Mateo 24:20 - Chayahuita (Shahui)

²⁰ Yosë nontocoꞌ ama oꞌnápiquë taꞌacasoꞌ yaꞌhuëꞌinsohuëꞌ. Oꞌnapiquëhuë nipon, chinoto tahuërihuë nipon, saca sacaiꞌ taꞌacasoꞌ.

Mateo 24:20 ပူးပေါင်းရင်းမြစ်များ

Éxodo 16:29

Nani acotëranquëma aꞌna tahuëriraꞌ chinotamasoꞌ. Napoaton pancasomaria tahuëri nanihuachin, cato tahuëri marëꞌ cosharo quëtëranquëmaꞌ. Ina niꞌton, sahuato nanihuachin, ama yaꞌhuërama quëran pipicosohuëꞌ, itërin.

Mateo 24:19

Naporoꞌ tahuëriꞌsaꞌ cayoronoꞌsaꞌ, shoꞌshopiaꞌhua yaꞌhuëtopisoꞌ, inapitasoꞌ sacai quëran taꞌarapi niꞌton, parisitaponaꞌ. ¡Maꞌhuantacha nisapi paya!

Mateo 24:21

Ina quëran piyapiꞌsaꞌ chini chiníquën parisitapi. Isoroꞌpaꞌ yaꞌhuërin quëran huarëꞌ co ina pochin parisichátërapihuëꞌ. Ina piquëraontaꞌ co onporontaꞌ ina pochin parisitantarapihuëꞌ.

Hechos 1:12

Ina natanahuatonaꞌ, Oriposë panën quëran nohuaramarahuatonaꞌ, Quirosarinquë paantapi. Co aquëyahuëꞌ. Aꞌna quiromitro pochin aquërinsoꞌ.