Mateo 26:41 - Chayahuita (Shahui)

⁴¹ Ama huëꞌëtomahuëꞌ, niꞌtácoꞌ. Yosë nontocoꞌ ama sopai minsëinquëmaso marëhuëꞌ. Cancanëma quëranso mini Yosë yanatëpiramahuëꞌ, co canpitaora chiníquën cancantaramahuëꞌ, itërin.

Mateo 26:41 ပူးပေါင်းရင်းမြစ်များ

Salmos 119:1

(-)

Mateo 24:42

Ama huëꞌërëso pochin cancantatomaꞌ, naniantocosohuëꞌ. Onporosona oꞌmacaꞌhuasoꞌ tahuëri nanihuachin, co nitotaramahuëꞌ.

Mateo 25:13

Napoaton canpitantaꞌ noya yonquiatomaꞌ, oꞌmantaꞌhuasoꞌ tahuëri ninacoꞌ. Onporosoꞌ nanipon nimara, co nitotëramahuëꞌ. Niꞌcona patontatënquëmaꞌ,” itërin.

Mateo 26:38

—Paꞌpi sëtërahuë. Chiminchináchin sëtërahuë. Isëquë huënsëtacoꞌ. Ama huëꞌëtomarahuëꞌ, niꞌtácoꞌ, itërin.

Mateo 6:13

Co noyahuëꞌ yonquihuatoi, catahuacoi aꞌnaroáchin nanianchii. Catahuacoi ama sopai minsëincoisohuëꞌ. [Quëmasáchin huaꞌanëntarancoi. Yaꞌipi nanitaparan. Ipora quëran huarëꞌ yaꞌipiya natëinënquën. Amen,]’ itocoꞌ Yosë nontohuatamaꞌ.

Marcos 14:38

Ama huëꞌëtomahuëꞌ, niꞌtácoꞌ. Yosë nontácoꞌ ama sopai minsëinquëmaso marëhuëꞌ. Cancanëma quëran Yosë yanatëpiramahuëꞌ, co canpitaora chiníquën cancantëramahuëꞌ, itërin.

Lucas 11:4

Co noyahuëꞌ nicatoi, oshahuanai. Nosoroatoncoi, oshanëhuëi inquitocoi. Aꞌnapita maꞌsha onpotohuachincoi, nanan anoyatëraiso pochachin oshanëhuëi inquitatoncoi anoyacancantocoi. Co noyahuëꞌ yonquihuatoi, catahuacoi aꞌnaroáchin nanianchii,” itocoꞌ, Yosë nontohuatamaꞌ, tënin.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Lucas 22:40

Inaquë canconpachinara: —Yosë nontocoꞌ iyaroꞌsaꞌ, ama sopai minsëinquëmaso marëhuëꞌ, itërin.

Lucas 22:46

—¿Onpoatomataꞌ iyaroꞌsaꞌ huëꞌësáramaꞌ? Huënsëatomaꞌ Yosë nontocoꞌ ama sopai minsëinquëmaso marëhuëꞌ, itërin.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Romanos 8:3

Iráca Yosë pënënpirinpoahuëꞌ. Co noyahuëꞌ cancantatëhuaꞌ, co nanitërëhuahuëꞌ noꞌtëquën natëcasoꞌ. Ina quëran huiꞌnin chachin isoroꞌpaquë aꞌpaimarin. Piyapi chachin nasitimarin. Co oshahuanaponahuëꞌ, oshanënpoaꞌ inquitinpoaso marëꞌ chiminin. Inapoaton, nichaꞌërinpoaꞌ ama huachi anaꞌintinpoaso marëhuëꞌ.

1 Corintios 10:13

Sopai yaꞌipi piyapinpoaꞌ shaꞌhuitërinpoaꞌ co noyahuëꞌ nicacaso marëꞌ. Yosëso nipirinhuëꞌ catahuarinpoaꞌ. Aꞌnaya aꞌnayanpoaꞌ co nanitërëhuasohuëꞌ nitotaton, niꞌsarinpoaꞌ. “Tananpitëquëꞌ,” itohuachina, co sopai nanitërinhuëꞌ aquëtëꞌ tëniinpoasoꞌ. Cancanënpoa quëran huarëꞌ Yosë natëhuatëhuaꞌ, co sopai minsëarinpoahuëꞌ. Maꞌsha onpopirëhuahuëntaꞌ, Yosë ananitarinpoaꞌ ahuantacasoꞌ. Yosë chachin catahuarinpoaꞌ sopai minsëcaso marëꞌ.

1 Corintios 16:13

Ama huëꞌërëso pochin cancantatomarahuëꞌ, noya yonquicoꞌ. Yaꞌipi cancanëma quëran natëmiatocoꞌ. Maꞌsha onpoapomarahuëntaꞌ, chiníquën cancantocoꞌ. Niachinicancancoꞌ.

1 Corintios 9:27

Co noyahuëꞌ yonquihuatëra, aꞌnaroáchin naniantërahuë. Co nohuantërahuëꞌ piꞌpian tërantaꞌ oshahuanacaꞌhuasoꞌ. Nohuantasoꞌ Yosë marëꞌ sacatarahuë. Aꞌnapita naꞌcon pënënpirahuëꞌ, co casoꞌ noya nipatohuëꞌ, co Yosë noya niꞌsarincohuëꞌ, co acanaarincohuëꞌ, tënahuë.

Gálatas 5:24

Quisocristo corosëquë chiminaton, oshanënpoaꞌ inquitërinpoaꞌ. Napoaton canpoantaꞌ ina imapatëhuaꞌ, co noyahuëꞌ yonquirëhuasopita corosëquë patanantatë pochin nitatëhuaꞌ, naniantacasoꞌ yaꞌhuërin. Co huachi nohuantarihuahuëꞌ sopai pochin cancantacasoꞌ.

Efesios 6:18

Apira apira Yosë nontocoꞌ. Maꞌsha onpohuatamantaꞌ, ina nontocoꞌ catahuainquëmaꞌ. Noya yonquiatomaꞌ, chiníquën nontocoꞌ. Ispirito Santo catahuarinpoaꞌ cancanënpoa quëran huarëꞌ noya nontacasoꞌ. Ama amiatomahuëꞌ, niꞌsácoꞌ ama aꞌnanaya sopai minsëinquëmaso marëhuëꞌ. Yaꞌipi imarëhuasopita marëꞌ Yosë nontocoꞌ.

1 Pedro 4:7

Ayaroꞌ tahuëri nani yaꞌcariarinpoaꞌ. Napoaton ama nisha nisha yonquicosohuëꞌ. Noya yonquiatomaꞌ, Yosë nontácoꞌ.

1 Pedro 5:8

Sopaisoꞌ inimiconënpoaꞌ. Yacamairinpoaꞌ co noyahuëꞌ nicacaso marëꞌ. Paꞌpiniꞌ yamaninposo pochachin sopai paꞌsarin piyapiꞌsaꞌ minsëcaso marëꞌ. Napoaton noya yonquiatomaꞌ, niꞌsácoꞌ.

2 Pedro 2:9

Inapochachin ipora Quisocristo imapatëhuaꞌ, Yosë nanitërin catahuainpoasoꞌ. Sopai yaminsëpirinpoahuëntaꞌ, Yosë catahuarinpoaꞌ chaꞌëcaso marëꞌ. Oshahuanoꞌsaso nipirinhuëꞌ anaꞌintarin. Nani yonquirin chiníquën anaꞌintacasoꞌ. Ayaroꞌ tahuëri nanihuachin, noꞌtëquën anaꞌintaton, parisitopiquë aꞌpararin.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Apocalipsis 3:10

Chiníquën cancantatomaꞌ, imamiatoco, itëranquëmaꞌ. Natëramaco niꞌton, carinquëmantaꞌ naꞌcon catahuaranquëmaꞌ. Aꞌna tahuëri yaꞌipi isoroꞌpaquë yaꞌhuëpisopita chiníquën aparisitarahuë tënicaꞌhuaso marëꞌ. Co naporoꞌ parisitaramahuëꞌ. Nichaꞌësaranquëmaꞌ.