Mateo 26:2 - Chayahuita (Shahui)

² —Catoꞌ tahuëri pahuanarin Pascoa nanicasoꞌ, nani nitotëramaꞌ. Naporoꞌ Yosë quëran quëmapico niporahuëꞌ, masarinaco. Masahuatonaco, corosëquë patanantarinaco, itërin.

Mateo 26:2 ပူးပေါင်းရင်းမြစ်များ

Éxodo 34:25

Chinotamacoso marëꞌ maꞌsha tëpahuatamaꞌ, ama huënainën pan ahuëpocatopinanëꞌ, aꞌnocosohuëꞌ. Naporahuaton pascoa cosharo marëꞌ maꞌsha tëparamasoꞌ, ama tahuëririnquë capacaso marëꞌ tapacosohuëꞌ.

Mateo 10:4

Aꞌna Simontaꞌ acorin. Inasoꞌ, copirno noꞌhuinaꞌpiroꞌsaꞌ imapirinhuëꞌ, iporasoꞌ Quisoso imasarin huachi. Cotasë Iscariotintaꞌ acopirinhuëꞌ, aꞌna tahuëri inari shaꞌhuirapiarinsoꞌ.

Mateo 17:22

Cariria parti papona pochin, Quisosori caꞌtanoꞌsanënpita shaꞌhuitaantarin: —Yosë quëran quëmapico nipirahuëꞌ, piyapiꞌsaꞌ masarinaco. Shaꞌhuirapihuachinaco, masarinaco.

Mateo 27:4

—Co huachi iso coriqui nohuantërahuëꞌ. Paꞌpi co noyahuëꞌ ninahuë. Quisoso nóya quëmapi nipirinhuëꞌ, shaꞌhuirapirahuë. Ina marëꞌ oshahuanahuë, itoonin. —¿Maꞌmarëtaꞌ ina shaꞌhuitërancoi? Co quiyasoꞌ ina yonquiraihuëꞌ. Quëma naporansoꞌ, itopi.

Lucas 22:15

—Apira Pascoa cosharoꞌ caꞌsarëhuaꞌ. Paꞌpi nohuantërahuë canpitaroꞌco ina capaꞌhuasoꞌ. Ipora tërantaꞌ caꞌahuaꞌ coꞌhuara chimianahuë.

Juan 11:55

Pascoa tahuëri naniriahuachina, naꞌa piyapiꞌsaꞌ Quirosarinquë paꞌpi. Coꞌhuara Pascoa naniyátërasohuëꞌ, Yosë chinotopiso pëiquë paꞌpi. “Moisësë camaitërinsoꞌ nipatëhuaꞌ, Yosë noya niꞌsarinpoaꞌ,” taꞌtonaꞌ, paꞌpi.

Juan 12:1

Saota tahuëri pahuanarin Pascoa nanicasoꞌ. Naporoꞌ Quisoso Pitaniaquë paantarin. Inaquë Nasaro yaꞌhuërin, ananpitaantarinsoꞌ.

Juan 18:2

Inatohuaꞌ naꞌaroꞌ niyontonai niꞌton, Cotasërintaꞌ nohuitërin. Inasoꞌ yashaꞌhuirapirinsoꞌ.

Juan 18:32

Iꞌhua Quisoso ninoton nani shaꞌhuirin: “Aꞌna tahuëri inápaquë achinpiarinaco,” tënin. Yosë nohuanton, onpotatonasona tëpacaisoꞌ naniarin.

Juan 2:13

Pascoa tahuëri cotioroꞌsaꞌ niyontonpi Yosëri Iquipito quëran nichaꞌërinsoꞌ yonquiantacaiso marëꞌ. Ina naniriahuachina, Quirosarinquë paantarai.