Mateo 25:17 - Chayahuita (Shahui)

¹⁷ Cato huaranca quëtërinsontaꞌ noya sacatërin. Inantaꞌ maꞌsha paꞌanahuaton, cato huaranca aquëtëꞌ canantarin.

Mateo 25:17 ပူးပေါင်းရင်းမြစ်များ

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

2 Samuel 19:32

Tapi imarinsopitarë chachin Maanainquë yaꞌhuasoiꞌ, inari catahuarin. Nani mashoya, posa shonca piꞌipitaponahuëꞌ, yaꞌipiya capacaiso inari quëtërin. Paꞌpi maꞌhuan niꞌton, ina nápo nipirinhuëꞌ, ananitërin.

Mateo 25:16

Aꞌnatërápo huaranca maꞌpatonaꞌpisoꞌ aꞌnaroáchin natërin. Paaton, naꞌa maꞌsha paꞌanin. Ina quëran inapita paꞌanaton, naꞌcon naꞌcon coriqui canarin. Nani tahuëri inapoaton, oshaquëran aꞌnatërápo huaranca aquëtëꞌ canaantarin.

Mateo 25:18

Huaranca maꞌparinsosoꞌ nipirinhuëꞌ, co yanatërinhuëꞌ. Noꞌpaquë ihuatahuaton, coriquinën paꞌpitërin inaquë tapacaso marëꞌ.

Hechos 10:2

Inaso nisha piyapi niponahuëꞌ, Yosë chinotërin. Yaꞌipi pëinënquë yaꞌhuëpisopitantaꞌ Yosë chinotopi. Cotioroꞌsaꞌ maꞌsha pahuantohuachinara, nosoroaton, topinan quëtërin. Nani tahuëri Yosë nontërin.

2 Corintios 8:12

Yaꞌipi cancanëma quëran quëtohuatamaꞌ, Yosë noya niꞌsarinquëmaꞌ. Co naꞌa coriquihuanpatamahuëꞌ, Yosë nitotërin. Co nanitëramahuëꞌ naꞌa quëtacasoꞌ. Co apiratomahuëꞌ, piꞌpian tërantaꞌ quëtohuatamaꞌ, noya niꞌsarinquëmaꞌ.

Efesios 5:16

Ama tahuëri chiniacosohuëꞌ. Iporasoꞌ naꞌa piyapiꞌsaꞌ co noyahuëꞌ cancantopi. Napoaton apira apira aꞌnapita catahuacoꞌ Yosë yonquicaiso marëꞌ. Onpopiontaꞌ nanamën anitotocoꞌ.

Colosenses 4:17

Arquipo shaꞌhuitocoꞌ: “Ama chirotonhuëꞌ, yaꞌipi Sinioro camairinquënsoꞌ natëquëꞌ,” itocoꞌ.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

1 Pedro 4:10

Yosë imarëhuasopita acorinpoaꞌ nisha nisha nicacasoꞌ. Inaora nohuanton, aꞌnaya aꞌnayanpoaꞌ catahuarinpoaꞌ maꞌsona nohuantërinsoꞌ nitotacasoꞌ. Napoaton ama topinan quëran yaꞌhuëcosohuëꞌ. Maꞌsona nitotohuatamaꞌ, noya nicoꞌ aꞌnapita catahuacaso marëꞌ. Noya noya imacamaso marëꞌ nicatahuacoꞌ.