Mateo 24:43 - Chayahuita (Shahui)

⁴³ Niꞌcoꞌ. Ihuatëꞌ aꞌnanaya huëꞌpachina, pëiquë yaꞌconin. Huaꞌanën co nicasohuëꞌ, maꞌsha ihuarin. Onporosona huëcacasoꞌ nitotërin naporini, huaꞌanëni ninaitonhuëꞌ, co pëinënquë yaꞌconacasoꞌ nanichitonhuëꞌ.

Mateo 24:43 ပူးပေါင်းရင်းမြစ်များ

Proverbios 7:19

Soꞌyahuësoꞌ áquë paꞌnin niꞌton, co pëiquë yaꞌhuërinhuëꞌ.

Mateo 14:25

Co tahuëriyátërasohuëꞌ, Quisoso huëꞌsapirinhuëꞌ, co nitotopihuëꞌ. Iꞌ aipi iꞌnarahuaton, noꞌpa pochin paꞌtarin. Poti yaꞌcariarin.

Mateo 20:11

Coriqui maꞌpataponaraihuëꞌ, huaꞌanën noꞌhuiconpi.

Mateo 24:42

Ama huëꞌërëso pochin cancantatomaꞌ, naniantocosohuëꞌ. Onporosona oꞌmacaꞌhuasoꞌ tahuëri nanihuachin, co nitotaramahuëꞌ.

Mateo 24:44

Inapochachin canpitantaꞌ ninatomaco, yaꞌhuëcoꞌ. Huaꞌquihuato: ‘Co yaoꞌmarinhuëꞌ,’ ama tocosohuëꞌ. Co nitotasënquëmahuëꞌ, aꞌnanaya oꞌmantararahuë,” itërin.

Mateo 25:10

Napotohuachinara, aꞌnatërápo chachin manotona paꞌpi quirosin pochin nininsoꞌ paꞌanaponaꞌ. Paꞌpirinahuëꞌ, coꞌhuara huëntayátërasoihuëꞌ, huaꞌan canquirin. Aꞌnatërápo nanoꞌsaꞌ noya yonquirinsopitasoꞌ imatonaꞌ, pëiquë yaꞌconpi. Inaquë saꞌacaso marëꞌ pita nisapi. Nani yaꞌconpachinara, oncotopi.

Mateo 25:13

Napoaton canpitantaꞌ noya yonquiatomaꞌ, oꞌmantaꞌhuasoꞌ tahuëri ninacoꞌ. Onporosoꞌ nanipon nimara, co nitotëramahuëꞌ. Niꞌcona patontatënquëmaꞌ,” itërin.

Marcos 13:35

Onporosona pëiꞌ huaꞌanën huënantacasoꞌ co nitotopihuëꞌ. ‘Iꞌhuaraya huarëꞌ huëcapon nimara. Yonotashiꞌ aꞌnaꞌ huëcapon nimara. Atari përasahuasoꞌ, huëcapon nimara. Tashíramiachin huëcapon nimara,’ topi. Inapochachin canpitantaꞌ oꞌmantaꞌhuaso tahuëri co nitotatomahuëꞌ, nináco.

Marcos 6:48

Caꞌtanoꞌsanënpita yaꞌipi tashiꞌ maitopirinahuëꞌ. Ihuan nacapiatonaꞌ, co nanitopihuëꞌ chiníquën pacacaisoꞌ. Canotopi huachi. Ina niꞌsahuaton, co tahuëriyátërasohuëꞌ, Quisoso paꞌnin. I aipi iꞌnarahuaton, noꞌpa pochin paꞌtarin. Poti nani icantaponahuëꞌ, naꞌhuëtatë pochin nisarin.

Lucas 12:38

Yono tashihuë nipon, tahuëri yaꞌcarihuë nipon, huënantarin. Co huëꞌëponaraihuëꞌ ninarapi quënanquintahuachina, noya niꞌsarin.

Lucas 12:39

Isontaꞌ yonquicoꞌ: Ihuatëꞌ aꞌnanaya huëcaton, pëiquë yaꞌconin. Huaꞌanën co nicasohuëꞌ, maꞌsha ihuarin. Onporosona huëcacasoꞌ nitotërin naporini, huaꞌanëni ninaitonhuëꞌ, co maꞌshanënpita ihuaitonhuëꞌ.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.

Apocalipsis 3:3

Yaꞌnan natanapomaꞌ, Yosë nanamën noꞌtëquën aꞌchintërinënquëmaꞌ. Ina yonquiatomaꞌ, yaꞌipi co noyahuëꞌ yonquiramasopita naniantocoꞌ. Yaꞌipi cancanëma quëran casáchin yonquico. Co noya cancantaantahuatamahuëꞌ, aꞌnaroáchin anaꞌintaranquëmaꞌ. Ihuatonaꞌpi huëꞌninso pochachin aꞌnanaya anaꞌintaranquëmaꞌ. Co nitotasënquëmahuëꞌ, oꞌmantararahuë.