Mateo 21:38 - Chayahuita (Shahui)

³⁸ Yaꞌcaritërasoꞌ, inpriatoroꞌsari quënanpi. ‘Niꞌcochi. Huiꞌnin chachin huëꞌsarin huachi. Paꞌpin chiminpachin, iso noꞌpa chachin huaꞌanëntapon. Huëcoꞌ tëpaꞌahuaꞌ yaꞌipi maꞌshanënpita matahuaꞌ,’ nitopi.

Mateo 21:38 ပူးပေါင်းရင်းမြစ်များ

1 Reyes 1:12

Napoaton apira carinquën shaꞌhuichinquën maꞌsona noya nicamasoꞌ. Inapohuatan co tëpaponënhuëꞌ. Saromonta co tëpaponahuëꞌ.

Mateo 21:34

Ina quëran nani nitohuachina, aquë yaꞌhuërin quëran piyapinënpita aꞌparin patoma nitërinsoꞌ maꞌpacaiso marëꞌ.

Mateo 21:37

Ina quëran huaꞌanënsoꞌ yonquiantarin. ‘¿Maꞌcha onpochiya? Naꞌayaꞌpi aꞌpapirahuëꞌ, co mantaꞌ quëtopihuëꞌ. Huiꞌnahuë chachin nipachin aꞌpaꞌi. Ina tëhuënchinsoꞌ natëaponaꞌ nimara,’ taꞌton, huiꞌnin chachin aꞌpapirinhuëꞌ.

Mateo 21:39

Naporahuatonaꞌ, huaꞌanën huiꞌnin mapi. Masahuatonaꞌ, aipiran tëꞌyatopi. Ina quëran tëpapi huachi.

Lucas 20:14

Inpriatonënpitasoꞌ huiꞌnin quënanahuatonaꞌ, ninontopi. ‘Pasoꞌ huiꞌnapi aꞌna tahuëri paꞌpin chiminpachin, iso noꞌpa chachin huaꞌanëntapon. Huëcoꞌ tëpaꞌahuaꞌ. Yaꞌipi maꞌshanënpita canpoari matahua huachi,’ nitopi.

Hebreos 1:2

Iporaso nipirinhuëꞌ, huiꞌnin quëran nontërinpoaꞌ. Iráca Yosëri shaꞌhuitohuachina, Quisocristori isoroꞌpaꞌ, inápaquë yaꞌhuërinsopita, yaꞌipi ninin. Aꞌna tahuëri Yosë nohuanton, yaꞌipi huaꞌanëntarin.