Mateo 25:7 - Chayahuita (Shahui)

⁷ Aꞌnaroáchin shonca nanoꞌsa chachin capayatahuatonaꞌ, nanparinënapita taparapi noya orotacaso marëꞌ.

Mateo 25:7 ပူးပေါင်းရင်းမြစ်များ

Mateo 25:1

Naquëranchin Quisosori pënëantarin: “Yosë huaꞌanëntërinsoꞌ aꞌchintantaꞌinquëmaꞌ, noya natanco. Huaꞌan saꞌarinso pochin ninin. Inaso aquë quëran huëꞌsarin. Onporosona canquicasoꞌ co nitotopihuëꞌ. Tahuëri nanihuachina, sanapi nipayarinsopita ninarapi huaꞌan huëcacasoꞌ. ‘Huaꞌqui quëran canquipon nimara,’ taꞌtonaꞌ, shonca nanoꞌsaꞌ nanparinënarë chachin ninarapi.

Mateo 25:6

Huëꞌësoiꞌ, yono tashiꞌ aꞌnanaya chiníquën noninsoꞌ natanpi. ‘¡Maꞌtana, huëꞌsarin huachi! ¡Huënsëcoꞌ paꞌahuaꞌ nacapiaꞌahuaꞌ!’ nitopi.

Mateo 25:8

Noya yonquirinsopitasoꞌ taꞌpantohuachinara, noya orotërin. Aꞌnapitaso nipirinhuëꞌ iꞌchinpitopirinahuëꞌ, yatacopiconpi. Napohuachinara: ‘Taꞌpantocoi quiyantaꞌ iꞌchinpiꞌi. Nani quiyasoꞌ tacopiarin,’ topirinahuëꞌ.

Lucas 12:35

Ina quëran taantarin: “Noya yonquiatomaꞌ, capayatërëso pochin cancantocoꞌ. Niꞌcoꞌ. Aꞌna patron saꞌacaso marëꞌ paꞌnin. Onporosona huënantacasoꞌ co piyapinënpita nitotopihuëꞌ. Napoaton noya nitaparahuatonaꞌ, nanparin iꞌchinpirahuatonaꞌ, ninarapi. Canquiton, onconan piꞌnihuachina, aꞌnaroáchin iꞌsoatacaisoꞌ yaꞌhuërin.

2 Pedro 3:14

Napoaton iyaroꞌsaꞌ, ina ninatomaꞌ naꞌcon yonquicoꞌ noyasáchin nicacamaso marëꞌ. “Quisocristo nanan anoyatërinpoaꞌ,” taꞌtomaꞌ, noya niniꞌtomaꞌ, yaꞌhuëcoꞌ. Yaꞌipi co noyahuëꞌ yonquiramasopita naniantatomaꞌ, noyápiachin cancantocoꞌ. Ina quëran oꞌmantahuachin, noya niꞌsarinquëmaꞌ.

Apocalipsis 3:2

Ipora huantaꞌ niyontonpiramahuëꞌ, topinan quëran naporamaꞌ: ‘Yaꞌipi natëtoi, noya ninai,’ topiramahuëꞌ, co huachi Yosë noya niꞌninquëmahuëꞌ. Huëꞌërëso pochin cancantëramaꞌ niꞌton, co yonquiramahuëꞌ. Pënsha yatacopirinso pochin cancantëramaꞌ. Pën yatacopihuachina, pishitërëꞌ noya orotacaso marëꞌ. Inapochachin canpitantaꞌ chiníquën Yosë yonquiantacoꞌ.