Mateo 24:8 - Chayahuita (Shahui)

⁸ Niꞌcoꞌ. Sanapi yahuaihuachina, iquitárin, co aꞌnaroáchin huairinhuëꞌ. Inapochachin ayaroꞌ tahuëri yaꞌcaritohuachin, piyapiꞌsaꞌ parisitaponaraihuëꞌ, co isoroꞌpaꞌ taꞌhuanchátëraponhuëꞌ.

Mateo 24:8 ပူးပေါင်းရင်းမြစ်များ

Oseas 13:13

Canpitasoꞌ, co yonquipisohuë pochin ninamaꞌ. Huaꞌhuasha yahuaꞌhuatahuachina noya niacorin. Canpitaso nipirinhuëꞌ apiaꞌhuaya pochin nicatomaꞌ, co noya niacorinsohuë pochin ninamaꞌ.

Marcos 13:8

Nisha nisha nananquë nonpisopita ninoꞌhuitonaꞌ quira nisapi. Copirnoroꞌsa capini ninoꞌhuitonaꞌ, piyapinënpita camairapi quira nicacaiso marëꞌ. Aꞌna parti aꞌna parti ocohua paꞌsarin. Cosharoꞌ pahuanpachin, tanari tiquirarin. Niꞌcoꞌ. Sanapi yahuaihuachina, iquitárin, co aꞌnaroáchin huairinhuëꞌ. Inapochachin ayaroꞌ tahuëri yaꞌcaritohuachina, naꞌcon parisitapirinahuëꞌ, co isoroꞌpaꞌ taꞌhuanchátëraponhuëꞌ.

Lucas 21:12

Coꞌhuara maꞌsha onpoyatërasohuëꞌ, co noya piyapiꞌsahuëꞌ masarinënquëmaꞌ. Imaramacoso marëꞌ aparisitarinënquëmaꞌ. Cotio niyontonpiso pëiquë shaꞌhuirapiarinënquëmaꞌ. Tashinan pëiquë poꞌmorarinënquëmaꞌ. Imaramacoso marëꞌ copirno yaꞌhuërinquëntaꞌ quëpararinënquëmaꞌ.

1 Tesalonicenses 5:3

Co imapisopitasohuëꞌ oꞌmantacasoꞌ tahuëri co yonquipihuëꞌ. “Noya yaꞌhuarëhuaꞌ, co mantaꞌ onpoarihuahuëꞌ,” topirinahuëꞌ. Aꞌnanaya chiníquën anaꞌintacasoꞌ naniarin, co chaꞌësapihuëꞌ. Sanapi yahuaihuachina, onporosona iquitacasoꞌ co nitotërinhuëꞌ. Aꞌnanaya iquitërin. Inapochachin aꞌnanaya Yosëri anaꞌintarin.

Santiago 5:1

Maꞌhuanoꞌsantaꞌ co Yosë natëpisopitahuëꞌ pënëin. Aꞌna tahuëri canpitasoꞌ chiníquën parisitaramaꞌ. Ina yonquiatomaꞌ, sëtocoꞌ, naꞌnëcoꞌ.