Mateo 26:39 - Chayahuita (Shahui)

³⁹ Amashamiachin paꞌsahuaton, isonconin. Noꞌpaquë huarëꞌ monshomarahuaton, Yosë nontërin: “Quëma nohuantohuatan Tata, nichaꞌëco ama maꞌsha onpoꞌisohuëꞌ. Main oꞌorëso pochin parisitaꞌhuasoꞌ yaꞌhuërin. Co parisitaꞌhuasoꞌ nohuantopirahuëꞌ, quëma nohuantohuatan, noya, tënahuë. Noꞌtëquën yanatëranquën,” itërin.

Mateo 26:39 ပူးပေါင်းရင်းမြစ်များ

Génesis 17:3

Naporoꞌ Apransoꞌ, isonin. Isonin quëran, noꞌpaquë huarëꞌ monshomarin. Inapoaso Yosëri shaꞌhuitaantarin:

2 Samuel 15:26

Napoaponahuëꞌ, co huachi yacatahuahuachincohuëꞌ, noyatapon. Maꞌsona ina nohuantërinsoꞌ nichinco, itërin.

Isaías 50:5

Yonquínahuan nicaꞌhuaso marëꞌ Sinioro catahuarinco. Anitotohuachincora, natërahuë. Natëtochináchin cancantërahuë.

Isaías 53:12

Napoaton Siniorori, chiníquën nanantopisopitarëꞌ acoapon. Chiníquën nanantopisopitantaꞌ, inari catahuapon canatacaisoꞌ. Canatohuachinara, inanta canatarin. Inaora nohuanton chimininso marëꞌ napoapon. Naporahuaton, “co noyahuëꞌ nininso marëꞌ parisitërin,” itopiso marëꞌ napoapon. Napotopirinahuëꞌ, naꞌa piyapiꞌsa oshanëna marëꞌ inaso parisitërin. Naporahuaton, oshahuanoꞌsa catahuacaso marëꞌ Yosë nontërin.

Números 14:5

Moisësë, Aaron, inapitaso ina niꞌsahuatonaꞌ, piyapiꞌsa notënanquë isonpi. Isonpi quëran, noꞌpaquë huarëꞌ monshopi.

Mateo 20:22

—Canpitasoꞌ co yaꞌipi nitochátëraramahuëꞌ niꞌton, co noꞌtëquën yonquiramahuëꞌ. Máin oꞌorëso pochin chiníquën parisitarahuë. Canpitantaꞌ aparisitohuachinënquëmaꞌ, ¿ahuantapomaꞌ ti? itërin. —Ahuantarai, topi cato chachin.

Mateo 24:24

Naꞌa nonpin nanan pënëntonaꞌpiroꞌsaꞌ huëcaponaꞌ. ‘Casoꞌ Cristoco’ tosapi aꞌnaquën. ‘Casoꞌ ninotonaꞌpico,’ tosapi aꞌnaquëontaꞌ. Sacaiꞌ nininsopita nisapi piyapiꞌsaꞌ nonpintacaiso marëꞌ. Huayoninsopitantaꞌ nonpintochinaichin nisapi.

Mateo 26:42

Ina quëran paantarahuaton, Yosë nontaantarin. —Nohuantohuatan Tata, nichaꞌëco ama maꞌsha onpoꞌisohuëꞌ. Nipirinhuëꞌ co nohuantohuatanhuëꞌ, maꞌsona yaonpotohuatancontaꞌ noya, tënahuë. Noꞌtëquën yanatëranquën, itaantarin.

Marcos 13:22

Naꞌa nonpin nanan pënëntonaꞌpiroꞌsa huëcaponaꞌ. ‘Casoꞌ Cristoco,’ tëcaponaꞌ aꞌnaquën. ‘Casoꞌ ninotonaꞌpico,’ tosapi aꞌnaquëontaꞌ. Sacaiꞌ nininsoꞌ nisapi piyapiꞌsaꞌ nonpintacaiso marëꞌ. Niꞌsahuatonaꞌ: ‘Maꞌpitacha nitotërin paya. ¿Yosë quëran oꞌmamara, ti?’ taꞌtonaꞌ, naꞌa piyapiꞌsari imasapi. Yosëri huayoninsopita quëran huarëꞌ nonpintochinaichin nisapi.

Lucas 17:16

Quisosoquë huënantahuaton, nantëntaquëchin isonquirin. Isonquirahuaton, “Yosparinquën, Sinioro,” itërin. Samaria piyapi inasoꞌ.

Juan 11:41

Ina quëran naꞌpi chiꞌhuincatopi. Quisoso inápaquë nëꞌpëtahuaton, Yosë nontërin: —Nani Tata nontëranquën catahuancoso marëꞌ. Natanatonco, catahuaranco mini. Ina marëꞌ “Yosparinquën,” itëranquën.

Juan 14:31

co taꞌarahuëꞌ. Tata Yosë nosoroato, ina noꞌtëquën natëarahuë. Ina nohuanton, maꞌsha onpoarahuë. Piyapiꞌsaꞌ nicatonaco, “Tëhuënchachin Yosë nosoroaton, natërin,” tosapi. “Huëcoꞌ paꞌahua huachi,” itërincoi Quisoso.

Juan 18:11

Quisososo nipirinhuëꞌ co nohuantërinhuëꞌ. —Sahuëni iyasha poꞌmoantaquëꞌ. Tananpitëquëꞌ mainaco. Tatahuë nohuanton, masarinaco. Main oꞌorëso pochin chiníquën parisitarahuë. ¿Co ina nitotëranhuëꞌ ti? itërin.

Juan 5:19

Ina quëran Quisosori itantarin: “Noꞌtëquën itaranquëmaꞌ. Caora yonquinëhuë quëran co mantaꞌ ninahuëꞌ. Tatahuëráchin nonanahuë. Huiꞌninco niꞌto, inapochachin cantaꞌ ninahuë.

Juan 5:30

Ina quëran Quisosori itantarin: “Co caora nohuanto mantaꞌ ninahuëꞌ. Tata Yosë shaꞌhuitohuachincora, inachachin shaꞌhuirahuë. Co casoꞌ nisha yonquirahuëꞌ. Tata yonquirinsoráchin nohuantërahuë. Napoaton noꞌtëquën anaꞌintarahuë.

Juan 6:38

Co caora nohuanto, maꞌsha ninahuëꞌ. Inápa quëran oꞌmarahuë Tata Yosë natëcaꞌhuaso marëꞌ. Ina aꞌpaimarinco.

Hechos 10:25

Pitro canconpachina, Corniriori isonapairahuaton, moshapirinhuëꞌ.

Filipenses 2:8

Isoroꞌpaquë yaꞌhuëhuachina, Yosëíchin natërin. Ina nohuanton, canpoa marëꞌ chiminin. Yosë huiꞌnin niponahuëꞌ, corosëquë patanantohuachinara, chiminin.

Hebreos 5:7

Quisocristo isoroꞌpaquë oꞌmarahuaton, piyapi chachin nasitimarin. Yatëpahuachinara, chiníquën Yosë nontërin. Naꞌnëton, itapon: “Quëma nohuantohuatan Tata, nichaꞌëco, ama tëpaꞌinacosohuëꞌ. Nipirinhuëꞌ, co quëma nohuantohuatanhuëꞌ, maꞌsona yaonpotohuatancontaꞌ noya,” itërin. Noꞌtëquën yanatërin niꞌton, Yosëri natanaton, catahuarin noya natëcasoꞌ.

Apocalipsis 19:10

Naporoꞌ isonahuato, yachinotopirahuëꞌ. “Ama chinotocosohuëꞌ. Casoꞌ anquënico. Co Yosëcohuëꞌ. Canpita pochachin cantaꞌ Yosë natërahuë. Quisoso nanamën imaramaꞌ niꞌton, Yosëíchin yonquiquëꞌ,” itërinco. Quisoso nanamënáchin aꞌchinpatëhuaꞌ, noꞌtëquën pënëntarëhuaꞌ.