Mateo 25:29 - Chayahuita (Shahui)

²⁹ Noya natërinco niꞌton, naꞌcon naꞌcon quëtantarahuë. Co mantaꞌ pahuantarinhuëꞌ. Aꞌnaso nipirinhuëꞌ co natërincohuëꞌ niꞌton, piꞌpian yaꞌhuëtërinso tërantaꞌ osërëtarahuë.

Mateo 25:29 ပူးပေါင်းရင်းမြစ်များ

Oseas 2:9

Napopiso marëꞌ carintaꞌ, trico, huino, inapita quëtërahuësoꞌ, matatë pochin nitarahuë. Inapita macacaso tahuëriꞌsa nanipirinhuëꞌ, ca nohuanton co huachi macaponahuëꞌ. Aꞌnantatona aꞌmocaiso marëntaꞌ, rino piꞌshi, huaita, inapita quëtërahuë. Inapotopirahuëꞌ, mataantapo.

Mateo 13:12

Insosona noya natanpachinaco, Yosëri catahuarin noya yonquicaiso marëꞌ. Naꞌcon naꞌcon nitotapi. Aꞌnapitaso nipirinhuëꞌ co yanatëhuachinacohuëꞌ, Yosëri tananpitarin niꞌton, yaꞌipiya naniantapi huachi.

Mateo 21:41

—Paꞌpi co noyahuëꞌ nipi niꞌton, chiníquën noꞌhuiton, aꞌnaroáchin tëpapon. Ina quëran nasha inpriatoroꞌsaꞌ acoantarin. Inapitasoꞌ opa nitohuachin, noꞌtëquën quëtapi huachi, itopi.

Mateo 25:28

Ina quëran aꞌna piyapinën shaꞌhuitërin. ‘Iso quëmapi topinan quëran coriqui quëtërahuë. Osërëtahuaton, pasoꞌ quëmapi naꞌcon naꞌcon canarinsoꞌ, quëtëquëꞌ.

Marcos 4:25

Noya natëhuatamaꞌ, naꞌcon naꞌcon nitotaramaꞌ. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ. Napoaton Yosëri tananpitarin. Inapotohuachina, piꞌpian tërantaꞌ nitotopisoꞌ, yaꞌipiya naniantapi,” itërin.

Lucas 10:42

Casáchin natancosoꞌ naꞌcon naꞌcon nohuantërahuë. Mariasoꞌ natanatonco, noya noya nisarin. Naꞌcon yonquirinco niꞌton, noya cancantomiatarin tënahuë, itërin Quisosori.

Lucas 8:18

Napoaton noya natancoꞌ. Noya natëhuatamaꞌ, naꞌcon naꞌcon nitotarama. Aꞌnaquënso nipirinhuëꞌ, ‘Nani nitotërahuë,’ topirinahuëꞌ, co yanatëpihuëꞌ niꞌton, piꞌpian tërantaꞌ nitotopisoꞌ Yosëri ananiantarin,” itërin.

Juan 11:48

Tananpitohuatëhuaꞌ, yaꞌipi piyapiꞌsari natërapi. Napohuachinaꞌ, Noma copirno noꞌhuitaton, sontaroꞌsaꞌ aꞌpaiarin. Huëꞌpachinaꞌ, Yosë chinotërëhuaso pëiꞌ ohuatahuatonaꞌ, yaꞌipi cotioroꞌsanpoaꞌ ataꞌhuantarinënpoaꞌ nimara, nitopi.

Juan 15:2

Aꞌna sëꞌpaquën co nitohuachinahuëꞌ, nishitëtërin. Aꞌnaquënso nipirinhuëꞌ piꞌpian nitërin. Ina sëꞌparaꞌhuainpita piꞌpian niꞌquitërin naꞌcon naꞌcon nitacaso marëꞌ. Co niꞌquitohuatërahuëꞌ, co noya nitërinhuëꞌ.

Apocalipsis 2:5

Iráca naporamasoꞌ yonquiantatomaꞌ, noya niantacoꞌ. Yaꞌipi co noyahuëꞌ yonquiramasopita naniantatomaꞌ, yaꞌipi cancanëma quëran nosoroantaco. Naporahuaton canpita capinintaꞌ noya ninosoroantacoꞌ. Co noya cancantantahuatamahuëꞌ, paaparahuatënquëmaꞌ, anaꞌintaranquëmaꞌ. Nanparin tacopirinso pochin nisaramaꞌ. Aꞌna tahuëri yaꞌhuëramaquë co insontaꞌ imasarinacohuëꞌ.