Mateo 21:4 - Chayahuita (Shahui)

^4-5 Iráca Yosë nohuanton pënëntonaꞌpiri ninshitaton tapon: “Quirosarinquë yaꞌhuëpisopita shaꞌhuitëquëꞌ: ‘Niꞌcoꞌ iyaroꞌsaꞌ. Huaꞌanëmaꞌ huëꞌsarin catahuainquëmaso marëꞌ, Yosë aꞌpatimarinquëmasoꞌ. Chiníquën nanantaponahuëꞌ, topinan piyapi pochin cancantaton, mora huiꞌnapishin aipi huënsëriarin, itëquëꞌ,’ ” tënin. Iráca ninorinso chachin Quisoso mora aipi paacaso yonquirin.

Mateo 21:4 ပူးပေါင်းရင်းမြစ်များ

Zacarías 9:9

Sinioro chachin naporin: “Sion motopiaꞌhuaquë yaꞌhuëramasopita, capa cancantomiatocoꞌ. Quirosarinquë yaꞌhuëramasopitantaꞌ, capa cancantatoma cantacoꞌ. Niꞌcoꞌ. Copirnonëma huëꞌsarin. Inaso noyasáchin ninin. Yaꞌipi inimicoroꞌsa minsërin. Ina niponahuëꞌ, topinan piyapi pochin mora huiꞌnapishinquë yaꞌmitëahuaton, huëꞌsarin.

Mateo 1:22

Iráca Yosë nohuanton, pënëntonaꞌpi ninorin. Ninoton, Yosë quiricanënquë chachin ninshitërin:

Mateo 21:3

“¿Onpotaomataꞌ iꞌquiritaramasoꞌ?” itohuachinënquëmaꞌ, “Siniorori nohuantërin. Apira isëquë acoquiantarai,” itocoꞌ. “Quëpaquëꞌ nipachin,” itohuachinënquëmaꞌ, quëshico, itërin.

Mateo 26:56

Napoaponahuëꞌ, Yosë nohuanton, iporasoꞌ masaramaco. Quiricanën quëran ninorinacoso chachin masaramaco, itërin. Ina quëran yaꞌipi caꞌtanoꞌsanënpitari taꞌananpipi huachi.

Marcos 11:7

Napotohuachinara, Quisosoquë quëpi. Aꞌmopisoꞌ masahuatonaꞌ, mora aipi huëtopi. Nani huëtohuachinara, ina aipi Quisoso huënsërahuaton, paꞌsarin.

Lucas 19:35

Napotohuachina quëpatopi. Mora aipi aꞌmopisoꞌ huëtohuachinara, ina aipi Quisoso huënsërahuaton, paꞌsarin.

Juan 12:12

Huaꞌhuayátërahuë piyapiꞌsaꞌ Quirosarinquë paꞌsapi. Pascoa naꞌhuëcaiso marëꞌ inatohuaꞌ paꞌsapi. Tahuëririnquë Quisosontaꞌ inatohua chachin paꞌsarin. Ina natantahuatonaꞌ,

Juan 12:15

“Quirosarinquë yaꞌhuëramasopita, ama paꞌyancosohuëꞌ. Niꞌcoꞌ. Huaꞌanëmaꞌ huëꞌsarin. Mora huiꞌnapishin aipi huënsëriarin. Inaquë yaꞌmitahuaton huëꞌsarin,” tënin ninshitaton.