Mateo 26:65 - Chayahuita (Shahui)

⁶⁵ Corto huaꞌanso natanahuaton, chiníquën noꞌhuitërin. Inapoaton aꞌmorinso osharin. —“¡Casoꞌ Yosë huiꞌninco,” toconin! Nani natanamaꞌ. Inaora chachin shaꞌhuitërinpoaꞌ niꞌton, co aꞌnapita shaꞌhuitinpoasoꞌ nohuantarihuahuëꞌ.

Mateo 26:65 ပူးပေါင်းရင်းမြစ်များ

2 Reyes 18:37

Ina natanatonaꞌ, Isiquiasë aꞌparinsopitaso co napion cancantopi. Napoatona aꞌmopiso oshapi. Ina quëran Asiria huaꞌani napotërinsoꞌ, Isiquiasë shaꞌhuitacaiso marëꞌ paantapi.

Jeremías 36:24

Copirno, catahuarinsopita huaꞌanoꞌsaꞌ, inapitaso natanaponaraihuëꞌ co manta Sinioro tëꞌhuatopihuëꞌ. Co oshanëna marëꞌ tëranta sëtopihuëꞌ.

Números 14:6

Cosoi, Caripi, inapitaso nipirinhuëꞌ, panca sëtatona aꞌmopiso oshapi. Inapitanta Canaan noꞌpaꞌ nohuitapona paꞌpisoꞌ.

Mateo 9:3

Ina natanahuatonaꞌ, cotio maistroꞌsaꞌ yonquipi. “¿Ma quëmapitaꞌ isosoꞌ? ‘Oshanën inquitaranquën,’ taꞌton, Yosë yayaꞌhuërëtërin,” topi, yonquiatonaꞌ.

Lucas 5:21

Ina natanahuatonaꞌ, cotio maistroꞌsaꞌ, parisioroꞌsaꞌ, inapita yonquipi. “¿Ma quëmapitaꞌ isosoꞌ? Yosë yayaꞌhuërëtërin. Co insontaꞌ nanitërinhuëꞌ oshanënpoaꞌ inquitinpoasoꞌ. Yosëíchin nanitërinsoꞌ,” topi yonquiatonaꞌ.

Juan 10:33

—Co ina marëꞌ naꞌpiquë yatëparainquënhuëꞌ. Yosë pinoranso marëꞌ napotarainquën. Quëmasoꞌ piyapinquën niponahuëꞌ, “Casoꞌ Yosëco,” toconan. Ina pochin nonan niꞌton, Yosë yayaꞌhuërëtëran, itopi.

Juan 10:36

Tata Yosë chachin acorinco nanamën aꞌchinaꞌhuaso marëꞌ. Ina marëꞌ isoroꞌpaquë aꞌpaimarinco. “Casoꞌ Yosë huiꞌninco,” topatëra, ¿onpoatontaꞌ ina marëꞌ pinoramaco? tënahuë.

Hechos 14:14

Naporo huarëꞌ Pirnapi, Paono, inapita nitotopi. Natanahuatonaꞌ: “Tata Yosëíchin chinotacasoꞌ yaꞌhuërin,” taꞌtonaꞌ, aꞌmopiso oshapi. Huancanachin taꞌarahuatonaꞌ, chiníquën nontopi.