Mateo 24:15 - Chayahuita (Shahui)

¹⁵ Iráca Naniri ninoton, ninshitërin. ‘Aꞌna tahuëri inimicoroꞌsaꞌ Yosë pëinënquë yaꞌconahuatonaꞌ, tapiaponaꞌ. Paꞌpi co noyahuëꞌ nitatonaꞌ inapotohuachinaꞌ, co huachi inaquë Yosë chinotapihuëꞌ,’ tënin. Noꞌtëquën ninorin niꞌton, ina quirica nontohuatamaꞌ, noya yonquicoꞌ.

Mateo 24:15 ပူးပေါင်းရင်းမြစ်များ

Daniel 1:6

Napotohuachina Aspinasoꞌ, huiꞌnapiꞌsa huayonin. Catapini yaꞌpisoꞌ, Cota huënton huiꞌnapiꞌsaꞌ. Inapitasoꞌ, Naniri, Ananiasë, Misairo, Asariasë, inapita.

Daniel 9:23

Yosë nontëransoꞌ caniaritasënquën chachin, inaso aꞌpanirinquën. Inasoꞌ nosoromiatërinquën niꞌton, anitotaꞌhuanquënso marëꞌ aꞌpaimarinco. Iporasoꞌ noya huëratëhuanaton natanquë noꞌtëquën nitotamaso marëꞌ.

Daniel 9:25

Isonta nitotahuaton, noya yonquiquëꞌ: Quirosarin noya acoantacaiso marëꞌ nanan yoꞌpi quëran, huaꞌan Yosëri huayoninso yaꞌconaquë huarëꞌ, canchisë simana nisahuaton, saota shonca cato simana huaꞌquiapon. Quirosarin pairanën, cachiroꞌsaꞌ, inapita anoyatasoiꞌ, naꞌcon parisitacaisoꞌ yaꞌhuëapon.

Daniel 9:27

Aꞌna simana marëꞌ ina copirnosoꞌ, notohuaroꞌ piyapiꞌsarëꞌ anoyatapon. Napoaponahuë ina simana huancanarahuasoꞌ, Yosë marëꞌ maꞌsha ahuiquitacaisoꞌ, acopitapon. Maꞌsha Yosë marëꞌ quëcacaisontaꞌ, inapotapon. Artaro maꞌsha Sinioro marëꞌ ahuiquitopiso notënanquë, paꞌpi co noyahuëꞌ nininso nicatonaꞌ, tapiaponaꞌ. Ina piquëranso napoaponahuëꞌ, Yosëri chachin naponaꞌpi ataꞌhuantapon huachi,” itërinco.

Mateo 24:16

Naniri ninorinsoꞌ nanihuachin, Cotia parti yaꞌhuëramasopita motopiꞌpaꞌ manóton taꞌacoꞌ, chiníquën aparisitochinënquëmaꞌ.

Marcos 13:14

Aꞌna tahuëri inimicoroꞌsaꞌ Yosë pëinënquë yaꞌconahuatonaꞌ, paꞌpi co noyahuëꞌ nisapi niꞌton, tapiaponaꞌ, co huachi inaquë Yosë chinotapihuëꞌ. (Ina quirica nontohuatamaꞌ, noya yonquicoꞌ.) Ina niꞌpatamaꞌ, naporoꞌ taꞌacoꞌ. Cotia parti yaꞌhuëhuatamaꞌ, motopiꞌpaꞌ taꞌacoꞌ.

Lucas 19:43

Napoaton aꞌna tahuëri parisitaramaꞌ. Inimiconëmapita huëcapairahuatënënquëmaꞌ, tancapitarinënquëmaꞌ. Yaꞌipi parti quëran ahuëarinënquëmaꞌ. Ninano pairapiramasoꞌ inápa niponahuëꞌ, maꞌsha aꞌmitë aꞌmitëtapi yaꞌconacaiso marëꞌ.

Lucas 21:20

Notohuaroꞌ sontaroꞌsaꞌ nisha parti quëran huëcatonaꞌ, Quirosarin tancapitapi. Ina niꞌpatamaꞌ, nani tahuëri nanirinsoꞌ nitotaramaꞌ. ‘Quirosarin ataꞌhuantapi,’ tosaramaꞌ.

Juan 11:48

Tananpitohuatëhuaꞌ, yaꞌipi piyapiꞌsari natërapi. Napohuachinaꞌ, Noma copirno noꞌhuitaton, sontaroꞌsaꞌ aꞌpaiarin. Huëꞌpachinaꞌ, Yosë chinotërëhuaso pëiꞌ ohuatahuatonaꞌ, yaꞌipi cotioroꞌsanpoaꞌ ataꞌhuantarinënpoaꞌ nimara, nitopi.

Hechos 21:28

“¡Huëcoꞌ iyaroꞌsaꞌ catahuacoi! Iso quëmapi yaꞌipi parti paaton, nisha aꞌchinarin. ‘Cotioroꞌsasoꞌ co noꞌtëquën aꞌchinpihuëꞌ. Moisësë pënëntërinsoꞌ aꞌpocoꞌ,’ tënin. Naporahuaton, Yosë chinotopiso pëiꞌ co huachi noya niꞌninhuëꞌ. Niꞌcochi. Crico piyapiꞌsaꞌ isëquë chachin ichiyaꞌconin niꞌton, Yosë pëinën tapiarin. Co inapitasoꞌ yaꞌconacasohuëꞌ nipirinhuëꞌ,” toconpi.

Hechos 6:13

Nani niyontonpachinara, naquëranchin shaꞌhuirapiantapi. Nonpinatonaꞌ, co noꞌtëquën shaꞌhuirapipihuëꞌ. —Yosë chinotopiso pëiꞌ noya nipirinhuëꞌ, nonapirarin. “Moisësë iráca pënëntërinsontaꞌ co natëcasoꞌ yaꞌhuërinhuëꞌ,” toconin.

Hebreos 2:1

Nani noꞌtën nanan natanëhuaꞌ niꞌton, nanamën naꞌcon naꞌcon yonquiaꞌahuaꞌ, ama pëshonacaso marëhuëꞌ. Niꞌcona canpitantaꞌ ina naniantotamaꞌ.

Apocalipsis 1:3

Iso quirica nontohuatamaꞌ, noya cancantaramaꞌ. Ina natanpatamantaꞌ, noya cancantaramaꞌ. Aꞌna tahuëri maꞌsona onpocasoꞌ shaꞌhuitaranquëmaꞌ. Natëhuatamaꞌ, Yosë noya niꞌsarinquëmaꞌ. Ayaroꞌ tahuëri nani yaꞌcaririarinpoa huachi.

Apocalipsis 3:22

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Nani huachi,” itëquëꞌ ninshitohuatan, itërinco Quisoso.