporo tërantaꞌ noꞌhuicasoꞌ yaꞌhuërinhuëꞌ.

Marcos 10:34

Inapita tëhuarahuatonaco, ipitarinaco. Chiníquën huihuiarinaco, pëꞌshararinaco. Ina quëran tëpararinaco. Chiminaporahuëꞌ, cara tahuëri quëran nanpiantarahuë,” itantarin.

Marcos 14:65

Naporahuatonaꞌ, Quisoso ipitopi. Tonporayatahuatonaꞌ, chiníquën panpirayapi. —Quëmasoꞌ Cristonquën nipatan, ninoton noꞌtëquën shaꞌhuitocoi. ¿Intaꞌ ahuërinquën? itoonpi. Ponisiaroꞌsarintaꞌ chiníquën ahuërayapi.

Marcos 15:19

Piquirananquë ahuëmotopi. Ahuërahuatonaꞌ, ipitopi. Isonahuatonaꞌ, nito mosharapi.

Juan 18:22

Itohuachina, ponisiari panpirayarin. —Corto huaꞌan chini chiníquën nanantërinso nipirinhuëꞌ, ¿ina pochin aꞌpaniran ti? itërin ponisiari.

Juan 19:3

—¡Nanpimiataton israiroꞌsa huaꞌanëntëquëꞌ! itopi. Napotahuatonaꞌ, panpirayarápi.

1 Corintios 4:13

Pinopachinacoirantaꞌ, sanoanan quëran nontërai. “Nanan anoyachi,” taꞌtoi, noya nontërai. Noꞌhuitonacoi, iporahuantaꞌ co quëꞌyarinacoihuëꞌ. Amoro pochin niꞌninacoi.

Hebreos 12:2

Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.