Mateo 25:42 - Chayahuita (Shahui)

⁴² Tanapirahuëꞌ, co aꞌcaramacohuëꞌ. Yamoropirahuëꞌ, co oꞌshitëramacohuëꞌ.

Mateo 25:42 ပူးပေါင်းရင်းမြစ်များ

Amós 6:6

Huino oꞌotoma noꞌpiráramaꞌ. Noya noya huaꞌsaiꞌ pashiramaꞌ. Canpitaso taꞌhuantochináchin nisapiramahuëꞌ: “Maꞌta pini,” toconamaꞌ.

Mateo 12:30

Co imapatamacohuëꞌ, inimicotaramaco. Co catahuahuatamacohuëꞌ, sopai natëarama huachi. Piyapiꞌsaꞌ anishacancantaramaꞌ ama Yosë imacaiso marëhuëꞌ.

Mateo 25:35

Canpitasoꞌ noya nosororamaco. Tanahuatëra, aꞌcaramaco. Yamorohuatëra, oꞌshitëramaco. Yaꞌhuëramataquëchi naꞌhuëpatëra, noya nontëramaco. Pëinëmaquë chachin ayaꞌconamaco.

Mateo 25:41

Ahuënanëhuë quëran acorahuësopitaso nipirinhuëꞌ, shaꞌhuitarahuë: ‘Yaꞌipinquëmaꞌ paco huachi. Tata Yosë co noyahuëꞌ niꞌninquëmaꞌ niꞌton, anaꞌintarinquëma huachi. Panca pën nani acorin sopairoꞌsaꞌ anaꞌintacaso marëꞌ. Inaquë pën co onporontaꞌ tacopiarinhuëꞌ. Inaquë pacoꞌ canpitantaꞌ.

Mateo 25:43

Yaꞌhuëramataquëchin naꞌhuëpatëra, co pëinëmaquë ayaꞌconamacohuëꞌ. Capa aꞌmocaꞌhuasontaꞌ nipirinhuëꞌ, co quëtëramacohuëꞌ. Caniopirahuëꞌ, co huëcatomaꞌ nosororamacohuëꞌ. Tashinan pëiquë yaꞌhuëpirahuëꞌ, co niꞌquiramacohuëꞌ,’ itarahuë.

Mateo 4:2

Catapini shonca tahuëri tashirë chachin inaquë yaꞌhuaponahuëꞌ, co mantaꞌ caꞌninhuëꞌ. Ina piquëran tanarin huachi.

Juan 14:21

Nani pënënanquëmasoꞌ nitotatomaꞌ natëhuatamaco, tëhuënchachin nosoroaramaco, tënahuë. Nosorohuatamaco, Tata Yosëntaꞌ nosoroarinquëmaꞌ. Carinquëmantaꞌ nosoroaranquëmaꞌ. Inápaquë panantaporahuëꞌ, cancanëma quëran nontaranquëmaꞌ. Noya noya nohuitaramaco,” itërin Quisosori.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

1 Corintios 16:22

Insosona co Sinioro Quisocristo nosorohuachinhuëꞌ, Yosëri anaꞌinchin. ¡Aꞌnaroáchin Sinioro oꞌmantaquëꞌ! tënahuë.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

1 Juan 4:20

Aꞌnaquënsoꞌ “Yosë nosororahuë,” taponahuëꞌ, iin noꞌhuirin. Co inasoꞌ noꞌtëquën noninhuëꞌ, nonpiánin. Piyapi quënanëhuaꞌ. Yosëso nipirinhuëꞌ co quënanëhuahuëꞌ. Piyapi quënanarihuarahuëꞌ, co nosorohuatëhuahuëꞌ, aquëtë huarëꞌ Yosësoꞌ co nanitarëhuahuëꞌ nosorocasoꞌ.