Mateo 26:47 - Chayahuita (Shahui)

⁴⁷ Nontaso chachin, Cotasë canquirin. Inantaꞌ Quisoso caꞌtanaponahuëꞌ, yashaꞌhuirapirin. Inarëꞌ naꞌa piyapiꞌsaꞌ huëꞌsapi, corto huaꞌanoꞌsaꞌ, cotio ansianoꞌsaꞌ, inapitari aꞌpapisopita. Sahuëni, shonqui, inapita sëꞌquërahuatonaꞌ huëꞌsapi.

Mateo 26:47 ပူးပေါင်းရင်းမြစ်များ

Mateo 26:14

Ina quëran, Cotasë Iscarioti paꞌpi co noyahuëꞌ yonquirin. Quisoso caꞌtanaponahuëꞌ, yashaꞌhuirapirin. Corto huaꞌanoꞌsaꞌ yaꞌhuërinquë paꞌsahuaton, itoonin:

Mateo 26:46

Huënsëco huachi paꞌahuaꞌ. Niꞌcoꞌ, shaꞌhuirapirincosoꞌ nani canquiarin, itërin.

Mateo 26:48

Coꞌhuara canshatërasoihuëꞌ, Cotasëri nani shaꞌhuitërin Quisoso nohuitacaiso marëꞌ. “Insosona apinohuato, ina Quisososoꞌ. Máco huachi,” itërin.

Mateo 26:55

Ina quëran piyapiꞌsaꞌ itapon: —Sahuëni, shonqui, inapita sëꞌquërahuatomaꞌ, huëcapairamaco. Tëpatonaꞌpi pochin cancantatomaco, ¿yamanamaco ti? Coꞌtana nani tahuëri Yosë chinotopiso pëiquë huënsëato, aꞌchinárahuë. Nicapomaracohuëꞌ, co manamacohuëꞌ.

Hechos 1:16

“Shonca catoyaꞌpicoi iyaroꞌsaꞌ Quisoso nani acorincoi aꞌnapita aꞌchintaꞌhuaiso marëꞌ. Cotasëntaꞌ acorin niꞌton, quiyapitarëꞌ Quisoso caꞌtanpirinhuëꞌ, inimiconënpitari yamapachina, shaꞌhuirapirin. Aꞌnotonpachina, mapi. Iráca Ispirito Santo nohuanton, Cotasë napocasoꞌ ninorin. Tapiri ninoton, Yosë quiricanënquë ninshitërin. Iráca ninorinso chachin naporin.