Mateo 26:35 - Chayahuita (Shahui)

³⁵ —Co Sinioro napoarahuëꞌ. Quëma imasaranquën niꞌton, yatëpapirinacohuëntaꞌ co onporontaꞌ nonpinapiaranquënhuëꞌ, itaantarin Pitrori. Inachachin topi yaꞌipiya.

Mateo 26:35 ပူးပေါင်းရင်းမြစ်များ

Éxodo 19:8

Ansianoꞌsaso paꞌsahuatonaꞌ, yaꞌipi israiroꞌsa Yosë naporinso shaꞌhuitopi. Ina natanahuatonaꞌ: —Noyapaꞌ. Maꞌsona Yosë camaitërinso nisarai, topi. Napohuachinara, Moisësë naquëranchin motopiquë paantarahuaton, napopisoꞌ Sinioro shaꞌhuitontarin.

Mateo 10:33

Nipirinhuëꞌ, ‘aꞌporahuë huachi,’ topatamasoꞌ, carinquëmantaꞌ aꞌpoaranquëmaꞌ. ‘Co imarinacohuëꞌ,’ itarahuë Tata Yosë,” tënin Quisoso.

Juan 13:37

—¿Onpoatontaꞌ Sinioro co apira nanitërahuëꞌ imaꞌhuanquënsoꞌ? ¡Imaranquën niꞌton, yatëpapirinacohuëntaꞌ, imamiataranquën! itërin.

Romanos 11:20

Yosëri tananpitërin mini. Nipirinhuëꞌ, co ina marëꞌ tananpitërinhuëꞌ. Co Quisocristo nohuantopihuëꞌ niꞌton, tananpitërin. Canpitantaꞌ imaramaꞌ niꞌton, noya niꞌninquëmaꞌ. Napoaton ama inapita nocancosohuëꞌ. Niꞌcona canpitantaꞌ Quisocristo naniantotamaꞌ.

1 Corintios 10:12

Aꞌnaya aꞌnayanquëmaꞌ niꞌcona oshahuantamaꞌ. “Casoꞌ noya piyapico. Co onporontaꞌ Yosë aꞌpoarahuëꞌ,” ama tocosohuëꞌ.

Filipenses 2:12

Iráca canpitataquë yaꞌhuapo, noya natanamaco. Noya natanatomaco, Yosë natëramaꞌ. Iporantaꞌ iyaroꞌsaꞌ nosororanquëmaꞌ niꞌton, co inatohuaꞌ yaꞌhuaporahuëꞌ, noya noya natëcoꞌ. Yaꞌnan imapomaꞌ, Yosë anoyacancantërinquëmaꞌ. Napoaton noya cancantatomaꞌ, imamiatocoꞌ. “Catahuaco Sinioro noya imainquën. Co caora nanitërahuëꞌ,” taꞌtomaꞌ imamiatocoꞌ. Niꞌcona Yosë naniantotamaꞌ.

1 Pedro 1:17

Yosë nontohuatamara, “Tata,” itëramaꞌ. Aꞌna tahuëri inasoꞌ coisë pochin niꞌton, yaꞌipi piyapiꞌsaꞌ noꞌtëquën shaꞌhuitarin. Co noyahuëꞌ nipisopita noꞌtëquën anaꞌintarin. Yaꞌipi oshahuaninsopita anaꞌintarin niꞌton, tëꞌhuatacasoꞌ yaꞌhuërin. Chiminaquë huarëꞌ ina yonquiatomaꞌ, noya nicoꞌ.