Mateo 22:5 - Chayahuita (Shahui)

⁵ Paꞌsahuatonaꞌ, shaꞌhuitaantapirinahuëꞌ. ‘Coꞌchi nanitëraihuë paya,’ toconpi aꞌnaya aꞌnaya. Aꞌnasoꞌ iminquë paꞌnin. Aꞌnantaꞌ maꞌsha paꞌanapon paꞌnin.

Mateo 22:5 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

Génesis 25:34

Naporo huarëꞌ Cacopori, pan acotahuaton, shantë aꞌitërinsonta oꞌhuintërin. Nani caꞌsahuaton, oꞌosahuaton, Isaosoꞌ paꞌnin huachi. Paninan nininso marëꞌ canacaso yaꞌhuëtërinsoꞌ, co manta paꞌtërinhuë pochin nitërin.

Proverbios 1:7

Yonquínahuan nicamasoꞌ nohuantohuatamaꞌ, Sinioro noya nicatoma natëcoꞌ. Co yonquínahuanhuëꞌ nipachinara, yonquínahuan yonquipisopita nocanpi. Co aꞌchintacaiso tëranta paꞌyatopihuëꞌ.

Mateo 13:22

Aꞌnaquën piyapiꞌsantaꞌ nahuanoꞌ yaꞌhuërinso pochin niconpi. Yosë nanamën natanpachinara, yaimapirinahuëꞌ, maꞌsharáchin yonquiatonaꞌ, naniantopi. ‘Naꞌa coriqui, maꞌsha, inapita yaꞌhuëtohuachincoi, nóya cancantarai,’ topirinahuëꞌ, co ina quëran noya cancantacasohuëꞌ nipirinhuëꞌ. Napoaton nahuanoꞌsari imotërinso pochin, maꞌsharáchin yonquiatonaꞌ, Yosë nanamën naniantopi. Co imamiatopihuëꞌ.

Mateo 22:4

Copirnoso natanahuaton, aꞌnapita piyapinënpita aꞌpaantarin: ‘Shaꞌhuitoncoꞌ manóton huëꞌinaꞌ. Nani ohuacaroꞌsaꞌ amoshin nipisopita atëpatërahuë capacaso marëꞌ. Nani yaꞌipi taparahuë. Huëco huachi caꞌahuaꞌ, itoncoꞌ,’ itahuaton aꞌparin.

Mateo 22:6

Aꞌnaquënisoꞌ, piyapinënpita masahuatona ahuëpi. Inapotatonaꞌ tëpapi.

Juan 2:16

Nëpëꞌ paꞌanpisopita itapon: —Isopitantaꞌ quëpacoꞌ. ¡Ama Tatahuë pëinën mircato pochin nitocosohuëꞌ! itërin Quisosori.

Hechos 2:13

Aꞌnaquënso nipirinhuëꞌ tëhuarahuatonaꞌ: —Noꞌpitonaꞌ, napoapi, toconpi.

Hechos 24:25

Yosë shaꞌhuitërinpoaꞌ noya cancantacaso marëꞌ. Ina catahuarinpoaꞌ co noyahuëꞌ yonquirëhuasopita naniantacasoꞌ. Aꞌna tahuëri coisë pochin nicaton, yaꞌipi piyapiꞌsaꞌ natanarin. Co noyahuëꞌ nipisopita anaꞌintarin,” tënin Paono. Napotohuachina, huaꞌan paꞌpi paꞌyanin. —Nani huachi. Iporasoꞌ paquëꞌ. Aꞌna tahuëri yanontaantahuatënquën, amataantaranquën, itërin.

Romanos 2:4

Yosë nosororinpoasoꞌ co noꞌtëquën yonquiramahuëꞌ. “Co aꞌnaroáchin noꞌhuirinpoahuëꞌ,” taꞌtomaꞌ, co noyahuëꞌ ninamaꞌ. Tëhuënchachin co aꞌnaroáchin anaꞌintërinquëmahuëꞌ. “Oshaquëran co noyahuëꞌ yonquipisopita naniantaponaꞌ nimara,” taꞌton, ninarárin.

Romanos 8:6

Co noyahuëꞌ nicacasoráchin paꞌyatohuatëhuara, chimipi pochin niconëhuaꞌ. Co Yosë nohuitërëhuahuëꞌ. Nipirinhuëꞌ, Ispirito Santo paꞌyatatëhuaꞌ natëhuatëhuaꞌ, Yosë nohuitatëhuaꞌ, nanpimiatarihuaꞌ. Noya yonquiatëhuaꞌ, sano cancantarihuaꞌ.

2 Timoteo 3:4

Iina niponaraihuëꞌ, nonpinapitonaꞌ shaꞌhuirapiapi. Co huachi yonquiapihuëꞌ: “Quiyasáchin nitotërai,” tosapi. Nipaꞌyatacasoáchin yonquiatonaꞌ, co huachi Yosë nohuantapihuëꞌ.

Hebreos 2:3

Iporaso nipirinhuëꞌ, Quisocristo aꞌpaimarin noya nanan shaꞌhuitiinpoaso marëꞌ. Naꞌcon nosoroatonpoaꞌ, yanichaꞌërinpoaꞌ. Huiꞌnin chachin niꞌton, co ina natëhuatëhuahuëꞌ, naꞌcon naꞌcon anaꞌintinpoasoꞌ yaꞌhuërin. Quisocristo chachin noya nanan shaꞌhuirin. Ina quëran caꞌtanoꞌsanënpitari natanahuatonaꞌ, inachachin shaꞌhuitaantarinënpoaꞌ.

2 Pedro 2:3

Nisha aꞌchinaꞌpiroꞌsasoꞌ co nosororinënquëmahuëꞌ. Canacaiso marëꞌ nonpin nananoꞌsaꞌ aꞌchintarinënquëmaꞌ. Inaso nipirinhuëꞌ, iráca quëra huarëꞌ Yosëri yonquirin anaꞌintacasoꞌ. Aꞌna tahuëri noꞌtëquën anaꞌintarin. Co naniantarinhuëꞌ anaꞌintacasoꞌ.