Mateo 22:3 - Chayahuita (Shahui)

³ Napoaton piyapinënpita aꞌparin piyapiꞌsaꞌ shaꞌhuitacaiso marëꞌ. Shaꞌhuitopirinahuëꞌ, co nohuantopihuëꞌ huëcacaisoꞌ.

Mateo 22:3 ပူးပေါင်းရင်းမြစ်များ

Isaías 30:15

Naporahuaton, inaso taantarin: “Canpitaso nisha nisha cancantëramaꞌ. Huëco natëantatomaco sano cancantocoꞌ. Inapohuatamaꞌ, nichaꞌësaranquëmaꞌ. Sano cancantatoma casáchin chinotoco. Inapohuatamaꞌ, chiníquën nisaramaꞌ,” tënin Sinioro. Napopirinhuëꞌ, co canpitaso nohuantëramahuëꞌ.

Oseas 11:2

Israiroꞌsaso naꞌaro përápirahuëꞌ, naꞌcon naꞌcon aquënanpirinaco. Inapitasoꞌ piyapinëhuëpita nipirinahuëꞌ, mamanshi moshacaiso marëꞌ maꞌsha tëpapi. Yonarin pochin nininsonta aꞌpërahuatona moshapi.

Oseas 11:7

Piyapinëhuëpitasoꞌ, co yatahuërëtërinacohuëꞌ: ‘Yosëso chini chiníquën nanantërin,’ taponaraihuëꞌ, co tëhuënchachin tëꞌhuatërinacohuëꞌ.

Mateo 21:34

Ina quëran nani nitohuachina, aquë yaꞌhuërin quëran piyapinënpita aꞌparin patoma nitërinsoꞌ maꞌpacaiso marëꞌ.

Mateo 23:37

Ina quëran taantarin: “¡Yaꞌipi Quirosarinquë yaꞌhuëramasopita yonquiatënquëmaꞌ, chiníquën sëtërahuë! Naꞌa pënëntonaꞌpiroꞌsaꞌ Yosë aꞌpatërinquëmaꞌ pënëinënquëmaso marëꞌ. Aꞌpapirinhuëꞌ, tëparamaꞌ. Aꞌnaquën naꞌpiquë tëꞌyaratomaꞌ, tëparamaꞌ. Yaꞌipinquëmaꞌ nosoroatënquëmaꞌ, naꞌaroꞌ yacatahuapiranquëmahuëꞌ, co ca tërantaꞌ nohuantëramacohuëꞌ. Atari huaꞌhuin toꞌcohuëtërinso pochin yapaꞌpoyapiranquëmahuëꞌ, co nohuantëramacohuëꞌ.

Mateo 3:2

—Yosë huaꞌanëntiinpoasoꞌ tahuëri nani yaꞌcariarinpoaꞌ. Napoaton co noyahuëꞌ yonquiramasopita naniantatomaꞌ, Yosë chachin tahuërëtantaco huachi, itarin. Nani tahuëri ina pochin pënënárin.

Mateo 9:15

—Ca yaꞌhuarahuë niꞌton, co sëtopihuëꞌ. Niꞌcoꞌ. Quëmapi saꞌacaso marëꞌ piyapiꞌsaꞌ amatohuachina, capa cancantopi. Nipayarinsopita huëꞌpachinara, inapitarëꞌ coshatatonaꞌ, capa cancantapi. ¡Co sëtacaisoꞌ yaꞌhuërinhuëꞌ! Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiapihuëꞌ. Sëtapi huachi. Inapochachin cantaꞌ mapachinaco, imarinacosopita sëtapi. Sëtatonaꞌ, co huachi coshatacaisoꞌ yonquiatonahuëꞌ, Yosë nontáponaꞌ, itërin Quisosori.

Lucas 13:34

Ina quëran itantarin: “¡Yaꞌipi Quirosarinquë yaꞌhuëramasopita yonquiatënquëmaꞌ, chiníquën sëtërahuë! Naꞌa pënëntonaꞌpiroꞌsaꞌ Yosë aꞌpatërinquëmaꞌ pënëinënquëmaso marëꞌ. Aꞌpapirinhuëꞌ, tëparamaꞌ. Aꞌnaquën naꞌpiquë tëꞌyaratomaꞌ, tëparamaꞌ. Yaꞌipinquëmaꞌ nosoroatënquëmaꞌ, naꞌaroꞌ yacatahuapiranquëmahuëꞌ, co ca tërantaꞌ nohuantëramacohuëꞌ. Atari huaꞌhuin toꞌcohuëtërinso pochin yapaꞌpoyapiranquëmahuëꞌ, co nohuantëramacohuëꞌ.

Lucas 15:28

Ina natanahuaton, noꞌhuitërin. Noꞌhuitaton, co yayaꞌconinhuëꞌ. Paꞌpini pipirahuaton, itërin: ‘Huëquëꞌ conpa capa cancantahuaꞌ,’ itopirinhuëꞌ.

Lucas 19:27

Co nohuantërinacosopitaso nipirinhuëꞌ maconcoꞌ. Isëquë chachin tëpacoꞌ,’ tënin,” itërin Quisosori.

Juan 5:40

Noꞌtëquën ninopirinacohuëꞌ, co yaimaramacohuëꞌ. Ananpimiataꞌhuanquëmasoꞌ yaꞌhuëpirinhuëꞌ, co nohuantëramacohuëꞌ.

Hechos 13:45

Cotioroꞌsaso nipirinhuëꞌ notohuaroꞌ piyapi niꞌsahuatonaꞌ, noꞌhuitonaꞌ, apiratopi. “Isopitasoꞌ nisha piyapiꞌsaꞌ niꞌton, co canpoa pochin iráca pënëntërinsoꞌ natëpihuëꞌ,” taꞌtonaꞌ, noꞌhuitopi. “Paono co noꞌtëquën aꞌchininhuëꞌ. Inasoꞌ nonpintëꞌ,” itopi.

Romanos 10:21

Israiroꞌsaso nipirinhuëꞌ co yanatëpihuëꞌ. Inapita yonquiaton, Isaiasë quëran taantarin: “Iráca quëran huarëꞌ yacatahuarahuë. Imirahuë ihuëtatë pochin nitato: ‘Huëcoꞌ catahuainquëmaꞌ,’ itopirahuëꞌ, co yanatërinacohuëꞌ. Co natantochináchinhuëꞌ cancantopi, tënin Yosë,” itërin.

Hebreos 12:25

Napoaton Quisocristo nanamën noya natancoꞌ. Ama piꞌpian tërantaꞌ aꞌpocosohuëꞌ. Pënëntërinso nanan shaꞌhuitohuachinara, aꞌnaquën co yanatëtopihuëꞌ niꞌton, aꞌnaroáchin anaꞌintërin. Quisocristo nanamënsoꞌ noya noya niꞌton, ina naniantohuatëhuaꞌ, aquë aquëtëꞌ anaꞌintinpoasoꞌ yaꞌhuërin. Inasoꞌ inápa quëran pënëninpoaꞌ.

Hebreos 9:15

Napoaton nasha quëran anoyatërinso nani shaꞌhuitërinpoaꞌ. Yaꞌnan anoyatërinso naꞌa piyapiꞌsaꞌ imapirinahuëꞌ, co noyahuëꞌ cancantatonaꞌ, oshahuanpi. Co maꞌsharoꞌsaꞌ huënainën quëran oshanënaꞌ inquimiatopihuëꞌ. Nipirinhuëꞌ, Quisocristo chiminin yaꞌipi huayoninsopita oshanënaꞌ inquitacaso marëꞌ. Yaꞌnan anoyatërinso imapisopita oshanënantaꞌ inquitërin.

Apocalipsis 22:17

Yaꞌipi Quisoso imarëhuasopita: “Oꞌmantaquëꞌ Sinioro,” itërëhuaꞌ. Ispirito Santontaꞌ, inachachin tënin. Natanamasopitantaꞌ, “Oꞌmantaquëꞌ Sinioro,” itocoꞌ. Yamororëso pochin cancantohuatamaꞌ, huëcoꞌ nanpirin iiꞌ quëchinquëmaꞌ. Achinirinpoaso pochin quëtarinquëmaꞌ noya cancantacamaso marëꞌ. Co mantaꞌ paꞌtërinhuëꞌ.

1 Samuel 9:13

Canconpatamaꞌ, aꞌnaroáchin yonícoꞌ. Coꞌhuara inaquë paꞌshátërasohuëꞌ, yaꞌcopiontacoꞌ. Inasoꞌ, inaquë capon paꞌsarin. Coꞌhuara ina canshátërasohuëꞌ, co aꞌnapitaso caponahuëꞌ. Ina cancona huarëꞌ caponaꞌ. Inari maꞌsha Sinioro marëꞌ tëpapisoꞌ, “Yosparinquën,” itacaso niꞌton, ninapi. Inapotohuachina naporo huarëꞌ përarinsopita caponaꞌ. Napoaton apira paꞌpatamaꞌ quënancoanamaꞌ, itopi nanoꞌsari.