Mateo 26:53 - Chayahuita (Shahui)

⁵³ Tatahuë nontërahuë naporini, shonca cato huaranca anquëniroꞌsaꞌ aꞌpatimaitoncohuëꞌ. Aꞌnaroáchin catahuaitonacohuëꞌ. ¿Co ina nitotëranhuëꞌ ti?

Mateo 26:53 ပူးပေါင်းရင်းမြစ်များ

2 Reyes 6:17

Napotahuaton Yosë nontërin: “Sinioro. Quëma nohuanton piyapinëhuë ca niꞌnahuësoꞌ niꞌin,” itërin. Napotohuachina Siniorori catahuarin niꞌton, quënanin huachi. Huaꞌhuayátërahuë sontaroꞌsa quënanin. Cahuarioquë paꞌpisopita, toronanquë paꞌpisopita, inapita motopiquë yaꞌsorápi. Yaꞌipi inapitasoꞌ, pën pochin yaꞌnotona Irisio tahuirapitopi.

Daniel 7:10

Ina notënan quëraontaꞌ, pancaiꞌ pochin pipirarin. Iꞌsha niponahuëꞌ, pën pochin yaꞌnorin. Notohuaroꞌ huaranca anquëniroꞌsari chinotopi. Notohuaroꞌ michon piyapiroꞌsantaꞌ, ina notënanquë huaniápopi. Coisëroꞌsa caniaritapi huachi piyapiꞌsa natanacaisoꞌ. Quiricaroꞌsanta oniriraꞌpiapi.

Mateo 25:31

Ina quëran itaantarin: “Yosë quëran quëmapico niꞌto, aꞌna tahuëri oꞌmantararahuë huaꞌanëntaꞌhuaso marëꞌ. Yaꞌipi anquëniroꞌsapitarëꞌco chachin oꞌmantararahuë. Huënaráchin huënaráchin yaꞌnorahuato, huaꞌanëntaꞌhuasoꞌ shiraquë huënsëarahuë coisë pochin nicaꞌhuaso marëꞌ.

Mateo 4:11

Napotohuachina, sopairi patërin. Patohuachina, anquëniroꞌsari huëcapaimarahuatonaꞌ, nocomaimapi.

Marcos 5:15

Quisosoquë canquirahuatonaꞌ, quëmapi huaꞌquiꞌ huaꞌyantërinsoꞌ quënanquipi. Nani aꞌmoanaton, noya huënsërarin. Naꞌa sopairoꞌsari yaꞌcoancantopirinahuëꞌ, noya yonquiantarin. Co huachi huaꞌyantërinhuëꞌ. Napoaton paꞌyanpi.

Marcos 5:9

—¿Maꞌninquëntaꞌ quëmasoꞌ? itërin Quisosori. —Naꞌacoi niꞌtoi, “naꞌa huaranca,” itërinacoi.

Lucas 8:30

—¿Maꞌninquëntaꞌ quëmasoꞌ? itërin. —Naꞌa huaranca itërinacoi, topi. Huaꞌhuayatërahuëꞌ sopairoꞌsari yaꞌcoancantopi niꞌton, ina pochin ninihuanin.

Juan 10:18

Caora nohuanto, imarinacosopita marëꞌ chiminarahuë. Co nohuantërahuëꞌ naporini, co tëpainacosoꞌ nanichitonahuëꞌ. Tatahuë shaꞌhuitërinco niꞌton, chiminaꞌhuasoꞌ nohuantërahuë. Ina nohuanton, nanpiantararahuë huachi, itërin.

Juan 18:36

—Co casoꞌ isoroꞌpaquë huaꞌanëntarahuëꞌ. Ina nohuantërahuë naporini, imarinacosopita sontaroꞌsa pochin niitonahuëꞌ. Ama cotioroꞌsaꞌ macainacoso marëhuëꞌ chiníquën ahuëchitonahuëꞌ. Caso nipirinhuëꞌ nisha pochin huaꞌanëntarahuë, itërin.

2 Tesalonicenses 1:7

Quisocristo oꞌmantahuachin, co huachi parisitaramahuëꞌ. Noya yaꞌhuaramaꞌ. Quiyantaꞌ ipora aparisitapirinacoihuëꞌ, naporoꞌ yaꞌipi imarëhuasopita nóya cancantarihuaꞌ. Sinioro Quisocristo chachin inápa quëran oꞌmantararin. Pën huënaratërinso huáncana yaꞌnoarin. Anquëniroꞌsantaꞌ chiníquën nanantatonaꞌ, oꞌmantararin. Inapitarë chachin oꞌmantararin.

Judas 1:14

Iráca Inocori chachin inapita ninorin. Atan shiin inasoꞌ. Atan quëran saota shinpita yaꞌhuërin piquëran Inoco yaꞌhuërin. Ninoton, naporin: “Sinioro chachin oꞌmararin huachi. Huaꞌhuayatërahuëꞌ anquëniroꞌsarë chachin oꞌmararin.