Mateo 23:26 - Chayahuita (Shahui)

²⁶ Canpitaso parisioroꞌsanquëmaꞌ, somaraya pochin cancantëramaꞌ. ¿Onporahuatomacha co noꞌtëquën yonquiramahuë paya? Cancanëmaꞌton anoyatocoꞌ. Ina quëran noya cancantatomaꞌ, noya nisarama huachi.

Mateo 23:26 ပူးပေါင်းရင်းမြစ်များ

Isaías 55:7

Co noyahuëꞌ nipisopita, co noyahuëꞌ nipisoꞌ aꞌpoinaꞌ. Nitapicancanpisopitantaꞌ, co noyahuëꞌ yonquipisoꞌ aꞌpoinaꞌ. Yosë chachin tahuërëtaantatomaꞌ, natëantacoꞌ. Inaso noya niꞌton, oshanëma inquitarinquëmaꞌ.

Ezequiel 18:31

Paꞌpi co noyahuëꞌ nicatoma naꞌcon tëhuëtëramaco. Naporamasoꞌ, aꞌpoco huachi. Nasha cancan yaꞌhuëchinquëmaꞌ. Ispiritonta nasha chachin yaꞌhuëchinquëmaꞌ. ¡Canpitaso israiroꞌsanquëma co chiminamaso yaꞌhuërinhuëꞌ! ¡Co caso nohuantërahuë inso tëranta chiminacasoꞌ! ¡Co noyahuëꞌ ninamasoꞌ aꞌpohuatamaꞌ, nanpiaramaꞌ! Ca Sinioroco shaꞌhuitaranquëmaꞌ,” tënin.

Mateo 12:33

Ina quëran itaantarin: “ ‘Nara noya nipachina, noya nitërin. Co noya nitohuachinahuëꞌ, napoonin,’ topi. Nitërin quëran nara nohuitërëꞌ. Inapochachin piyapinpoantaꞌ ninëhuaꞌ. Noya yonquihuatëhuaꞌ, noꞌtëquën nonarihuaꞌ.

Mateo 14:8

Itohuachina, aꞌshin paahuarin. —¿Maꞌtaꞌ mama maꞌpai? itoonin. —“Coansha anishitëconotahuaton, motën quëtoco,” itëquëꞌ, itërin aꞌshini. Manorahuaton, huaꞌan yaꞌhuërinquë paantarin. —Coansha motën nohuantërahuë. Sënanquë acorahuaton, apiramiáchin quëtoco, itoonin.

Marcos 7:4

Mircatoquë paꞌpi quëran yacoshatohuachinara, iꞌquë niopoimiratopi. Naꞌa nisha nisha inachintopisopita yaꞌhuëtopi. Minëroꞌsaꞌ, iꞌsha taꞌpainanoꞌsaꞌ, huaꞌna yonsharoꞌsaꞌ, pëꞌsararoꞌsaꞌ, inapita paꞌmopi.

Lucas 11:39

Yonquirinsoꞌ Quisosori ninoton, itërin: —Canpitasoꞌ aipi quënanamasoráchin yonquipiramahuëꞌ, Yosësoꞌ acopoꞌ cancanëma quëran yonquiramasopita niꞌnin. Niꞌcoꞌ. Aꞌnaquën minëꞌ, sënan, inapita paꞌmohuachinara, pinënáchin paꞌmopipi. Acoposo nipirinhuëꞌ nëꞌhuënantëtërin. Inapochachin canpitasoꞌ cancanëma quëran co noyahuëꞌ yonquiramaꞌ. Piyapiꞌsaꞌ nonpintatomaꞌ, yaihuaramaꞌ. Paꞌpi co noyahuëꞌ cancantëramaꞌ.

Lucas 6:45

Inapochachin piyapiꞌsaꞌ nipi. Noya yonquihuachinara, noya nipi. Co noyahuëꞌ yonquihuachinara, co noyahuëꞌ nipi. Maꞌsona yonquihuachinara, ina chachin nonpi,” itërin.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Hebreos 10:22

Napoaton Quisocristoíchin natëtëhuaꞌ, yaꞌipi cancanënpoa quëran Yosë nontahuaꞌ. Nani oshanënpoaꞌ inquitërinpoaꞌ niꞌton, noya cancantarëhuaꞌ. Quisocristo anoyacancantërinpoaꞌ niꞌton, noya iꞌquë amarëso pochin noyápiachin cancantarihuaꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.