Mateo 26:63 - Chayahuita (Shahui)

⁶³ Quisososo nipirinhuëꞌ co mantaꞌ tëninhuëꞌ, taꞌtárin. Ina quëran corto huaꞌani itantarin: —“Yosë niꞌsárinco co nonpinahuëꞌ,” taꞌton, noꞌtëquën shaꞌhuitocoi. ¿Quëmasoꞌ Cristo, Yosë huiꞌninquën chachin ti? itërin.

Mateo 26:63 ပူးပေါင်းရင်းမြစ်များ

1 Reyes 22:16

—“Sinioro niꞌsárinco noꞌtëquën shaꞌhuitaranquën,” taꞌton noꞌtëquën shaꞌhuitoco. Nani naꞌaro shaꞌhuitëranquën ina pochin nontancosoꞌ, itaantarin Acapori.

Salmos 42:2

Yamoro yatëparincoso pochin cancantato, Yosë naꞌcon naꞌcon nohuantërahuë. Inasoꞌ nanpiárin niꞌton, yachinotërahuë. ¿Onporo huarëcha ina pëinënquë paato, chinotaantarëꞌpoya? tënahuë.

Isaías 53:7

Inimiconënpitari aparisitohuachina, co manta tosarinhuëꞌ. Co piꞌpian tëranta nonsarinhuëꞌ. Carniroaꞌhua tëpacaso marëꞌ quëpapiso pochin nitapi. Oꞌhuica yaꞌicaso marëꞌ quëpahuachinara, co manta tëninsohuë pochin inantaꞌ, co manta tosarinhuëꞌ.

Daniel 3:16

Napotohuachina, inahuaso taponaꞌ: —Co ina naꞌcon yonquiraihuëꞌ sinioro copirno. Yosë chinotëraisoꞌ nohuantohuachin, nanitërin pën quëran nichaꞌëincoisoꞌ. Quëmá quëraonta nanitërin nichaꞌëincoisoꞌ. Napoaponahuëꞌ co yanichaꞌëhuachincointaꞌ, noyatapon. Co yosëroꞌsa mosharanso moshapoihuëꞌ. Mamanshi oro quëran anitëransontaꞌ, co isonahuatoi moshapoihuëꞌ, itopi.

Mateo 16:16

Simon Pitrori itërin: —Quëmasoꞌ Cristo. Yosë huiꞌnin chachinquën. Ina nanpiton, aꞌpaimarinquën, itërin.

Mateo 26:62

Corto huaꞌan chini chiníquën nanantërinsoari huanirahuaton, Quisoso itapon: —¿Co mantaꞌ tënanhuëꞌ ti? ¿Maꞌtaꞌ taponaꞌ isopita nonapiarinënquën? itërin.

Mateo 27:12

Corto huaꞌanoꞌsaꞌ, cotio ansianoꞌsaꞌ, inapitari naꞌcon nonpinapipirinahuëꞌ, co mantaꞌ tëninhuëꞌ.

Mateo 27:14

Co mantaꞌ tëninhuëꞌ. Co piꞌpisha tërantaꞌ aꞌpanitërinhuëꞌ. “Ma quëmapitaꞌ isosoꞌ niꞌton, co mantaꞌ yaaꞌpanitërinhuëꞌ,” tënin Pirato yonquiaton.

Mateo 27:40

—¿Nani maꞌsha nanitaparan ti? Iꞌhua naporan: “Yosë chinotopiso pëiꞌ ataꞌhuantohuato, cara tahuëri quëran anoyatantarahuë,” tënan. Inta nipachin chaꞌëquëꞌ. Yosë huiꞌninquën chachin nipatan, corosë quëran nohuararahuaton chaꞌëquëꞌ, itoonpi.

Mateo 27:43

“Yosë huiꞌninco chachin niꞌton, catahuarinco,” topirinhuëꞌ. Yacatahuahuachin, apiramiáchin nichaꞌëin, nitopi.

Mateo 27:54

Quisoso chiminpachina, capitanso sontaronënpitarë chachin niꞌsapi. Ocohua paꞌninsoꞌ, naꞌpiroꞌsaꞌ nopaatërinsoꞌ, inapita niꞌsahuatonaꞌ, paꞌpi paꞌyanpi. —Tëhuënchachin iso quëmapisoꞌ, Yosë huiꞌnin, topi.

Mateo 4:3

Naporoꞌ sopairi huëcapairin. —Tëhuënchachin Yosë huiꞌninquën nipatan, iso naꞌpiroꞌsa quëran cosharoꞌ atarantëquëꞌ, itopirinhuëꞌ,

Marcos 14:61

Quisososo nipirinhuëꞌ, co mantaꞌ tëninhuëꞌ. Taꞌtárin. Napohuachina, naquëranchin nataantarin: —¿Quëmasoꞌ Cristo, Yosë huiꞌninquën chachin ti? itaantarin.

Juan 1:34

Cari niꞌnahuë. Napoaton nani nohuitato, shaꞌhuitaranquëmaꞌ. Iso quëmapi Yosë huiꞌnin, tënahuë,” itërin Coanshari.

Juan 1:49

—Quëmasoꞌ Maistro, Yosë huiꞌninquën. Israiroꞌsaꞌ copirnonquën, tënahuë, itërin.

Juan 10:24

Naꞌa cotioroꞌsaꞌ canquirahuatonaꞌ, Quisoso ahuancanapipi. —Naꞌaroꞌ natanpirainquënhuëꞌ, ¿onporo huarëtaꞌ shaꞌhuitaponcoi? Quëmasoꞌ Cristonquën nipatan, noꞌtëquën shaꞌhuitocoi nitochii, itopi.

Juan 10:30

Caso Tatahuëroꞌco napopináchin cancantërahuë, itërin Quisosori.

Juan 10:36

Tata Yosë chachin acorinco nanamën aꞌchinaꞌhuaso marëꞌ. Ina marëꞌ isoroꞌpaquë aꞌpaimarinco. “Casoꞌ Yosë huiꞌninco,” topatëra, ¿onpoatontaꞌ ina marëꞌ pinoramaco? tënahuë.

Juan 18:37

—Napoahuarëꞌ ¿quëmasoꞌ copirnonquën? itërin Piratori. —Inaco mini. Ina marëꞌ nasitimarahuë. Oꞌmarahuë noꞌtën nanan pënëntaꞌhuaso marëꞌ. Noꞌtëquën yonquipisopita natëarinaco, itërin.

Juan 19:7

—Iráca pënëntërinsoꞌ co natërinhuëꞌ niꞌton, chimiꞌin. Topinan piyapi niponahuëꞌ, “Yosë huiꞌninco,” toconin, itopi.

Juan 19:9

Yaꞌcoantarahuaton, Quisoso itapon: —¿Intohua quërantaꞌ huëꞌnan? Noꞌtëquën shaꞌhuitoco, itërin. Inariso nipirinhuëꞌ, co mantaꞌ itërinhuëꞌ.

Juan 20:31

Iso quiricaquë ninshitërahuësopitasoꞌ, Quisoso natëcamaso marëꞌ ninshitërahuë: “Inasoꞌ tëhuënchachin Cristo, Yosë huiꞌnin. Inari aꞌpaimarinsoꞌ,” taꞌtomaꞌ, ina imaco huachi. Imapatamaꞌ, Yosë nohuitatomaꞌ nanpimiataramaꞌ.

Juan 6:69

Nani natërainquën. Quëmasoꞌ noyasáchin ninan. Yosë aꞌpaimarinquën, tënai, itërin Simon Pitrori.

Juan 8:25

Napohuachina: —¿Inquëntaꞌ quëmasoꞌ? itopi. —Nani iráca quëran huarëꞌ shaꞌhuitëranquëmaꞌ. Ca inaco tënahuë.

2 Corintios 1:19

Iráca Siripano, Timotio, ca, caracoi aꞌchintërainquëmaꞌ. Quisocristo nanamën aꞌchintërainquëmaꞌ. Inasoꞌ Yosë huiꞌnin chachin. Co onporontaꞌ nonpintërinpoahuëꞌ. Noꞌtëquën nontërinpoaꞌ.

1 Pedro 2:23

Inimiconënpitari pinopachinara, co yaiꞌhuërëtërinhuëꞌ. Aparisitopirinahuëꞌ, co noꞌhuirinhuëꞌ. “Aꞌna tahuëri Yosëri noꞌtëquën anaꞌintarin,” taꞌton, Yosëíchin natërin.

1 Samuel 14:24

Naporo tahuëri israiroꞌsari huiristinoꞌsa canapi. Napoaponahuëꞌ, coꞌhuara ahuëchátërasoihuëꞌ, Saonoso piyapinënpita camairin: “Ipora tahuëri inimiconëhuëpita iꞌhuërëtaꞌhuaso yaꞌhuërin. Coꞌhuara inapochátërasohuëꞌ insosona coshatohuachin, Yosëri anaꞌinchin. Yoscoarëꞌ inapochin,” tënin. Ina tëꞌhuatatona Israiro sontaroꞌsasoꞌ, co coshatopihuëꞌ. Inapo ahuëtatonaꞌ, paꞌpi canotopi.

1 Samuel 14:28

Naporoꞌ aꞌna Israiro sontarori itapon: —¡Maꞌhuantacha quëmasoꞌ ninan paya! Coꞌta quiyasoꞌ tata Yoscoarëꞌ taꞌton ama cosharo piꞌniaꞌhuaiso marëhuëꞌ shaꞌhuitërincoi: “Insosona cosharo piꞌnihuachin Yosëri anaꞌinchin,” tënin. Napoaton quiyasoꞌ yaꞌipicoi co huachi manta chiniraihuëꞌ, itërin.