Mateo 23:27 - Chayahuita (Shahui)

²⁷ Canpitasoꞌ nonpintënquëma niꞌton, ¡maꞌhuantacha nisarama paya! Yosë quiricanën aꞌchinpiramahuëꞌ, yanonpinamaꞌ. Niꞌcoꞌ. Chimipi naꞌpi naninquë poꞌmohuatëra, aipiran quëran huiríchinquë pashitërëꞌ. Noyápiachin yaꞌnopirinhuëꞌ, acoposoꞌ nansë, nosha chanatërinsoꞌ, inapita co nishinahuënꞌ nisarin.

Mateo 23:27 ပူးပေါင်းရင်းမြစ်များ

Mateo 23:28

Inapochachin canpitasoꞌ ninamaꞌ. Piyapiꞌsaꞌ noya nicatënënquëmaꞌ: ‘Ma noya maistroꞌsaꞌ Yosë natëpi,’ topirinahuëꞌ. Acopoꞌ cancanëma quëranso nonpinatomaꞌ, paꞌpi co noyahuëꞌ cancantëramaꞌ.

Lucas 11:44

¡Maꞌhuantacha canpitasoꞌ nisarama paya! Chimipi paꞌpitopiso pochin niconamaꞌ. Co corosë acotohuachinarahuëꞌ, acopoꞌ co nishinahuënꞌ nisarinso co nitotatonaraihuëꞌ, piyapiꞌsari iꞌnatopi,” itërin Quisosori parisioroꞌsaꞌ nontaton.

Hechos 23:3

—Quëmasoꞌ nonpintënquën. ¡Yosë ahuëarinquën quëmantaꞌ! “Moisësë pënëntërinsoꞌ natëto, anaꞌintarahuë,” taponahuëꞌ, ¿onpoatontaꞌ shaꞌhuitëran ahuëincosoꞌ? Moisësë chachin pënëninpoaꞌ ama topinan quëran piyapi ahuëcaso marëhuëꞌ, itërin.

Gálatas 6:12

Aꞌnaquën ipora huantaꞌ marca yaacotarinënquëmaꞌ. Aꞌnapita cotioroꞌsari noya nicacaiso marëꞌ inapopi. “Quisocristo corosëquë chiminaton, anoyacancantërinpoaꞌ. Inasáchin nichaꞌërinpoaꞌ, topatëhuaꞌ, cotio huaꞌanoꞌsaꞌ aparisitarinënpoaꞌ,” topi. Ama inapitari noꞌhuicaiso marëhuëꞌ napopi.