Mateo 24:46 - Chayahuita (Shahui)

⁴⁶ Inpriatosoꞌ noya yonquihuachin, noꞌtëquën natëtarin. Patronëni huëcapaintahuachin, noya niꞌsarin. Ina marëꞌ noya cancantarin.

Mateo 24:46 ပူးပေါင်းရင်းမြစ်များ

Mateo 24:45

Ina quëran itaantarin: “Niꞌcoꞌ, iyaroꞌsaꞌ. Oꞌmacaꞌhuasoꞌ tahuëri aꞌna patron pochin nisarahuë. Inasoꞌ aquë yapaꞌpachina, inpriatonën shaꞌhuitërin. ‘Piyapinëhuëpita noya niꞌquëꞌ. Cosharoꞌ, maꞌsha, inapita pahuantohuachinaꞌ, quëtëraꞌpiaquëꞌ,’ itahuaton, paꞌnin.

Mateo 24:47

Noya natërin niꞌton, acoarin yaꞌipi maꞌshanënpita aꞌpaicaso marëꞌ.

Mateo 25:34

Ina quëran inchinanëhuë quëran acorahuësopita itarahuë: ‘Yaꞌipinquëmaꞌ huëcatomaꞌ, Yosë huaꞌanëntërinquë yaꞌconquicoꞌ. ¡Ma noyacha Tata Yosë nosororinquëma paya! Isoroꞌpaꞌ ninin quëran huarëꞌ yonquirinquëmaꞌ huaꞌanëntërinquë ayaꞌcoinquëmaso marëꞌ.

Lucas 12:37

Piyapinënpita ninarapi quënanquintahuachina, huaꞌanëni nóya niꞌsarin. Inari chachin nitaparahuaton, cosharoꞌ acotarin piyapinënpita capacaiso marëꞌ.

Lucas 12:43

Inpriatosoꞌ noya yonquihuachin, noꞌtëquën natërin. Patronëni huëcapaintahuachina, noya niꞌsarin.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Apocalipsis 2:19

Canpitasoꞌ noya ninamaꞌ. Noya natëtomaco, ninosororamaꞌ. Aꞌnaquëmaꞌ pahuantohuachinquëmara, nicatahuaramaꞌ. Maꞌsha onpoapomarahuëꞌ, noya ahuantëramaꞌ. Yaꞌnan imapomaco, noya ninamaꞌ. Iporasoꞌ naꞌcon naꞌcon nicatahuaramaꞌ. Ina marëꞌ noya niꞌpiranquëmahuëꞌ,