Mateo 23:19 - Chayahuita (Shahui)

¹⁹ Somaraya pochin cancantatomaꞌ, co noꞌtëquën yonquiramahuëꞌ. Co maꞌsha acopisoꞌ aquëtëꞌ yonquicasoꞌ yaꞌhuërinhuëꞌ. Artaro mini maꞌsha acopi quëran noya noya ninin. Artaroquë acopi niꞌton, Yosëri noya niꞌnin.

Mateo 23:19 ပူးပေါင်းရင်းမြစ်များ

Mateo 23:17

Co noꞌtëquën yonquiramahuëꞌ. Yosë chinotopiso pëiꞌ mini oro quëran noya noya ninin. Oro inaquë yaꞌhuërinsoꞌ co aquëtëꞌ yonquicasoꞌ yaꞌhuërinhuëꞌ. Co chinotopisoꞌ pëiquë yaꞌhuërinhuëꞌ naporini, co Yosëri noya niꞌitonhuëꞌ.

Mateo 23:18

Yosë chinotopiso pëiquë artaro yaꞌhuërin. Inaquë maꞌsha acopi Yosë chinotacaiso marëꞌ. ‘Artaro yaꞌhuërin niꞌton, noꞌtëquën nontaranquën,’ tapomarahuëꞌ, nonpinpatamantaꞌ, ‘Co ina marëꞌ Yosë anaꞌintarinpoahuëꞌ,’ toconamaꞌ. ‘Maꞌsha inaquë acopisoꞌ yaꞌhuërin niꞌton, noꞌtëquën nontaranquën, topatëra, naporo huarëꞌ noꞌtëquën nontacasoꞌ yaꞌhuërin,’ topiramahuëꞌ. Yanonpinatomaꞌ, naporamaꞌ.

Mateo 23:20

‘Artaro yaꞌhuërin niꞌton, noꞌtëquën nontaranquën,’ topatamaꞌ, yaꞌipi inaquë acopisopitantaꞌ yonquicasoꞌ yaꞌhuërin.