Mateo 26:58 - Chayahuita (Shahui)

⁵⁸ Pitroso nipirinhuëꞌ, aquë quëran imaquiarin. Iꞌiratëquë huarëꞌ imaquirin. Pairaanaquë yaꞌconahuaton, ponisiaroꞌsapitarëꞌ huënsëquirin. “¿Maꞌtaꞌ onpotaponaꞌ? Tëpaponaꞌ nimara,” taꞌton, niꞌsárin.

Mateo 26:58 ပူးပေါင်းရင်းမြစ်များ

Mateo 26:3

Ina quëran corto huaꞌanoꞌsaꞌ, cotio ansianoꞌsaꞌ, inapita Caihuasë pëinënquë niyontonpi. Inasoꞌ corto huaꞌan, chini chiníquën nanantërin.

Mateo 5:25

Niꞌcoꞌ. Nihuitëramaso marëꞌ yaquëpahuachinënquëmaꞌ, aꞌnaroáchin nanan anoyatocoꞌ. Co anoyatohuatamahuëꞌ, coisëquë quëparinënquëmaꞌ. Coisëquë quëpahuachinënquëmaꞌ, sontaroꞌsaquë yoꞌcoaninënquëmaꞌ, tashinan pëiquë poꞌmoarinënquëmaꞌ.

Lucas 22:54

Quisoso masahuatonaꞌ, corto huaꞌan chini chiníquën nanantërinsoꞌ pëinënquë quëpapi. Pitrori aquë quëran imaquiarin.

Juan 18:25

Simon Pitroso nipirinhuëꞌ huaniton, napëntarin. —¿Quëmarintaꞌ iso quëmapi imamaranquën ti? itërin ponisiari. —Coꞌchi imarahuë paya, itantarin.

Juan 19:6

Corto huaꞌanoꞌsaꞌ, ponisiaroꞌsaꞌ, inapitari quënanahuatonaꞌ, chiníquën noncarotopi. —¡Corosëquë patanantëquëꞌ chimiin! itopi. Inachin inachin itápi. —Canpitari corosëquë patanantatomaꞌ, tëpacoꞌ. Co casoꞌ nohuantërahuëꞌ tëpaꞌhuasoꞌ. Co mantaꞌ onporinhuëꞌ, tënahuë casoꞌ, itërin Piratori.

Juan 7:32

Ina pochin ninontopisoꞌ, parisioroꞌsaꞌ natantopi. Natantahuatonaꞌ, corto huaꞌanoꞌsarë chachin ponisiaroꞌsaꞌ aꞌpapi Quisoso macacaiso marëꞌ.

Juan 7:45

Ina marëꞌ ponisiaroꞌsaꞌ nani aꞌpapi. Huaꞌanoꞌsari chachin aꞌpapirinahuëꞌ, topinan huënantapi. —¿Onpoatomataꞌ co manamahuëꞌ? itopi.

Hechos 5:22

Ponisiaroꞌsasoꞌ tashinan pëiquë paꞌpirinahuëꞌ, co insontaꞌ quënanpihuëꞌ. Huëantarahuatonaꞌ, shaꞌhuitiipi.

Hechos 5:26

Ina quëran ponisiaroꞌsasoꞌ huaꞌanënarë chachin paꞌsahuatonaꞌ, macoantapi. Piyapiꞌsaꞌ tëꞌhuatatonaꞌ, co ahuëpihuëꞌ. “Naꞌpiquë tëꞌyarahuachinënpoaꞌ,” taꞌtonaꞌ, oshaquëran mapi.