Mateo 22:46 - Chayahuita (Shahui)

⁴⁶ Natanaponaraihuëꞌ, co mantaꞌ aꞌpanitopihuëꞌ. “Yosë huiꞌnin chachin niꞌton, Tapiri Cristo chinotërin,” taꞌcaiso nipirinhuëꞌ, co yanatëpihuëꞌ. Napoaton naporo quëran huarëꞌ tapanatonaꞌ, co huachi nohuantopihuëꞌ Quisoso natanacaisoꞌ.

Mateo 22:46 ပူးပေါင်းရင်းမြစ်များ

Mateo 21:27

Nani ninontohuachinara, Quisoso itaponaꞌ: —Ahuën. Co quiyasoꞌ nitotëraihuëꞌ. ¿Incarisoꞌ Coansha nanan quëtomara? Co nitotëraihuëꞌ, toconpi. —Iꞌyan, napoahuarëꞌ co carinquëmantaꞌ insosona nanan quëtërincosoꞌ shaꞌhuitaranquëmahuëꞌ, itërin Quisosori.

Mateo 22:45

Shiaꞌhuain niponahuëꞌ, Cristo yonquiaton, “Sinioronëhuë,” tënin. ¿Onpoatontaꞌ naporin? itërin Quisosori.

Marcos 12:34

—Noꞌtëquën iyasha yonquiran niꞌton, piꞌpian pahuantarinquën Yosë huaꞌanëntërinquë yaꞌconacasoꞌ, itërin Quisosori. Ina quëran yaꞌipi piyapiꞌsaꞌ tapanatonaꞌ, co huachi nohuantopihuëꞌ nataantacaisoꞌ.

Lucas 13:17

Natanahuatonaꞌ, inimiconënpitasoꞌ tapanpi. Aꞌnapitariso nipirinhuëꞌ, paꞌyatopi: “¡Ma noyacha Quisoso nanitaparin paya!” topi.

Lucas 14:4

Natanahuatonaꞌ, taꞌtápi. Co mantaꞌ topihuëꞌ. Co aꞌpanitohuachinaraihuëꞌ, caniaꞌpi sëꞌhuarahuaton, aꞌnaroáchin anoyatërin. —Noya paquë huachi, itërin.

Lucas 14:6

Parisioroꞌsaso nipirinhuëꞌ tapanatonaꞌ, co nanitopihuëꞌ aꞌpanitacaisoꞌ.

Lucas 20:40

Ina quëran tëꞌhuatatonaꞌ, co huachi nohuantopihuëꞌ nataantacaisoꞌ.

Hechos 4:14

Quëmapi nani noyatërinsoꞌ inaquë huanirarin niꞌton, co nanitopihuëꞌ “Nonpinápi,” taꞌcaisoꞌ.

Hechos 7:32

“Casoꞌ Yosëco. Quëma shimashonënpita chinotërinaco. Apraan, Isaco, Cacopo, inapita chinotërinaco,” itërin. Moisësë tëꞌhuataton, ropa ropátarin. Monshorahuaton, co yaniꞌninhuëꞌ.