Mateo 24:37 - Chayahuita (Shahui)

^37-39 Iráca Noi nanpisoꞌ, naꞌa piyapiꞌsaꞌ co Yosë natëpihuëꞌ. Topinan yaꞌhuëcaisoráchin cancantopi. Coshatápi, oꞌosápi, saꞌasápi, huiꞌninapitantaꞌ asoꞌyarápi. Napoatonaꞌ, co Yosë yonquipihuëꞌ. Noiso nipirinhuëꞌ, Yosë natëton, panca nancha ninin. Nani tinihuachina, inaquë yaꞌconin. Aꞌnapitasoꞌ co yonquipirinahuëꞌ, aꞌnanaya panca pama paꞌsarin. Naporoꞌ yaꞌipiya chimiitopi huachi. Inapochachin cantaꞌ Yosë quëran quëmapico niꞌto, aꞌnanaya oꞌmantararahuë. Naꞌa piyapiꞌsaꞌ co yonquipirinacohuëꞌ, oꞌmantararahuë.

Mateo 24:37 ပူးပေါင်းရင်းမြစ်များ

Génesis 6:8

Napoaponahuëꞌ, Noiso nóya niꞌnin.

Mateo 16:27

Yosë quëran quëmapico niꞌto, aꞌna tahuëri oꞌmantararahuë. Tatahuë huënaratërinso pochin cantaꞌ huënaratarahuë. Anquëniroꞌsapitarëꞌco oꞌmantararahuë. Naporoꞌ coisë pochin noꞌtëquën shaꞌhuitarahuë huachi. Noya nipachinaꞌ, noya acoarahuë. Co noyahuëꞌ nipachinaꞌ, anaꞌintarahuë huachi.

Mateo 24:27

Yosë quëran quëmapico niꞌto, aꞌna tahuëri oꞌmantararahuë. Oꞌmantahuato, yaꞌipi piyapiꞌsaꞌ niꞌsarinaco. Oꞌcoriꞌ huënshaꞌ topachina, yaꞌipi parti aꞌpintërin. Inapochachin aꞌna tahuëri huënaráchin huënaráchin oꞌmantararahuë, niꞌsaramaco.

Mateo 24:3

Ina quëran Oriposë panënquë paꞌsahuaton, inaquë huënsëconin. Caꞌtanoꞌsanënpitaráchin yaꞌhuëpi. Inapitari huëcapairahuatonaꞌ, itiipi: —¿Onporotaꞌ Maistro ohuatapi? Ayaroꞌ tahuëri yaꞌcaritohuachin, ¿maꞌtaꞌ onporahuachinaꞌ nitotapoi? ¿Onporotaꞌ oꞌmantararan? Inapita shaꞌhuitocoi quiyantaꞌ nitochii, itopi.

Mateo 24:30

Naporoꞌ oꞌmantararahuë. Yosë quëran quëmapico niꞌto, inápa quëran oꞌmantararahuë huachi. Nisha nisha nananquë nonpisopita: ‘Anaꞌintarinpoaꞌ,’ taꞌtonaꞌ paꞌyanapi, naꞌnëapi, napoapi. Chiníquën nanantato, chitoroꞌ huáncana oꞌmantararahuë, niꞌsarinaco. Huënaráchin huënaráchin yaꞌnoarahuë.

Hebreos 11:7

Iráca Nointaꞌ yaꞌhuëpirinhuëꞌ, aꞌna tahuëri Yosëri itapon: “Co huaꞌqui quëranhuëꞌ maꞌsha onpoaramaꞌ. Co niꞌchinamasohuëꞌ niꞌsaramaꞌ. Naporoꞌ yaꞌipi oshahuanoꞌsaꞌ iiꞌ quëran ataꞌhuantarahuë,” itërin. Coꞌhuara oꞌnayantërasohuëꞌ napotopirinhuëꞌ: “Yosë noꞌtëquën nontërinco,” taꞌton, Noi natëtërin. Shaꞌhuitohuachina, natëton, panca nancha ninin. Ina quëran saꞌin, huiꞌninpitarë chachin chaꞌëpi. Aꞌnapitasoꞌ natanaponaraihuëꞌ, co yanatëpihuëꞌ. Napoaton naꞌinpi. Noiso nipirinhuëꞌ, yaꞌipi cancanën quëran natëtërin. “Noꞌtëquën nontërinco,” topachina, Yosëri noya niꞌnin.

2 Pedro 2:5

Iráca yaꞌhuëpisopitantaꞌ co nichaꞌërinhuëꞌ. Co noyahuëꞌ nipachinara, Yosë nohuanton, panca pacon paꞌnin. Iiꞌ quëran taꞌhuantopi. Noisoꞌ Yosë imaton, noꞌtëquën pënëntopirinhuëꞌ, co yanatëpihuëꞌ niꞌton, yaꞌipiya taꞌhuantopi. Noisáchin nichaꞌërin. Yaꞌipi quëran posayaꞌpíchin chaꞌëpi.

2 Pedro 3:6

Ina quëran piyapiꞌsaꞌ co noyahuëꞌ nipachinara, iiꞌ quëran chachin ataꞌhuantërin.