Mateo 26:4 - Chayahuita (Shahui)

^4-5 Inaquë niyontonahuatonaꞌ, ninontapi Quisoso tëpacaiso marëꞌ. —Ama pita tahuëri chachin maahuasohuëꞌ, piyapiꞌsaꞌ noꞌhuihuachinënpoaꞌ. Quisoso paꞌyatapi niꞌton, ahuëarinënpoaꞌ. Napoaton poꞌoana quëran maahuaꞌ, nitopi.

Mateo 26:4 ပူးပေါင်းရင်းမြစ်များ

Génesis 3:1

Sinioroso Yosë niꞌton, yaꞌipi tananquë maꞌsharoꞌsa yaꞌhuërinsopita acorin. Yaꞌhuanso nipirinhuëꞌ, aꞌnapita maꞌsharoꞌsa quëran yonqui yonquínahuan ninin. Sanapi yanonpintaton, paaparin nontacaso marëꞌ: —¿Tëhuënchachin taꞌma Yosë apiratërinquëma yaꞌipi isopita nararoꞌsa nitërinso capamaso to? itërin.

Salmos 2:2

Copirnoroꞌsaꞌ, huaꞌanoꞌsaꞌ, inapita niyontonpi. Sinioro ahuëcaiso marëꞌ nishaꞌhuitapi. Copirno huayoninso tërantaꞌ, co nohuantopihuëꞌ:

Mateo 12:14

Ina nicatona parisioroꞌsasoꞌ pipipi. Pipirahuatonaꞌ, Quisoso tëpacaiso marëꞌ yonquipi huachi.

Mateo 23:33

¡Yaꞌhuan pochin cancantatomaꞌ, paꞌpi co noyahuëꞌ nisaramaꞌ! ¿Onporahuatomacha pën quëran chaꞌërëꞌponquëmaya? Co chaꞌësaramahuëꞌ.

Marcos 14:1

Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Juan 11:53

Naporo tahuëri quëran huarëꞌ cotio huaꞌanoꞌsaꞌ yonquipi Quisoso tëpacaiso marëꞌ.

Hechos 13:10

—Quëmasoꞌ sopai pochin cancantëran. Yosësoꞌ noya noya nipirinhuëꞌ, yainimicotëran. Tëhuënchachin nonpintënquën, paꞌpi co noya quëmapinquënhuëꞌ. Sinioro noꞌtëquën shaꞌhuitopirinpoahuëꞌ, ¿onpoatontaꞌ quëmari nonpintaton, aꞌnapita anishacancantaran?

Hechos 7:19

Cosi naporinsoꞌ co nitotërinhuëꞌ niꞌton, nonpintaton, israiroꞌsaꞌ aparisitërin. Ahuihuitahuaton, chiníquën asacatërin. Naporahuaton: “Quëmapiaꞌhua nasitohuachin, aipiran tëꞌyatocoꞌ chimiin,” itërin.

2 Corintios 11:3

Aꞌnaquënso nipirinhuëꞌ yaanishacancantërinënquëmaꞌ. Iráca yaꞌhuani Ipa nonpintërinso pochin yanonpintërinënquëmaꞌ ama Quisocristoíchin yonquicamaso marëhuëꞌ.