Mateo 26:16 - Chayahuita (Shahui)

¹⁶ Naporo quëran huarëꞌ Cotasë yonquirarin poꞌoana quëran aꞌnocaso marëꞌ.

Mateo 26:16 ပူးပေါင်းရင်းမြစ်များ

Mateo 26:15

—Poꞌoana quëran Quisoso aꞌnotohuatënquëmaꞌ, ¿onpo coriquitaꞌ quëtaramaco? itërin. —Cara shonca coriqui prata quëran nininsoꞌ quëchinquën, itopi. Itohuachinara: —Noyahuaꞌ. Quëtoco nipachin aꞌnochinquëmaꞌ, topachina, quëtopi.

Mateo 26:17

Pascoa tahuëri nipachina, nisha pan caꞌpi, co ahuëpocatopisohuëꞌ. Ina tahuëri nanihuachina, caꞌtanoꞌsanënpitari huëcapaipi. —¿Intohuataꞌ Maistro paatoi, Pascoa cosharoꞌ nii capacaso marëꞌ? itopi.

Marcos 14:11

Natanahuatonaꞌ, paꞌyatopi: “Ina marëꞌ coriqui quëchinquën,” itopi. Ina quëran Cotasë yonquirarin poꞌoana quëran Quisoso aꞌnocaso marëꞌ.

Lucas 22:6

—Noyapaꞌ, taꞌton, Cotasë yonquirarin poꞌoana quëran aꞌnocaso marëꞌ.

Hechos 24:25

Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

1 Corintios 16:12

Iya Aporosëntaꞌ shaꞌhuitopirahuëꞌ. “Iyaroꞌsaꞌ paꞌpachinaꞌ, quëmantaꞌ paquëꞌ,” itopirahuëꞌ, co ipora nohuantërinhuëꞌ. Nanitohuachin, nicaponquëmaꞌ paꞌsarin.