Mateo 25:24 - Chayahuita (Shahui)

²⁴ Piquëran quëtërinsoso nipirinhuëꞌ, huëꞌsahuaton itiirin: ‘Quëmasoꞌ sinioro co nosororancoihuëꞌ. Co quëmaora shacaponahuëꞌ, nitërinsoꞌ manan. Co sacataponahuëꞌ, canaran.

Mateo 25:24 ပူးပေါင်းရင်းမြစ်များ

Isaías 58:3

Inapopiramahuë naporamaꞌ: “Ayono nipirëhuahuëꞌ, ¡co Yosë tahuërëtërinpoahuëꞌ! Inaso co cancantopirinpoahuëꞌ, ¡ma topinanta ayonatëhua parisitáparihuaꞌ!” tënamaꞌ. Ayono tahuëri nipirinhuëꞌ, canacamaso marëꞌ sacatëramaꞌ. Inapoatoma piyapinëmantaꞌ, naꞌcon naꞌcon aparisitëramaꞌ.

Jeremías 2:31

Canpitanta ipora yaꞌhuëramasopita, Sinioro shaꞌhuitërinpoasoꞌ noya natancoꞌ. Israiroꞌsanquëmaꞌ: Inotëroquësoꞌ, paꞌpi chiníquën piꞌi piꞌcatërin. ¡Co carimasoꞌ, inapochin aparisitëranquëmahuëꞌ! Noꞌpaꞌ nanin acopontaꞌ, huëhuëpiro tashinantërin. ¡Co carimaso ina pochin aꞌpayananquëmahuëꞌ! Canpitaso piyapinëhuëpitanquëma nipomarahuë napotëramaco: ‘Nani huachi quëmá quëran chaꞌërai. Co huachi onporo tërantaꞌ, tahuërëtarainquënhuëꞌ,’ itëramaco.

Mateo 18:24

Napohuachina, aꞌnaraꞌ quëntapi naꞌa huaranca nihuirinsoꞌ. Co apira pahuërëtochináchinhuëꞌ nihuitërin.

Mateo 20:12

‘Pasopitasoꞌ, aꞌna oraíchin sacatopi. Quiyaso nipirinhuëꞌ, yaꞌipi tahuëri sacatërai. Tashiramiachin quëran huarëꞌ piꞌi piꞌcarincoi. Huaꞌquiꞌ sacatopiraihuëꞌ, napopianachin pahuërërancoi. Co noꞌtëquën pahuërërancoihuëꞌ,’ itërin aꞌnari.

Mateo 25:25

Napoaton tëꞌhuatatënquën, co sacatërahuëꞌ. Coriqui quëtërancosoꞌ acoporoquë poꞌorahuë. Maꞌtana yaꞌhuarin,’ itahuaton, coriqui aꞌnotërin.

Mateo 25:26

Napotohuachina, co noya niꞌninhuëꞌ. ‘Quëmasoꞌ co noyanquënhuëꞌ. Chiroton, co natërancohuëꞌ. Co noꞌtëquën yonquiranhuëꞌ. “Co sacataponahuëꞌ canaran,” ¿itëranco ti?

Mateo 7:21

Ina quëran itaantarin: “Naꞌa piyapiꞌsaꞌ: ‘Sinioro, Sinioro,’ itopirinacohuëꞌ, aꞌnaquën co cancanëna quëran imarinacohuë niꞌton, co Yosë huaꞌanëntërinquë yaꞌconapihuëꞌ. Yosë natëpisopitaráchin inatohuaꞌ yaꞌhuëcontapi huachi.

Lucas 15:29

‘Inca tata. Naꞌa piꞌipi quëma marëꞌ chiníquën sacatërahuë. Shaꞌhuitohuatancora, yaꞌipiya natëranquën. Napoaponahuëꞌ, co casoꞌ chipo tërantaꞌ quëtërancohuëꞌ amiconëhuëpita amatahuato capa cancantaꞌhuaiso marëꞌ.

Lucas 19:13

shonca inpriatonën amatërin. Huëꞌpachinara, aꞌnaya aꞌnaya coriqui quëtërin. Napopináchin quëtëraꞌpiarin. ‘Iporasoꞌ aquë paꞌsarahuë. Iso coriqui quëchinquëmaꞌ maꞌsha paꞌanatomaꞌ, naꞌcon naꞌcon canacamaso marëꞌ,’ itërin. Itahuaton, paꞌnin.

Lucas 6:46

Ina quëran itantarin: “Aꞌnaquëmaꞌ ‘Sinioro, Sinioro,’ itapomaracohuëꞌ, ¿onpoatontaꞌ co natëramacohuëꞌ?

Romanos 8:7

Co noyahuëꞌ nicacasoráchin paꞌyatohuatëhuaꞌ, Yosë inimicotarëhuaꞌ. Co Yosë pënëntërinsoꞌ natëcasoꞌ nohuantarëhuahuëꞌ. Co nanitarëhuahuëꞌ ina natëcasoꞌ.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.