Mateo 22:8 - Chayahuita (Shahui)

⁸ Piyapinënpita amatantarahuaton, shaꞌhuitërin. ‘Pita marëꞌ nani tapapirahuëꞌ. Amatërahuësopitasoꞌ co inashitopihuëꞌ isëquë nicacaiso niꞌton, co huachi inapita yonquirahuë.

Mateo 22:8 ပူးပေါင်းရင်းမြစ်များ

Mateo 22:7

Copirnosoꞌ natantahuaton, chiníquën noꞌhuitërin. Sontaroꞌsaꞌ aꞌparin anaꞌintacaiso marëꞌ. Piyapinënpita tëpatopi niꞌton, inahuantaꞌ sontaroꞌsari tëparin. Napotahuatonaꞌ pëinënapita ahuiquitopi.

Mateo 22:9

Aꞌna ira aꞌna ira paꞌtatomaꞌ, aꞌnapita piyapiꞌsaꞌ quënanpatamaꞌ, shaꞌhuitoncoꞌ huëꞌinaꞌ. Inso tërantaꞌ quënanpatamaꞌ, shaꞌhuitocoꞌ huëꞌinaꞌ. Huiꞌnahuë saꞌacaso marëꞌ noya pita nisarahuë,’ itërin.

Mateo 9:15

—Ca yaꞌhuarahuë niꞌton, co sëtopihuëꞌ. Niꞌcoꞌ. Quëmapi saꞌacaso marëꞌ piyapiꞌsaꞌ amatohuachina, capa cancantopi. Nipayarinsopita huëꞌpachinara, inapitarëꞌ coshatatonaꞌ, capa cancantapi. ¡Co sëtacaisoꞌ yaꞌhuërinhuëꞌ! Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiapihuëꞌ. Sëtapi huachi. Inapochachin cantaꞌ mapachinaco, imarinacosopita sëtapi. Sëtatonaꞌ, co huachi coshatacaisoꞌ yonquiatonahuëꞌ, Yosë nontáponaꞌ, itërin Quisosori.

Lucas 20:35

Aꞌnaquën Yosëri noya niꞌninsopita inápaquë pantarapi. Nanpiantahuachinaꞌ, co huachi saꞌaponahuëꞌ. Sanapiꞌsantaꞌ co soꞌyaponahuëꞌ.

Lucas 21:36

Napoaton noya cancantatomaꞌ, Yosë nontocoꞌ achinicancainquëmaꞌ chaꞌëcamaso marëꞌ. Yosë quëran caso quëmapico niꞌto, co imapisopitahuëꞌ anaꞌintarahuë. Apira apira Yosë nontohuatamaꞌ, naporoꞌ tahuëri co tapanatomahuëꞌ, noya huaniparamaco,” tënin Quisoso.

Hechos 13:46

Paonoso nipirinhuëꞌ chiníquën cancantaton, co tëꞌhuarinhuëꞌ. Pirnapintaꞌ chiníquën cancantërin. —Canpitaꞌton Yosë nanamën shaꞌhuitaꞌhuanquëmasoꞌ yaꞌhuëpirinhuëꞌ, aꞌporamaꞌ niꞌton, canpitaora tëhuënëma quëran co nanpimiataramahuëꞌ. Napoaton nisha piyapiꞌsaꞌ aꞌchintarai.

2 Tesalonicenses 1:5

Imaramaso marëꞌ parisitapomarahuëꞌ, noya ahuantëramaꞌ niꞌton: “Tëhuënchachin Yosë catahuarinquëmaꞌ,” tënai. Inasoꞌ noꞌtëquën yonquirin. Yosë nohuanton, ipora parisitaramaꞌ noya noya cancantacaso marëꞌ. Ina quëran noya niꞌsarinquëmaꞌ. Aꞌna tahuëri huaꞌanëntërinquë quëpantarinquëmaꞌ.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.

Apocalipsis 3:4

Napoaponahuëꞌ, caraichinquëmaꞌ noyápiachin cancantëramaꞌ. Canpitaráchin noya nicatomaꞌ, co nëꞌhuëtërinso pochin cancantaramahuëꞌ. Ina marëꞌ canpitasoꞌ noya niꞌsaranquëmaꞌ niꞌton, Yosëꞌpaꞌ ichiyaꞌhuëcontaranquëmaꞌ. Inatohuaꞌ nóya cancantaramaꞌ niꞌton, huiríchin aꞌmocontaramaꞌ.