Mateo 24:19 - Chayahuita (Shahui)

¹⁹ Naporoꞌ tahuëriꞌsaꞌ cayoronoꞌsaꞌ, shoꞌshopiaꞌhua yaꞌhuëtopisoꞌ, inapitasoꞌ sacai quëran taꞌarapi niꞌton, parisitaponaꞌ. ¡Maꞌhuantacha nisapi paya!

Mateo 24:19 ပူးပေါင်းရင်းမြစ်များ

Oseas 13:16

Samariaquë yaꞌhuëpisopita cari ataꞌhuantarahuë. Co natërinacohuë niꞌton, sahuëni quëran tëpaponaꞌ. Huaꞌhuaroꞌsa masahuatonaꞌ, noꞌpaꞌ huihuiraꞌpiaponaꞌ. Cayoronoꞌsantaꞌ, nichatëraꞌpiaponaꞌ,” tënin.

Mateo 21:16

Noꞌhuitonaꞌ, Quisoso itopi: —Isopita napopisoꞌ ¿co natananhuëꞌ ti? itopi. —Natanahuë mini. Noꞌtëquën nonsapi. Yosë quiricanënquë naporin: “Quëma nohuanton, huaꞌhuaroꞌsaꞌ nóya nonapiarinënquën. Shoꞌshopiaꞌhuaroꞌsaꞌ niponaraihuëꞌ, ‘Ma noyanquëncha quëmaso paya,’ itarinënquën,” tënin, itërin Quisosori.

Mateo 24:18

Iminëmaquë sacatasënquëmaꞌ nipachin, ama aꞌmoramaso tërantaꞌ maquintacosohuëꞌ. Manóton taꞌacoꞌ.

Mateo 24:20

Yosë nontocoꞌ ama oꞌnápiquë taꞌacasoꞌ yaꞌhuëꞌinsohuëꞌ. Oꞌnapiquëhuë nipon, chinoto tahuërihuë nipon, saca sacaiꞌ taꞌacasoꞌ.

Lucas 21:23

Cayoronoꞌsaꞌ, huaꞌhuahuanoꞌsaꞌ, inapitasoꞌ sacai quëran taꞌarapi. ¡Maꞌhuantacha nisapi paya! Yosëri noꞌhuiton, cotioroꞌsaꞌ anaꞌintarin.