Mateo 24:51 - Chayahuita (Shahui)

⁵¹ Co natërinhuëꞌ niꞌton, chiníquën anaꞌintarin. Nonpintëroꞌsaꞌ anaꞌintopiso pochin nitapon. Inaquë co napion ancantaton, naꞌnërápon,” tënin Quisoso.

Mateo 24:51 ပူးပေါင်းရင်းမြစ်များ

Isaías 33:14

Quirosarin oshahuanoꞌsasoꞌ, paꞌyanapi. Yaꞌipi inpioroꞌsanta paꞌyanatonaꞌ: “Siniorosoꞌ, pën maꞌsha ahuiquitërinso pochin ninin. Yaꞌhuëmiatërinso pën pochin niꞌton, ¡Sinioro anaꞌintërinquësoꞌ, pën yaꞌhuëmiataton yaꞌipi ahuiquitërin! ¡Co inquënpoa tërantaꞌ, inaquë yaꞌhuëcaso nanichitërihuahuëꞌ!” tapona.

Mateo 22:13

‘Iso quëmapi masahuatomaꞌ, tonpocoꞌ. Paꞌon, tanpaquën, inapita noyá tonpocoꞌ. Nani tonporahuatomaꞌ, tashinanquë tëꞌyatocoꞌ. Inatohuaꞌ piyapiꞌsaꞌ naꞌnërapi, chiníquën parisitapi huachi,’ itërin piyapinënpita.

Mateo 24:50

Napoasoꞌ, patronëni quënanquintapon. Co nitotasohuëꞌ, aꞌnanaya canquipon.

Mateo 25:30

Naporahuaton co noyahuëꞌ niꞌton, aipiran tashinantërinquë tëꞌyatocoꞌ. Inatohua co napion ancantaton naꞌnërápon,’ tënin,” itërin Quisosori.

Mateo 8:12

Aꞌnaquëmaso nipirinhuëꞌ, “Quiyantaꞌ Yosë piyapinënpitacoi,” topiramahuëꞌ, co natëramahuëꞌ niꞌton, co huaꞌanëntërinquë yaꞌconaramahuëꞌ. Tashinanquë tëꞌyatarinquëmaꞌ. Inaquë naꞌnëaramaꞌ, chiníquën parisitarama huachi, itërin Quisosori.

Lucas 12:46

Napoasoꞌ, aꞌnanaya patronëni quënanquiantapon. Co nitotasohuëꞌ, aꞌnanaya canquipon. Co natërinhuëꞌ niꞌton, ocoirahuaton, chiníquën anaꞌintarin. Co natëtonoꞌsahuëpitarë chachin anaꞌintarin.

Lucas 13:28

Parisitopiquë paꞌsahuatomaꞌ, naꞌnëaramaꞌ, chiníquën parisitaramaꞌ. Apraan, Isaco, Cacopo, pënëntonaꞌpiroꞌsaꞌ, inapita Yosë huaꞌanëntërinquë yaꞌhuërapi, niꞌsaramaꞌ. Canpitaso nipirinhuëꞌ co yaꞌconamahuëꞌ niꞌton, sëtaramaꞌ.