Mateo 23:9 - Chayahuita (Shahui)

⁹ Ama aꞌna piyapi naꞌcon naꞌcon paꞌyatocosohuëꞌ. ‘Quëmasoꞌ tata pochin niꞌnanquën. Natëaranquën huachi,’ ama itocosohuëꞌ. Yosëíchin natëcasoꞌ yaꞌhuërin. Inasoꞌ tatanënpoaꞌ inápaquë yaꞌhuërinsoꞌ.

Mateo 23:9 ပူးပေါင်းရင်းမြစ်များ

2 Reyes 13:14

Naporo tahuëriꞌsa Irisiosoꞌ, chiminchináchin caniorin. Ina natanaton, Coasë copirnori paaparin. Quënanconahuaton iporin quëran naꞌnëtërin. Naꞌnëtapon pochin: —¡Quëmasoꞌ tatahuë pochin ninan! ¡Panca sontaroꞌsa huënton pochin nicaton yaꞌipi israiroꞌsacoi paꞌpoyarancoi! itërin.

2 Reyes 2:12

Ina nicaton Irisiosoꞌ, chiníquën nonin: “¡Maistro, maistro! ¡Quëmasoꞌ panca sontaroꞌsa huënton pochin nicaton, yaꞌipi israiroꞌsacoi paꞌpoyarancoi!” tënin. Ina piquëransoꞌ, co huachi maistronën quënaninhuëꞌ. Ina tosahuaton sëtonënquë aꞌmorinso osharin. Catotë huarëꞌ acorin.

2 Reyes 6:21

Inari niꞌsahuaton Irisio natanin: —Quëmasoꞌ tatahuë pochin ninan. Shaꞌhuitoco: ¿Atëpachi isopita ti? itërin.

Malaquías 1:6

Siniorosoꞌ, yaꞌipi nanitaparin. Corto huaꞌanoꞌsa pënënaton: “Huaꞌhuaroꞌsasoꞌ, paꞌpina noya nicatona natëcaiso yaꞌhuërin. Patronoꞌsantaꞌ, piyapinënpitari natëcaiso yaꞌhuërin. Caso canpita tatanëmaco niꞌquëhuarëꞌ, ¡noya nicatomaco natëamacoso yaꞌhuërin! Patronëmaco niꞌquëhuarëꞌ, ¡natëamacoso yaꞌhuërin! Canpitaso napoaponahuëꞌ, nocanamaco. Napoapomarahuëꞌ: ‘¿Maquëta nocanainquën?’ itëramaco.

Mateo 23:10

Ama huaꞌan pochin chiníquën nanan nohuantocosohuëꞌ. ‘Ca natëco,’ ama tocosohuëꞌ. Aꞌnaíchin huaꞌan yaꞌhuëtërinquëmaꞌ, Cristo itopisoꞌ.

Mateo 6:32

Co Yosë imapisopitahuëꞌ ina pochin yonquipi. Maꞌsharáchin yonquipi. Canpitaso nipirinhuëꞌ tatanëmaꞌ inápaquë yaꞌhuërinsoꞌ yonquirinquëmaꞌ. Yaꞌipi pahuantërinquëmasopita nani nitotërin.

Mateo 7:11

Canpitasoꞌ co noyahuëꞌ yonquiapomarahuëꞌ, huiꞌnamaꞌ nosororamaꞌ. Noya maꞌsha quëtëramaꞌ. Yosësoꞌ noya noya niꞌton, naꞌcon naꞌcon nosororinquëmaꞌ. Inápaquë yaꞌhuaponahuëꞌ, huiꞌninpita pochin niꞌninquëmaꞌ. Nontohuatamaꞌ, noya nininsoꞌ quëtarinquëmaꞌ. Catahuarinquëmaꞌ noya cancantacamaso marëꞌ.

Hechos 22:1

“Natanco iyaroꞌsaꞌ, apiroꞌsaꞌ, piꞌpian yanontëranquëmaꞌ. Caso co mantaꞌ onporahuëꞌ,” tënin.

1 Corintios 4:15

Notohuaroꞌ piyapiꞌsaꞌ Quisocristo nanamën aꞌchintopirinënquëmahuëꞌ, carimaꞌton pënënanquëmaꞌ niꞌton, imaramaꞌ. Quisocristo nanamën shaꞌhuitohuatënquëmara, natëramaꞌ. Napoaton tataparima pochin niꞌco.

2 Corintios 6:18

Tataparinquëma pochachin noya nosoroaranquëmaꞌ. Huiꞌnahuëpita pochin cancantëranquëmaꞌ, itërinpoaꞌ Tata Yosë. Chini chiníquën nanantaton, yaꞌipiya huaꞌanëntërin,” tënin quiricanënquë.

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.

1 Juan 3:1

Ma noya Tata Yosë nosororinpoaꞌ niꞌton, huiꞌninpita pochachin niꞌninpoaꞌ. Huëntonënquë chachin ayaꞌconinpoaꞌ. Co imapisopitasohuëꞌ nipirinhuëꞌ co nitotopihuëꞌ. “¿Onpoatontaꞌ Yosë pochin cancantacasoꞌ nohuantopi?” toconpi. Co Yosë nohuitatonahuëꞌ, napopi.