Mateo 23:38 - Chayahuita (Shahui)

³⁸ Napoaton Tata Yosë patarinquëmaꞌ. Chinotëramaso pëintaꞌ patarin. Co huachi catahuaarinquëmahuëꞌ niꞌton, noquitarama huachi.

Mateo 23:38 ပူးပေါင်းရင်းမြစ်များ

Salmos 69:24

Noꞌhuiton chiníquën anaꞌintëquëꞌ. Ama aꞌnaya tëranta taꞌananpiinënquënsohuëꞌ.

Salmos 69:25

Yaꞌhuëpiquë ama huachi yaꞌhuëꞌinasohuëꞌ. Tananhuantërarin quëran pantachin.

Daniel 9:26

Saota shonca cato simana piquëran huaꞌan Yosëri huayoninso tëpaponaꞌ. Quirosarin ninanoꞌ, Yosë chinotacaso pëiꞌ, inapita naquëranchin ataꞌhuantaantaponaꞌ. Aꞌnara copirno piyapinënpitarë chachin huëcaton inapotapon. Panca paquiiꞌ aꞌnaroáchin mëntarinso pochin taꞌhuantacaisoꞌ canquipon. Quira nicacaisoꞌ, niataꞌhuantacaisoꞌ, inapitasoꞌ, tahuëri taꞌhuantaquë huarëꞌ imapon.

Mateo 24:2

—Iporasoꞌ yaꞌipiya noyápiachin niꞌpiramahuëꞌ, aꞌna tahuërisoꞌ yaꞌipiya ohuatapi. Co aꞌna naꞌpiya tërantaꞌ niyaꞌhuiritarinhuëꞌ, itërin Quisosori.

Marcos 13:14

Aꞌna tahuëri inimicoroꞌsaꞌ Yosë pëinënquë yaꞌconahuatonaꞌ, paꞌpi co noyahuëꞌ nisapi niꞌton, tapiaponaꞌ, co huachi inaquë Yosë chinotapihuëꞌ. (Ina quirica nontohuatamaꞌ, noya yonquicoꞌ.) Ina niꞌpatamaꞌ, naporoꞌ taꞌacoꞌ. Cotia parti yaꞌhuëhuatamaꞌ, motopiꞌpaꞌ taꞌacoꞌ.

Lucas 13:35

Napoaton Tata Yosë patarinquëmaꞌ. Co huachi catahuararinquëmahuëꞌ. Co huachi quënanaramacohuëꞌ. Oꞌmantaꞌhuasoꞌ tahuëri huarëꞌ quënantaramaco. Naporoꞌ: ‘¡Ma noyanquëncha quëmaso paya! Sinioro chachin aꞌpaimarinquën,’ itaramaco,” itërin Quisosori.

Lucas 21:20

Notohuaroꞌ sontaroꞌsaꞌ nisha parti quëran huëcatonaꞌ, Quirosarin tancapitapi. Ina niꞌpatamaꞌ, nani tahuëri nanirinsoꞌ nitotaramaꞌ. ‘Quirosarin ataꞌhuantapi,’ tosaramaꞌ.

Lucas 21:24

Inimicoroꞌsaꞌ huëcatonaꞌ, naꞌa piyapiꞌsaꞌ sahuëniquë tëparapi. Nisha nisha sontaroꞌsari yaꞌhuëpiquë quëparapi asacatacaiso marëꞌ. Nisha piyapiꞌsaꞌ Quirosarinquë yaꞌconahuatonaꞌ, camaitapi. Huaꞌquiꞌ inaquë yaꞌhuaponaꞌ. Tahuërinën nanihuachina, Yosë nohuanton, pipiapi.

Lucas 21:6

Napohuachinara, Quisosori itërin: —Iporasoꞌ yaꞌipiya noyápiachin niꞌpiramahuëꞌ, aꞌna tahuëri yaꞌipi ohuatapi. Co aꞌna naꞌpiya tërantaꞌ niyaꞌhuiritarinhuëꞌ, itërin.